Jennifer Aniston

d Jennifer Aniston (2010)

D Jennifer Joanna Aniston (* 11. Februar 1969 z Los Angeles, Kalifornie) isch e US-amerikaanischi Schauspiileri un Executive Produceri. Noch em Forbes Magazine gheert si zue dr Persoone in dr Unterhaltigsinduschtry, wu am beschte verdiene un am yyflussryychschte sin.

Lääbe un Wiirke

[ändere | Quälltäxt bearbeite]

Mer chännt si wältwyt dur iri Roll vu dr Rachel Green in dr erfolryyche Sitcom Friends (1994–2004), wu si unter anderem mit em Emmy, em Golden Globe un em Screen Actors Guild Award derfiir uuszaichnet wooren isch.

Ab dr Mitti vu dr 1990er Joor het si d Aniston au as Filmschauspiileri etabliert. No irem Lyynwanddebüt im Horrorfilm Leprechaun – Der Killerkobold (1993) het mer si in ere Raine vu romantische Kumedine wie Der gebuchte Mann (1997) un Liebe in jeder Beziehung (1998) gsääne. In dr 2000er un 2010er Joor het si in dr Haupsacht di wyybli Hauptroll in Blockbuster-Kumedine wie Bruce Allmächtig (2003), … und dann kam Polly (2004), Trennung mit Hindernissen (2006), Marley & Ich (2008), Meine erfundene Frau (2011) un Wir sind die Millers (2013) gspiilt.

Vu Kritker*ne isch si bsundersch globt woore fir iri schauspiilerische Laischtige in dr Independent-Film The Good Girl (2002), Freunde mit Geld (2006) un Cake (2014). Fir iri Roll vu dr fiktive Zmoorgefäärnsee-Moderatoori Alex Levy in dr Serine The Morning Show, wu si syter anne 2019 derfir vor dr Kamera stoot, isch si 2020 mit em Screen Actors Guild Award uuszaichnet woore.

D Aniston schafft fir iri Produktionsfirma Echo Films mänkmool au as Executive Produceri, zem Byschpel bi dr Netflix-Produktione Dumplin’ (2018) un Murder Mystery (2019).

Literatur

[ändere | Quälltäxt bearbeite]
  • Nancy Aniston: From Mother and Daughter to Friends: A Memoir. Prometheus Books, 1999, ISBN 1-57392-772-4.
  • Kim Etingoff: Jennifer Aniston: From Friends to Films. Mason Crest, Broomall, PA 2013, ISBN 978-1-4222-2480-9.
  • Rachel Lynette: Jennifer Aniston. Lucent Books, Farmington Hills, MI 2010, ISBN 978-1-4205-0235-0.
  • Sarah Marshall: Jennifer Aniston – The Biography of Hollywood’s Sweetheart. John Blake, 2007, ISBN 978-1-84454-400-4.
  • Sean Smith: Jennifer – The Unauthorized Biography. Macmillan UK, 2008, ISBN 978-0-330-44997-7.
[ändere | Quälltäxt bearbeite]
 Commons: Jennifer Aniston – Sammlig vo Multimediadateie
Dä Artikel basiert uff ere fräie Übersetzig vu dere Version vum Artikel „Jennifer_Aniston“ vu de dütsche Wikipedia. E Liste vu de Autore un Versione isch do z finde.