La France insoumise S’ Wììderschtandliga Frànkrììch | |
---|---|
Koordinator | Manuel Bompard |
Gründig | 10. Hornung 2016 (Beweegung) 23. Janner 2017 (Pàrtäi) |
Hauptsitz | 25, passage Dubail 75010 Paris |
Jugendorganisation | Les Jeunes insoumis·es |
Ziitig | L’Insoumission hebdo Le Journal de l’insoumission |
Uusrichtig | Altermondialismus, Lìnkspopulismus, Demokràtischer Soziàlìsmus, Ökosoziàlismus, Souweränismus, EU-Mìsstràuijikait[1] |
Farb(e) | Ocker, Cyan |
Nàzionààlversàmmlung | 2022 72/577 |
Senàt | 2017 2/348 |
Mitgliiderzahl | mehr àss 600.000 (2019) |
Europaabgordneti | 2019 5/79 |
Europapartei | Öiropäischa Lìnka (EL) (Beobàchter) und Now the People |
EP-Fraktion | Die Linke |
Websiite | lafranceinsoumise.fr |
Dialäkt: Mìlhüüserdiitsch |
La France insoumise (Àbkìrzung: FI[2], ìn da Meedia àui LFI, dàrgschtällt dur dr griachischa Büachschtààb Phi, φ,[3] uff Elsasisch äbba S’ Wììderschtandliga Frànkrììch) ìsch a lìnkspopulìschta un EU-skäptischa Pàrtäi ìn Frànkrììch.[1] D’ FI ìsch àm 26. Hornung vum Jean-Luc Mélenchon grìnda worra mìt’m Ziil, s’ Progràmm L’Avenir en commun umz’sätza.
D’ Pàrtäi ìsch d’ Noohfolgera vu dr Parti de Gauche so wia vu dr Wàhlplàttform Front de gauche, wo àm 23. Àwrìl 2017 ìn La France insoumise umtaift worra-n-ìsch. Vììla Beobàchter sààga, àss d’ FI d’ gliicha politischa Schtràtegii wia àndra lìnksràdikààla Pàrtäija ìn Öiropà hàt — dàs haisst a näija Form vu Populìschmus.[4]
Àn dr frànzeescha Pàrlamantswàhl vu 2017 ìsch dr Pàrtäivorsìtzenda Jean-Luc Mélenchon dr Schpìtzakàndidààt gsìì.[5] D’ FI hàt 17 Wàhlkraisa gwunna (noh 11 Prozant vu da Schtìmma-n-ìm äärschta Wàhlgàng) un hàt domìt a aigana Fràkzioon ìn dr Nàzionààlversàmmlung känna bìlda. Àn dr Öiropàwàhl vu 2019 ìsch d’ Manon Aubry d’ Schpìtzakàndidààta gsìì; doo hàt d’ Pàrtäi 6,3 Prozant vu da Schtìmma un 6 Sìtza ìm Öiropäischa Pàrlamant gwunna. Fìr d’ Pàrtäi ìsch dàs a äntöischend Ärgaabniss gsìì – mehrera fiahrenda Pàrtäimìtglììder hann ìhra Rucktrìtt ärkläärt;[6] Dr Mélenchon ìsch waaga siina politischa Mainunga un siinera Fiahrungsschtiil ìnnerhàlb vu dr Pàrtäi kritisiart worra. Ar hàt gsajt, àss’r vìlliicht zittawiis üss dr Politik z’rucktratta wurd;[7] dàs hàt’r àwwer nìt gmàcht.
Ìn Hìnblìck vu dr Pàrlamantswàhl 2022 hàt d’ LFI mìt àndra Lìnkspàrtäija-n-a Verainigungsàbkumma unterzaichent, fìr s’ Bìndniss NUPES (Nouvelle union écologique populaire et sociale) grìnda. Àn dr Wàhl hàt d’ NUPES 131 Sìtza ìn dr Nàzionààlversàmmlung gwunna — drunter 75 fìr d’ FI.[8]
Dä Artikel basiert uff ere fräie Übersetzig vum Artikel „La_France_insoumise“ vu de hochdütsche Wikipedia. E Liste vu de Autore un Versione isch do z finde. |