Dialäkt: Mìlhüüserisch |
Dr Jacques Joseph Victor Higelin (* 18. Oktower 1940 in Brou-sur-Chantereine, Seine-et-Marne; † 6. Àwrìl 2018 z Pàris)[1] ìsch a frànzeescher Sanger, Komponischt, Film- un Theàterschàuspìeler un Àuitor gsìì.
Sehr beriahmt zitter da 1970. Johra mìt em Nàmma Jacques Higelin, ar hàt a einzigàrtiger Stil entwìckelt, a Mìschung vu Swing, Jazz, Rock, àràwerischa Müsik un gedìchtvolla Text. Ar ìsch aui bekànnt gsìì fer si Engagement fer humànitära Àktiona, wia zum Beispiel d Hìlf ìn da Obdàchlosa mìt em Abbé Pierre.
Si Vàter, dr Paul Higelin, ìsch a Isabàhnàrweiter vu Elsassischa Àbstàmmung gsìì. D Eltra vum Paul Higelin sìn vu Dìdena kumma. D Müeter vum Jacques Higelin ìsch a Belgischa gsìì.
Dr Jacques Higelin ìsch z Brou-sur-Chantereine ufgwàchsa, a Dorf ìn dr Pàrissergegend. Si Vàter, Isabàhnàrweiter, ìsch aui Müsikànt gsìì; ar hàt sina zwei Kìnder, dr Jacques un si Brüeder Paul, Müsik lo lehra. Ànna 1954, mìt viarzeh Johr àlt, ìsch dr Jacques àn era Audition ufgfàlla, wial ar scho zìmlig begàbt gsìì ìsch. Ar hàt d Liader vum Charles Trenet un vum Maurice Chevalier glost, àwer aui vu fremda Jazzsanger vu noh-n-em Kraig, wia dr Sidney Bechet, dr Miles Davis oder d Ella Fidgerald[2].
Mìt zeh Johr àlt, ìsch dr Jacques Higelin ìn dr „Cours Simon“, a beriahmter Schàuispìelunterrìcht vum René Simon gànga. Ar hàt ànna 1959 si erschta Uftrìtt àls Schàuispìler gmàcht, ìm Film Le bonheur est pour demain vum Henri Fabiani.
Wahrend sim Militärdianscht, ànna 1961, hàt'r dr Müsiker Areski Belkacem lehra kenna.
Wo-n-'r uf Pàris zruck kumma ìsch, hàt'r ìn verschìedena Film gspìelt, zum Beispiel Bébert et l'Omnibus vum Yves Robert ànna 1963, un ìn Television-Serie wia Une fille dans la montagne.
Ar hàt aui a Sanger-Kàrriar ààgfànga: ar hàt mìt dr Sangera Brigitte Fontaine zwei Album mìt Liader vum Boris Vian veräffentligt, ànna 1965 un ànna 1968.
Ànna 1969 hàt'r mìt em Areski Belkacem a Album mìt sina eigena Liader veräffentligt. Ìn dara Zitt hàt'r aui mìt dr Brigitte Fontaine un mìt em Areski Belkacem s Theàterstìckla Niok àm „Petit Théâtre du Lucernaire“ gspìlt.
Ìn dr Mìttla vu da 1970. Jora ìsch'r ìm Frànkrìch sehr beriahmt worra, bsunderscht mìt em Album Champagne pour tout le monde, wo-n-a großer Erfolg bikumma hàt.
Ar hàt garn vor da Litt gsunga, ìn großa Show: sina Konzerta han àls zìmlig làng känna düüra, obwohl àss'r sina Miaih nìt gspàrt hàt![3] Ar hàt àn da erschta „Francofolies“ z La Rochelle ànna 1985 mìtgmàcht, un ar hàt àb un züe wìder àn dam Müsikfestval teilgnumma. Ìn dr Nàcht vum 31.12.1999 bis zum 01.01.2000 hàt'r z Lyon, uf dr place Bellecour, vor viarzig tàuisig Persona a Konzert gaa.
Ar hàt si 70. Geburtstàg ìm Zénith vu Pàris gfiirt, dur a Konzert mìt zwei vu sina Kìnder, Arthur H un Izïa.
Vu Oktower 2010 àb, han teil vu sina Konzerta verschoba müeßa wara, waga Gsundheitsproblemer. And 2017 ìsch'r kränker worra, un àm 6. Àwrìl ìsch'r gstorwa, noh-n-era 50 Johr-lànga Kàrriar.
Dr Jacques Higelin hàt drèi Kìnder ghàà, vu drèi verschìedena Fràuia: dr Sanger Arthur H (* 1966), dr Schàuispìeler Kên Higelin (* 1972) un d Sàngera un Schàuispìelera Izïa Higelin (* 1990).[4]
Ar hàt d Tanzera Aziza Zakine, d Müeter vu sinera Tochter Izïa, ànna 2008 ghirota.
Dur sina Elsassischa Àbstàmmung, ìsch'r àls garn zruck ìns Elsàss kumma. Ar ìsch mìt em Elsassischa Müsikànt un Komponischt Rodolphe Burger Frìnd gsìì, ar hàt mìt ìhm z Màrkìrch Àlbum ufgnumma.