Honda

Honda
Unternähmensform
ISIN JP3854600008
Sitz Tokio, JapanJapan Japan
Mitarbeiter 178.960 (2008)
Umsatz 12,0 Bio. Yen (2007)
Branche Automobilindustrie
Uffdritt im Netz https://web.archive.org/web/20131508101000/http://world.honda.com/
Honda S2000
Honda CBR600RR

S Unternehme Honda (jap. 本田技研工業株式会社, Honda Giken Kōgyō Kabushiki-gaisha, dt. „Honda Forschung und Industrie“), gelistet im Nikkei 225, isch en japanischer Konzern (u. a. Hamamatsu), wo Automobile, Motorräder, Ussebordmotore und Motorgrät für dä Weltmarkt entwicklet, gfertigt und vermarktät.

Gmässä am Börsenwert isch Honda dä zweitgrößti Automobilhersteller vo dä Welt.

Mit enerä Jahresproduktion vo 22 Millionä Motorä isch Honda ußerdem dä gröschti Motoräherschteller vo dä Welt. In sine Fabrike i 30 Ländär i dä Welt beschäftiget Honda rund 179.000 Mitarbeiter. Hauptsitz vo dä Firma isch Tokio. D Konzernverwaltig für Honda Motor Europe (North) GmbH und die dütschä Entwickligsabteilig befindät sich in Offebach am Main.

Gschicht

[ändere | Quälltäxt bearbeite]

Honda isch am 24. September 1948 gründet worä und treit dä Namä vom Gründer, Sōichirō Honda. Am Afang vo dä Firmegschicht het Honda Motore zum Antrieb vo Velos produziert.

Näbä Toyota isch Honda eini vo dä wenigä unabhängigä japanischä Automobil- und Motorradherschteller. Das isch begründät i dä Tatsach, dass da Unternehmä währed dä Restrukturierig vom internationalä Auto- und Motorradmarkt erfolgrich gsi isch und es gschafft het, nöd mit anderä Unternehmä fusionierä z müässä oder durch Akquisitionä vo fremdänä Investorä sini Unabhängigkeit zverlürä. Siit 1986 värwändät Honda für sini Luxusautomobile de Markänämä Acura. Die werdet nur i Nordamerika und Hongkong vertriebä.

Firmeprofil

[ändere | Quälltäxt bearbeite]

Hondas Profil i dä Öffentlichkeit isch au prägt dur sini Aktivitätä im Motorsport, insbsundrig dur d Ärfolg im MotoGP vom Valentino Rossi, wo 2003 zum drittä Mal in Folg en Honda Weltmeischter i dä Königsklassä vom Motorradschtrassärennschport worde isch.

Honda tretet au mit enem eigene Team in dä Formel 1 und i dä Formel 2 als Motorälieferant a. Am Endi vo dä 1980er und am Afang vo dä 1990er Jahrä het Honda mit sinänä Motorä d Formel 1 dominiert und denn die sechsti Weltmeisterschaften gwunnä. Uushängäschildär vo Honda sind dotsmals de Nelson Piquet und de Nigel Mansell, sowie de Ayrton Senna und de Alain Prost, wo i dä letschtä Turbosaison vo dä Formel 1 1988 15 vo 16 Rennä gwünnä het chönnä. De Ayrton Senna treit nebä dä Gwinn vo dä Weltmeischterschaft massgäböich zur Entwicklig vo dä Honda Honda XNS bitreit. Im Däzämber 2008 hät Honda Formel-1 Aktivitätä als Folgä vo dä herrschendä Kostä vo dä Finanzkrise us Kostägründa igstellt.

Als weltwiit gröschtä Motorradhärschtäller bitet Honda verschideni Modällä i allne Klassänä und Kategoriä a. S derziit schnellschti Motorrad vo dä Produktion isch de Honda CBR 1100 XX Blackbird mit ca. 290 Km/h Höchstgschwindigkeit, wo 1997 präsentiert wore isch.

D Supärmodellä Honda CBR 600 un Honda „Fireblade“ CBR 1000 RR beschtimmä stetig d jewilig aktuälli Topstandard vo dä Seriämotorradbautä mit. D Fireblade, isch ä Superbike, öppä, wo mit nominell 172 PS e Leischtigsgwicht vo öppä 1 kg pro PS erreicht het ä Höchstgschwindigkeit (Modäll 2006) vo ca. 284 km/h.

Literatur

[ändere | Quälltäxt bearbeite]
[ändere | Quälltäxt bearbeite]
 Commons: Honda – Sammlig vo Multimediadateie