Konon (Papst)

dr Konon, Darstellig in dr Basilika Sankt Paul vor dr Muure

Dr Konon († 21. Septämber 687 z Rom) isch vu 686 bis zue sym Dood Paapscht gsii.

Lääbe un Wiirke

Wu dr Paapscht Johannes V. im Augschte 686 gstoorben isch, isch s zue Stryt zwisch em un dr Birgermiliz chuu. Boodi Fraktione hän si au kai gmainsame Kandidate chenne ainige. Wu si dr Konflikt zwische dr boode Fronte zuegspitzt het, d Militeerbartei dr Presbyter Theodor II. zum Paapscht gwehlt ghaa het un em Klerus dr Wääg zue dr Lateranbasilika verspeert het, hän di Gaischtlige noogee unmer het noch eme neie Kompromisskandidat gluegt.

Dää Kompromisskandidat isch dr alt Prieschter Konon gsii. Wel er e Suhn vun eme General gsii isch, het mer au d Miliz fir där Kandidat chenne gwinne un eso isch er 21. Oktober 686 ohni Gegestimme gwehlt woore.

Dr nei Paapscht het kai Inträssi an wältlige Frooge zaigt, het e schlicht Gmiet ghaa un isch ständig chrank gsii, was wahrschyns an sym hoche Alter gläägen isch. D „schlicht Gmiet“ vum Konon isch wohl aa d Ursach vun eme sizilianische Buurenufstand gsii. Dr Paapscht het nämli ne Diakon vu dr Chilche vu Syrakus, en gwisse Konstantin, zum Verwalter vum pääpschtlige Bsitz z Sizilie gmacht. Zum aine het dr Paapscht dodermit dr hoch Klerus gege si ghaa, wel dää s Amt vun eme sizilianische Rektor as sy Bsitzstand aagluegt ghaa het, zum andere het si rusgstellt, ass sälle Konstantin nit basst het. Dr Verwalter vum Paapscht het d Buure uusbytet un en Ufstand unter dr pääpschtlige Päächter aagstiftet.

Wie där Rektor vorgangen isch, isch eso umstritte gsii, ass en dr Gouverneur vu Sizilie het verhafte un schließli uuswyyse loo, was seli pyynli gsii isch fir dr Paapscht.

Noch eme elfmoonetige Pontifikat isch dr Konon z Rom gstoorbe.

Literatur

• Ph. Levillain: Dictionnaire Historique de la Papauté. 1994

Weblink

Vorgänger	Amt	Nachfolger
Johannes V.	Papscht 686–687	Sergius I.

Normdate: GND: 100939325 | VIAF: 27422198

Dä Artikel basiert uff ere fräie Übersetzig vu (Papst)&oldid=187810008 dere Version vum Artikel „Konon (Papst)“ vu de dütsche Wikipedia. E Liste vu de Autore un Versione isch (Papst)&action=history do z finde.