Lauchringen
| Wappe | Dütschlandcharte | |
|---|---|---|
|
| |
| Basisdate | ||
| Dialekt: | Alemannisch | |
| Hauptvariante: | Hochalemannisch | |
| Regionalvariante: | Hotzewälderisch | |
| Bundesland: | Bade-Württebärg | |
| Regierigsbezirk: | Fryburg | |
| Landchreis: | Waldshuet | |
| Höchi: | 360 m ü. NHN | |
| Flächi: | 12,8 km² | |
| Iiwohner: |
8034 (31. Dez. 2022)[1] | |
| Bevölkerigsdichti: | 630 Iiwohner je km² | |
| Poschtleitzahl: | 79787 | |
| Vorwahl: | 07741 | |
| Kfz-Chennzeiche: | WT | |
| Gmeischlüssel: | 08 3 37 065 | |
| Adress vo dr Gmeiverwaltig: |
Hohrainstraße 59 79787 Lauchringe | |
| Webpräsenz: | ||
| Burgermeischter: | Thomas Schäuble | |
| Lag vo dr Gmei Lauchringe im Landchreis Waldshuet | ||
 | ||
| Dialäkt: Markgräflerisch (Lörrach) |
Lauchringe (dütsch Lauchringen) isch e Gmeind im dütsche Landchreis Waldshüet, Bade-Württeberg.
Geografy
[ändere | Quälltäxt bearbeite]Lauchringe litt in de Rhyebeni im undere Chlettgau, unde am Küssaberg mit de Burg Küssberg, einem vo de Region ihre Wohrzeiche.
Nochbergmeinde
[ändere | Quälltäxt bearbeite]D Gmeind gränzt im Norde an d'Gmeinde Öschige und Üehlige-Birkedorf, im Oste an Chlettgau, im Süde an Küssaberg und im Weste an di Großi Chreisstadt Waldshüet-Dienge.
Gmeindeglyderig
[ändere | Quälltäxt bearbeite]D Gmeind Lauchringe bstoht uss de beide Gmeinde Ober- und Underlauchringe, wo friehner selbständig gsi sin. Zu de friehnere Gmeind Oberlauchringe ghört de hüttig Ortsdeil Oberlauchringe, zu de friehnere Gmeind Underlauchringe de Ortsdeil Underlauchringe, s Hus und s Ghöft Am Hohrain, d Hüser Äuleboden, Im Ibrunnen und d Bahnstation Oberlauchringe. Im Gebiet vo de friehnere Gmeind Oberlauchringe litt d Wiestig Rüffehuse.
Gschicht
[ändere | Quälltäxt bearbeite]D Sydlig Lauchringe goht uff di friehalemannischi Zit zruck. Des zeige di typischi Namesändig "-inge" und di archäologische Fünd. E erschti schriftligi Erwähnig vo Oberlauchringe hät im Johr 860 in re Urkunde vom Chloster Rhynau statt.
D Gmeind isch im Johr 1971 wäge de Gmeindereform z Bade-Württeberg durch de Zämmeschluss vo de Gmeinde Under- und Oberlauchringe gründet worre.
Bolitik
[ändere | Quälltäxt bearbeite]D Gmeind isch eigeständig. D Bürgermeister sin bis 1971 de Bertold Schmidt (Oberlauchringe) und de August Strittmatter (Underlauchringe) gsi. Vom 1. Juli 1971 a isch de Bertold Schmidt Bürgermeister vo de neue Gmeind gsi; er isch am 1. August 2002 durch de Thomas Schäuble abglöst worre.
Wahle
[ändere | Quälltäxt bearbeite]Ergebnis vo dr Landdagswahle sit 2006:[2]
| Johr | CDU | SPD | FDP | Griene | Linke1 | AfD | Sonschtige |
| 2016 | 37,8 % | 13,3 % | 7,2 % | 25,8 % | 1,5 % | 10,9 % | 3,5 % |
| 2011 | 45,7 % | 25,2 % | 3,3 % | 17,9 % | 1,9 % | 5,9 % | |
| 2006 | 45,6 % | 28,7 % | 9,4 % | 6,7 % | 2 % | 7,5 % |
1 2006: WASG, sit 2011: Die Linke
Wappe
[ändere | Quälltäxt bearbeite]S Wappe vo Lauchringe isch in zwei Hälfte deilt: In de obere Hälfti werre drei roti Spitze uff silbrigem Grund zeigt, in de undere e silbrige Schwan uff blauem Grund. 'S isch im Johr 1971 noch de Vereinigung vo de Ortsdeil festglegt worre und übernimmt d Motiv vo de beide Deilort.
D Ortsfarbe sin Blau-Wiß.
D Wappe vo de Ortsdeil
[ändere | Quälltäxt bearbeite]-
Unterlauchringen -
Oberlauchringen
Partnerschafte
[ändere | Quälltäxt bearbeite]S git sit 1997 partnerschaftligi Beziehige zu de Gmeind St. Pierre de Chandieu in de Nöchi vo Lyon.
Kultur und Seheswürdigkeite
[ändere | Quälltäxt bearbeite]- D Underlauchringer Äulebodestroß (Äulebodenstraße) und s Rappenest sin bim Wettbewerb "Schönsti Eigeheimsydlig vo Dütschland" im Johr 2005 mit em 1. Brys uszeichnet worre.
- Di "Dicki Eiche" im Wiggeberg isch e ydrucksvolls Überblibsel vo me Oberholz. Si isch in de zweite Hälfti vom 18. Johrhundert uffgwachse und isch de ältst und stärchst Waldbaum uff em Gmeindegebiet.
- De Marktblatz z Underlauchringe isch im Summer 2005 neu baut worre. Immer am Dunnschtig findet do e Markt statt und bi speziälle Ereigniss (z. B. de Füeßball-WM und -EM) werre do d Spyl öffentlig zeigt.
- De Lauchringer Wald isch zum Wandere geignet.
- S Gasthus Adler im Ortsdeil Oberlauchringe isch eins vo de ältste Gasthüser im Landchreis Waldshüet.
- D Wüetach, wo am Fäldberg entspringt, bildet z Underlauchringe eine vo de wuchtigste nadürlige Wasserfäll vo ganz Dütschland - wenn d Wüetach dört durch d Wasserableitig nit mänkmol fast troche wär.
Regelmäßigi Verastaltige
[ändere | Quälltäxt bearbeite]- d Fastnacht
- zwei Waldfest; eins wird vom Musikverei Oberlauchringe verastaltet und s ander vo de Chorgmeinschaft
- regelmäßigi Konzert vom Musikverei Oberlauchringe und vom Blos-Orchester Underlauchringe
- de Marktdag am Dunnschtig
- Rock an de Wüetach vom Blos-Orchester
- s Lindeblatzfest vom Narreverei Räbeheim e. V.
- d Theatervorstellige vo de Laiespylgruppe Lampenfieber
- di verschydene Wiehnachts- und Osterkonzert
- de Adväntsmarkt
- de Lauchringer "5er"-Marathon
- de Usdusch mit de französische Partnerstadt St. Pierre de Chandieu
Wirtschaft
[ändere | Quälltäxt bearbeite]Arbetsort
[ändere | Quälltäxt bearbeite]Z Lauchringe hät's im Juni 2006 1'635 Arbetsblätz ge, wo sozialversichert gsi sin. 56 Brozänt devo ghöre zu de Industrybranche. Über 22 Brozänt vo de Arbetnämmer vo Lauchringe sin Gränzgänger.
Verchehr
[ändere | Quälltäxt bearbeite]Lauchringe isch e chleine regionale Ysebahnknote, wo d Hochrhybahn vo Basel uff Singe/Chonstanz uff d Wüetachdalbahn uff Immedinge drifft. D Hochrhybahn fahrt stündlig an de Badisch Bahnhof vo Basel. Uff de Wüetachdalbahn isch degege numme Glägeheitsverchehr zu de Museumsbahn vo dört.
Durch Lauchringe fiehrt d Bundesstroß 34, wo vyl Verchehr isch und wo d Bundesstroß 314 dry mündet. Usserdem cha mer sit e baar Johr mit de Bundesautobahn 98 de Ortsdeil Underlauchringe umfahre. E witers Deilstück zur Umfahrig vo Oberlauchringe wird no blant.
Asässigi Undernämme
[ändere | Quälltäxt bearbeite]De gröscht Arbetgeber vo Lauchringe isch d Tekschtilfirma Lauffenmühle, wo über 450 Mänsche beschäftigt. Usserdem isch d Firma Simmler-Konfitüren e bekannts Undernämme. D Firma Hans-O. Habermann UL + CSA stellt sit 1964 briefti Transformatore bis 400 kVA mit über 30 Mitarbeiter her.
Medie
[ändere | Quälltäxt bearbeite]Z Lauchringe git's d drei Zitige: de Südkurier, de Alb-Bote und de Schwarzwälder Bote.
Behörde und Yrichtige
[ändere | Quälltäxt bearbeite]Lauchringe isch bis zum 31. Dezämber 2007 de Sitz vom Dekanat Wüetachdal vom Erzbistum Fryburg gsi. Durch d Dekanatsreform isch säll Dekanat im neue Dekanat Waldshüet uffgange.
Bildig
[ändere | Quälltäxt bearbeite]Z Lauchringe git's e Grundschüel z Under- und eini z Oberlauchringe. Usserdem git's e Ganzdagsunderrichts-Hauptschüel mit re Werkrealschüel. In de Haupt- und Werkrealschüel finde an vier Nomittäg Kürs wie z. B. Donkürs statt.
Gmeindebiecherei
[ändere | Quälltäxt bearbeite]Si isch im alte Roothus z Oberlauchringe. De Bstand enthaltet e Uswahl an Chinder-, Jugend- und Sachbiecher, Romän und Zitschrifte; Fernleihe sin möglig.
Ehrebürger
[ändere | Quälltäxt bearbeite]Im Bertold Schmidt, wo vo 1960 bis 1971 de Bürgermeister vo de selbständige Gmeind Oberlauchringe und denoch bis 2002 de Bürgermeister vo de Gsamtgmeind Lauchringe gsi isch, isch für sini Verdienscht s Ehrebürgerrächt verlihe worre.
Weblink
[ändere | Quälltäxt bearbeite]
Commons: Lauchringen – Sammlig vo MultimediadateieFueßnote
[ändere | Quälltäxt bearbeite]- ↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
- ↑ Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)
|
Dä Artikel basiert uff ere fräie Übersetzig vum Artikel „Lauchringen“ vu de dütsche Wikipedia. E Liste vu de Autore un Versione isch do z finde. |