Henry Miller
Dr Henry Valentine Miller (* 26. Dezämber 1891 in Nöi York; † 7. Juni 1980 z Los Angeles) isch en amerikanische Schriftsteller und Mooler gsi.
Si Wärk isch fast usschliesslig in dr Form von ere Autobiografii oder Daagebuech gschriibe und zäigt si Gfüüls- und Gedankewält, wo mänggisch surreal aamuetet. Im Miller sini Schrifte si seer gsellschaftskritisch und psüchoanalütisch. Die verschiidenste Charakter, wo mä in sine Büecher cha finde, häi en unverkennbaari Füsiognomii, wo si drmit s Lääbe mäistere oder draa schitere. Dr Miller het sälber gsäit, ass er s Lääbe äso well darstelle, wien er s erläbt het, und ass er e künstligi Stilisierig häig welle vermiide. Sini Beschriibige vo dr Sexualidäät, wo bewusst provozierend-realistisch si, si Däil gsi vo sine Besträäbige, s bürgerlige Wärtsüsteem, won er as verlooge und falsch empfunde het, z entlarve und dur en Individualismus z ersetze, wo nüchtern und glichzitig poetisch isch.
Dr Miller isch äine vo de bedütendste Schriftsteller vom 20. Joorhundert, het mit siner provokante Sprooch und siner nonkonformistische Haltig und Lääbenswiis vili Autoore vo dr Biit Dschenereischn und vom sogenannte Postmodernismus beiiflusst, wo wien är d Wärt vo dr Middelschichtsgsellschaft verachdet häi. Bekannti Verdräter vo dr Biit Dschenereischn si under anderem d Schriftsteller Jack Kerouac (1922–1969) und Allen Ginsberg (1926–1997) gsi.
Hauptwärk
[ändere | Quälltäxt bearbeite]- 1927 Moloch or this gentile world, (Moloch oder die Gojische Welt, Goldmann-Verlag 1995, ISBN 3442429544) (posthum veröffentlicht)
- 1934 Tropic of Cancer (Wendekreis des Krebses)
- 1939 Tropic of Capricorn (Wendekreis des Steinbocks)
- 1949/53/60 Die Roman-Trilogie Sexus, Plexus und Nexus
- 1957 Big Sur and the Oranges of Hieronymus Bosch
- 1983 Opus Pistorum (posthum erschiine)
Uf Dütsch
[ändere | Quälltäxt bearbeite]- Verrückte Lust, ISBN 3-442-42818-1
- Big Sur und die Orangen des Hieronymus Bosch, ISBN 3-499-10849-6
- Frankreich. Land der Erinnerung. Fotos von Henri Cartier-Bresson, ISBN 3-89561-582-X
- Joey. E Bortret vom Alfred Perlès und e baar Episode im Zämmehang mit em andere Gschlächt, ISBN 3-499-13296-6
- Jugendfreunde. ISBN 3-499-12587-0
- Der klimatisierte Alptraum, ISBN 3-499-11851-3
- Der Koloß von Maroussi. Eine Reise nach Griechenland, ISBN 3-499-10758-9
- Lachen, Liebe, Nächte. Säggs Erzäälige, ISBN 3-499-10227-7
- Das Lächeln am Fuße der Leiter, "The smile at the foot of the ladder", 1948, illustriert vom Joan Miró, ISBN 3-499-14163-9
- Meine Jugend hat spät begonnen. Dialog mit em Georges Belmont, ISBN 3-499-13338-5
- Mein Fahrrad und andere Freunde. Erinnerigsbletter, ISBN 3-499-13297-4
- Mein Leben und meine Welt. Autobiographischi Bilanz mit vilen Fotene, Reinbek 1974, ISBN 3-499-11745-2
- Nexus, ISBN 3-499-11242-6
- Opus Pistorum, ISBN 3-499-15820-5
- Plexus, ISBN 3-499-11285-X
- Sexus, ISBN 3-499-23373-8
- Stille Tage in Clichy, ISBN 3-499-15161-8
- Von der Unmoral der Moral und andere Texte, ISBN 3-499-14396-8
- Die Welt des Sexus, ISBN 3-499-14991-5
- Wendekreis des Krebses, ISBN 3-499-14361-5
- Wendekreis des Steinbocks, ISBN 3-499-14510-3
- Sämtliche Erzählungen, ISBN 3-498-09272-3
- Schwarzer Frühling, ISBN 3-499-11610-3
D Übersetzige ins Dütsche vom Alexander Koval gälte as mäisterhaft.
Audio
[ändere | Quälltäxt bearbeite]- Ingo Abel: Das Lächeln am Fuße der Leiter, 2 CDs, Hörbuch Hamburg, Hamburg 2002, ISBN 3-89903-102-4, ISBN 3-89903-103-2.
Litratuur
[ändere | Quälltäxt bearbeite]- Mary V. Dearborn: Henry Miller. Eine Biographie (Originaltitel: The Happiest Man Alive). Deutsch von Sabine Schulte. Knaus, München 1991, ISBN 3-8135-1152-9.
- Robert Ferguson: Henry Miller. Ein Leben ohne Tabus. Kindler, München 1991.
- Erica Jong: Der Teufel in Person: Henry Miller und ich. Hoffmann und Campe, Hamburg 1999.
- Jay Martin: Henry Miller: die Liebe zum Leben. Claassen, Düsseldorf 1980.
- Walter Schmiele: Henry Miller. Mit Selbstzeugnissen und Bilddokumenten dargestellt. 15. Auflage, 68.-70. Tausend. Rowohlts Monographien (Band 61). Rowohlt, Reinbek bei Hamburg 1992, 190 S., ISBN 3-499-50061-2.
- Lawrence J. Shifreen (Hrsg.) et al.: Henry Miller. A Bibliography of Primary Sources. Mit einem Vorwort von Henry Miller. Band 1, 1993; dazu: Band 2, Addenda, Corrections and Updates, 1994; dazu: Henry Miller: A Bibliography of Secondary Sources, 1999.
Weblingg
[ändere | Quälltäxt bearbeite]
Commons: Henry Miller – Sammlig vo Multimediadateie
|
Dä Artikel basiert uff ere fräie Übersetzig vum Artikel „Henry_Miller“ vu de dütsche Wikipedia. E Liste vu de Autore un Versione isch do z finde. |