D Rivers isch as Dochder vo russisch-jüdische Emigrante z Brooklyn ufgwaggse. Iire Vater isch Arzt gsi. Si isch uf s Connecticut College for Women und het am Barnard College dr BA in Änglisch und Anthropoligii gmacht.[1]
Denn het si im ene Waarehuus gschafft und het 1957 dr Soon vo iirem Schef ghürootet. Aber scho im Joor druf häi si sich lo schäide. 1965 isch si im Johnny Carson sinere Tonight Show ufdräte und isch uf äi Chlapf bekannt worde. Im däm Joor het si dr britisch TV-Broduzänt Edgar Rosenberg ghürootet. 1968 het si iiri äigeni Färnseeshou überchoo, het iiri Dochder Melissa uf d Wält brocht und isch immer wider emol bim Carson und bim Ed Sullivan z Gast gsi. Vo 1983 isch d Rivers Ersatzmoderatorin bim Carson sinere Late-Night-Show gsi, het 1986 e Schou, The Late Show Starring Joan Rivers, bim Fox-Network ghaa und het spööter The Joan Rivers Show moderiert und het drfür 1990 en Emmy überchoo.[2]
D Joan Rivers isch am 4. Septämber 2014 im Alter vo 81 in iirer Heimetstadt Nöi York gstorbe.[3]