D Chartum-Resoluzioon vo 1. Septämber 1967 isch bi dr Komferänz vo de Füerer vo acht arabische Staate noch em Säggsdaagchrieg z Chartum verabschiidet worde. Si het d Ussepolitik vo dene Staate bis zum Jom-Kippur-Chrieg im Joor 1973 festgläit.
D Resoluzioon het bestimmt:
Im dritte Absatz vo dr Resoluzioon stöön d Bestimmige, wo as die „drei Näi“ beziejigswiis uf Änglisch the „Three No’s“ bekannt worde si:
Die Arabischi Friidensiniziative, wo die Arabischi Liga im Merz 2002 verabschiidet het, gältet as e Verzicht uf d Chartum-Resoluzioon. D Iniziative macht s Aagebot, ass die arabische Staate iiri Beziejige mit Israel wurde “normalisiere”, wenn Israel sich uf d Gränze vo 1967 wurd zruggzie und en unabhängige palestinensische Staat mit Ost-Jerusalem as Hauptstadt wurd anerkenne.[1]
Die Friidensiniziative isch im Merz 2002 vom saudische König Abdullah ibn Abd al-Aziz vorgschlaage und im Juni 2002 vo alle 57 Mitgliider vo dr Organisazioon für islamischi Zämmenaarbet aagnoo worde, dr Iran inklusiv.[2]
Die politischi Füerig vo Israel het d Iniziative in dere Form abgleent. Dr doomolig Vize-Ministerbresidänt Schimon Peres het gmäint, es brüchti Verhandligen zum d Differänze z überwinde. Mit eme Diktat chönnte weder d Palestinenser, no d Araber no d Israeli e Löösig finde.[3]
Dä Artikel basiert uff ere fräie Übersetzig vum Artikel „Khartum-Resolution“ vu de dütsche Wikipedia. E Liste vu de Autore un Versione isch do z finde. |