Lauterbach (Schwarzwald)

Basisdate
Dialekt:	Alemannisch
Hauptvariante:	Nideralemannisch
Regionalvariante:	Bodenseealemannisch
Verbreitig:	Ibergangszone zum Schwäbisch
Bundesland:	Bade-Wirttebärg
Regierungsbezirk:	Friburg
Landkrais:	Rautweil
Heh:	579 m i. NHN
Flech:	20 km²
Iiwohner:	2892 (31. Dez. 2022)
Bevelkerungsdicht:	145 Iiwohner je km²
Boschtlaitzahl:	78730
Vorwahl:	07422
Kfz-Kennzaiche:	RW
Gmeischlissel:	08 3 25 036
NUTS:	DE135
Adress vun dr; Gmaiverwaltung:	Schramberger Straße 5; 78730 Lauterbach
Webpräsenz:	www.lauterbach-schwarzwald.de
Burgemoischter:	Norbert Swoboda

Luddrbach (amtlich: Lauterbach) isch a gloini Gmoind im weschdliche Doil vom Landkrois Rautweil. S het ugfähr 3000 Iiwohner, wo 2000 devo uf s Dorf sälber entfalla un ca. 800 uf s Hochdaal vom Sulzba (lueg au: Sulzba). Siid 1884 isch Luddrbach zuâdem en Luftkurort, de êldschdii im Landgrois Rottwüül.

Geografi

D Geografischi Lagà

Luddbrach liâgt im middlarâ Doil vom Schwarzwald zwischâ 500 un 900 Meder. S Rôdhuus liâgt uf 568 Meder. Nochbrgmeinde sin im Norda Wolfâ (Wolfach im Ortenaukreis), Schiltâ (Schiltach im Landchrijs Roddwüül), im Oschda Schramberg (Landkrois Roddwüül) un im Weschda Hornberg (êbâfalls im Ortenaukreis). Friâr hôt Luddrbach im Siada au no an Dennebrunn (Tennenbronn) grenzt, des isch aber im Mai 2006 nôch Schramberg iigmoinded wôrâ.

D Flächanuzig

55 % vo da Flächa sin Wald, wobii in ledschdr Ziit viil Wald wäge Schäde abgholzt wôra isch. 37 % wära landwirtschaftlich gnidzd. En reladiv gloine Doil isch vrbaut.

Religion

Di meischde Lüüd, wo z Luddrbach wohna sin katholisch, nur wänig sin evangelisch un dia sin no zuâzoga. S giit au no a baar andiri Religiona vo de Bürger, wo us andiri Länder herzoga sin. Des chunt dôhär, wäl Luddrbach lange Ziit vordereschderriichisch gsi isch un erschd 1805 zu Würddeberg komma isch.

Sprôch

In Luddrbach schwätz mr a Mischung us Schwäbisch un us am Badisch-Allemannischâ. Da Luddrbach déregt a dr Grenz zu Badâ lidd, ischs zimli vômischd. Nur Zuazogane schwätzed Hochdidsch. Mr said zuadem, dass mr d'Luddrbacher am Wort "Blau" erkennâ ka.

Gmeinderot

Ergebnis vo dr Kommunalwahl am 25. Mai 2014:^[2]

CDU 56,6 % – 7 Sitz
Unabhängige Bürger Lauterbach (UBL) 43,4 % – 5 Sitz

Wirtschaft un Tourismus

Vôköhr

Durch Luddrbach fiârd ôagedli blos oi Schdrôß, wo vo Bediidung isch, d Landschdrôß vo Schramberg uf Hornberg. Deswiidérâ gids no d Schdrôß ge Wolfa, wo abr wenig befahre isch un ôagedli blôs vo da Iiwohner gnudzid wôrd. Älle andere Nôchberérdle ka mr ibr Schramberg oder Hornberg erroichâ. D nägschdii Bundesschdrôß befindet sich ge Hornberg (B33) odr in Schramberg (B462). D nägschdi Audobahn isch ge Roddwüül (A81), edwa 30 km, odr ge Offéburg (A5), edwa 70 km, vo Luddrbach. Zugaaschliß gids in Hornberg (Schwarzwaldbahn), oder in Wolfâ bzw. Schildâ (Ortenau-S-Bahn).