Johannes XV.

Dr Johannes XV. († Merz 996) isch Papscht vu 985 bis 996 gsii.

Läbe un Wirke

[ändere | Quälltäxt bearbeite]

Vor sym Pontifikat isch dr Johannes Kardinalprieschter vu San Vitale z Rom gsii. Zum Kardinal ernännt wore isch er dur dr Papscht Benedikt VII.

Är isch uf Bedrybe vum yyflussryche remische Patrizier Crescentius I. Nomentanus oder Johannes I. Crescentius, beedi Sihn vum Crescentius de Theodora, zum Papscht glupft wore. Dr Patrizier het si as Herr vu Rom ab do mit em alte Chaisertitel Patricius Romanorum gnännt.

Drotz ass dr ihm herig Papscht en Aahänger vu dr Cluniazensische Reform gsii isch, het er Nepotismus dribe un het si dur Gäldgier allgmain uubeliebt gmacht. Derzue het er si au mit em Crescentius I. Nomentanus verfyndet un het wäge däm 995 in d Toskana mieße flichte. Dert het dr Johannes dr dytsch Chenig Otto III., wu in dr Zwischezyt sälbschtändig regiert het, z Hilf un zur Chaiserchrenig uf Rom gruefe. Wu si dr Otto III. aagchindet het, het si dr Papscht wider mit em Crescentius versehnt. Dr Johannes XV. isch churz no syre Ruggchehr uf Rom no vor dr Aachumft vum Chenig gstorbe.

Nodäm s Aasää vum Papschtdum im 10. Johrhundert dur d Wirre z Rom stark gsunke gsii isch, het er si Miei gee um Autoritet im Uusland. Är het zum Byschpel 991 zwisch em änglische Chenig Æthelred un em Herzog Richard II. vu dr Normandy vermittle tun het d Iberaignig vu Pole an dr Hailig Stuel dur dr Herzog Mieszko I. entgege gnuu. Anne 993 het er mit dr Hailigsprächig vum Ulrich vu Augschburg di erscht Kanonisierig vun eme Hailige dur e Papscht vorgnuu.

Literatur

[ändere | Quälltäxt bearbeite]
  • Franz Xaver Seppelt: Geschichte der Päpste. Bd. 2. 2. Auflage. Kösel Verlag, München 1955, S. 381ff.
  • Michael Tilly: Johannes XV.. In: Biographisch-Bibliographisches Kirchenlexikon (BBKL). Band 3, Herzberg 1992, ISBN 3-88309-035-2, Sp. 213–214.
  • Johann Peter Kirsch: Pope John XV (XVI). In: Catholic Encyclopedia, Robert Appleton Company, New York 1913 (änglisch)
  • Wolfgang Huschner: Giovanni XV (985-996). In: Massimo Bray (Hrsg.): Enciclopedia dei Papi. Band 2: Niccolò I, santo, Sisto IV. Istituto della Enciclopedia Italiana, Rom 2000, S. 102–107 (treccani.it).
[ändere | Quälltäxt bearbeite]
 Commons: Johannes XV. – Sammlig vo Multimediadateie
VorgängerAmtNachfolger
Bonifatius VII.Papscht
985–996		Gregor V.
Dä Artikel basiert uff ere fräie Übersetzig vu dere Version vum Artikel „Johannes_XV.“ vu de dütsche Wikipedia. E Liste vu de Autore un Versione isch do z finde.