Justinian II.

Justinian II.
Kaiser vom Byzabtinische Riich
Uf dr hindere Site hebt dr Kaiser e Globus mit dr Ufschrift PAX (Friiden). Uf dr vordere Site isch e Daarstellig vom Christus.
Regierigsziit 685–695
705 – Dezämber 711
Uf d Wält cho öbbe 668
Geburtsort Konstantinopel
Gstorbe 11. Dezämber, 711 (im Alter vo 42)
Dodesort Damatrys, Opsikion
Vorgänger Konstantin IV.
Tiberius III
Nochfolger Leontios
Philippikos
Verhürotet mit Eudokia
Theodora vo Chasarie

Dr Justinian II. (middelgriech. Ἰουστινιανός Β΄, * 668/669; † 711 in dr Nööchi vo Damatrys z Buthünie[1]) mit em Übernaame Rhinotmetos (mittelgriechisch ῾Ρινότμητος ‚mit dr abgschnittnige Naase‘) isch dr byzantinisch Kaiser vo 685 bis 695 und no äinisch vo 705 bis 711 gsi. Er isch dr letscht Herrscher vo dr Herakleische Dünastii.

Usse- und Siidligspolitik

[ändere | Quälltäxt bearbeite]

688 het er en erfolgriiche Fäldzug gege d Slaawe gfüert und het denn Zääduusigi von ene as Weerbuure im Thema (Milidäärbezirk) Opsikion in Chläiasie aagsiidlet. Au gege d Araber isch er erfolgriich gsi und 688/689 het dr Kalif Abd al-Malik um Friide bittet.[2] Züpere isch gmäinsam verwaltet worde und d Stüüre vo därt häi d Byzantiner und d Araber under sich ufdäilt. Usserdäm häi d Araber regelmässigi Dribut müesse zaale. Drotz de Chriege wo no cho si, isch s Züpereabkomme langfristig stabil bliibe.[3]

Dr Kalif het s denn au zuegloo, ass dr Justinian die christlige Mardaite vom Libanon ins byzantinische Riich umgsiidlet het. Das isch de Araber umso lieber gsi, wil d Mardaïte iine e Hufe Schwiirigkäite gmacht häi.[4] Wiso nöiji Kämpf usbroche si isch nid ganz klaar. D Araber und au byzantinischi Gschichtsschriiber häi d Schuld im Justinian zuegschoobe.[5] Bi Sebastoupolis (hüte Sulu-Saray) nordwestlig vo Sebasteia (hüte Sivas) isch s im Früelig 693 zur Schlacht cho und d Byzantiner häi verloore. Si häi denn Däil vo Armenie de Araber müesse überloo.[6]

Religioonsbolitik

[ändere | Quälltäxt bearbeite]

Dr Kaiser het mit eme Konzil d Chille welle veräihäitlige und im Babst Sergius I. si Wille welle ufzwinge. Dä het aber gnueg Understützig vo de Römer übercho und so isch dr Komflikt unglööst bliibe.

Innebolitik

[ändere | Quälltäxt bearbeite]

Dr Justinian het s Stüürwääse reformiert und sich allgemäin verhasst gmacht. 695 häi sini Gegner z Konstantinopel e Revoluzioon gmacht, dr Justinan gstürzt, im d Naase abgschnitte, so dass er nüm chönni Herrscher si, und iin ins Exil gschickt. Er isch zu de Chasare gflüchdet, het därt e Brinzässin ghürootet. Im Justinian si Noochfolger, dr Kaiser Tiberios II., het Druck uf d Chasare gmacht, die häi denn brobiert dr Justinian umzbringe, aber dä het chönne zu de Bulgare flüchte. Er het mit em bulgarische Chan Terwel gmäinsami Sach gmacht und het mit ere bulgarische Armee im Früelig 705 Konstantinopel erooberet.[7] Er het dr Tiberios II. gstürzt und het zum zwäite Mol dr Droon bestiige. Dr Terwel het zum Dank dr Ditel Caesar überchoo.

Dr Justinian het d Bevölkerig afo terrorisiere und die ehemolige Kaiser Leontios (695–698) und Tiberios II. (698–705) lo umbringe. Er het Chrieg gege d Bulgare gmacht und isch gschlaage worde. 711 häi Ufständischi mit ere Flotte Konstantinopel aagriffe und iignoo. Dr Justinian isch köpft worde und mä het au si äinzige Soon, dr Tiberios, umbrocht.[8]. Dr Aafüerer vo de Ufständische, dr Philippikos Bardanes, isch noch iim Kaiser worde.

Liddratuur

[ändere | Quälltäxt bearbeite]

Weblingg

[ändere | Quälltäxt bearbeite]
 Commons: Justinian II. – Sammlig vo Multimediadateie

Fuessnoote

[ändere | Quälltäxt bearbeite]
  1. ↑ Head S. 146-148.
  2. ↑ Head S. 33; Dr Stratos S. 22f. mäint, ass d Friidensverhandlige scho 687 aagfange häige.
  3. ↑ Head S. 33f.
  4. ↑ Head S. 34-36, Stratos S. 23f.
  5. ↑ Head S. 45-50, Stratos S. 30-34.
  6. ↑ Head S. 50, Stratos S. 34-39.
  7. ↑ Zur Datierig Head S. 110.
  8. ↑ Head S. 149, Stratos S. 176f.
Vorgänger
Konstantin IV. 		Kaiser vo Byzanz
685–695 		Nochfolger
Leontios (Byzanz)
Vorgänger
Tiberios II. 		Kaiser vo Byzanz
705–711 		Nochfolger
Philippikos Bardanes
Dä Artikel basiert uff ere fräie Übersetzig vum Artikel „Justinian_II.“ vu de dütsche Wikipedia. E Liste vu de Autore un Versione isch do z finde.