Käerjeng | |
Wappe | Charte |
---|---|
Basisdate | |
Land | Luxeburg |
Koordinate: | 49° 34′ N, 5° 55′ O |
Distrikt | Lëtzebuerg |
Kanton | Kapellen |
Yywohner | 9608 (1. Novämber 2011) |
Hechi | 285m ü. NN |
Sproch(e) | Lëtzebuergesch |
Zytzone | UTC+1 |
Burgermaischter | Michel Wolter (CSV) |
Internetsite | www.kaerjeng.lu |
Käerjeng (dt. Kerschen, frz. Charage) isch aini vu dr 105 Gmaine z Luxeburg.
Käerjeng lyt im Weschte vum Land an dr Gränz zue Belgie.
Zue Käerjeng ghere d Ortschafte Féngeg (Fingig), Kënzeg (Küntzig/Clemency), Nidderkäerjeng (Niederkerschen/Bascharage), Uewerkäerjeng (Oberkerschen/Hautcharage), Lénger (Linger) un Bommert, derzue die Wyler un Gheft: Am Schack, Nuechtbann, Neidréisch, Schockmillen (au op der Schock gnännt).
Käerjeng isch entstande am 1. Jänner 2012 dur d Fusion vu dr friejere Gmaine Nidderkäerjeng un Kënzeg.
Käerjeng ghert zum Kanton Kapellen im Distrikt Lëtzebuerg. Dr Burgermaischter vu Käerjeng isch dr Michel Wolter (CSV). Scheffe sin dr Josée Anne Siebenaler-Thill (déi Gréng), dr Jeannot Jeanpaul (BIGK) un dr Richard Sturm (CSV). Gwehlt wird iber e Proporzwahl.
Käerjeng isch Sitz vu dr Brasserie Nationale, dr greschte luxemburgische Bröuerei. Bröue wäre d Biermarke Bofferding un Battin.
Dr luxeburgisch Dialäkt vu Käerjeng ghert zum Moselfränkisch.
Näbe dr Sankt-Maximin-Kapell z Kënzeg stoht d Wëll Lann, e Winter-Linde, mit rund 500 Johr ain vu dr eltschte Baim z Luxeburg. Im Johr 2000 het si ne Stammumfang vu 6,93 m un e Chronedurmässer vu 23 m ghaa. Noch em Sturm am 25. Juni 2006, wu di zwee Hauptstämm abbroche sin, het si mieße zruckgschnitte wäre.