Liam Payne

dr Liam Payne (2023)

Dr Liam Payne (* 29. Augschte 1993 z Wolverhampton, Großbritannie; † 16. Oktober 2024 z Buenos Aires, Argentinie) isch e britische Popsänger gsii.

Lääbe

[ändere | Quälltäxt bearbeite]

Dr Payne isch mit zwoo eltere Schweschtere in sym Geburtsort Wolverhampton ufgwagse.[1]

Anne 2008 het er zum erschte Mol as Kandidat bi dr britische Uusgab vu dr Casting-Show The X Factor mitgmacht. Wel er no jung gsii isch, häns em dert grote in zwai Johr nomol z chuu.[2] 2010 isch dr Payne wider derby gsii. Är isch as Ainhzelkandidat aadrätte, uf dr Rot vu dr Gaschtjurori Nicole Scherzinger isch er aber zäme mit de vier andere Kandidate Niall Horan, Harry Styles, Zayn Malik un Louis Tomlinson as Band One Direction aadrätte.[3] Si sin uf dr dritt Blatz chuu un hän druf e Blatteverdrag bi Sony Music kriegt.

Im Juli 2016 het dr Payne e Soloverdrag bi Capitol Records unterschribe.[4] No verschidene Single un ere EP het er im Dezämber 2019 sy Soloalbum LP1 uusegee.

Ab 2016 isch er mit dr Sängeri Cheryl Cole liiert gsii. Im Merz 2017 isch e gmainsame Suhn uf d Wält chuu.[5] Im Juli 2018 hän si iri Drännig verchindet.

Am 16. Oktober 2024 isch dr Payne im Alter vu 31 Johr noch eme Sturz vum Balkon vum vierte Stock vun eme Hotel z Buenos Aires.[6]

Diskografy

[ändere | Quälltäxt bearbeite]
Album
  • 2019: LP1
EP
  • 2018: First Time
Single
  • 2017: Strip That Down
  • 2017: Get Low
  • 2017: Bedroom Floor
  • 2018: For You
  • 2018: Familiar
  • 2018: Polaroid
  • 2019: Stack It Up
  • 2019: All I Want (For Christmas)
  • 2019: Live Forever
  • 2020: Midnight
  • 2020: Naughty List
  • 2021: Sunshine
  • 2024: Teardrops
Albe mit One Dirction
  • 2011: Up All Night
  • 2012: Take Me Home
  • 2013: Midnight Memories
  • 2014: Four
  • 2015: Made in the A.M.
[ändere | Quälltäxt bearbeite]
 Commons: Liam Payne – Sammlig vo Multimediadateie

Fueßnote

[ändere | Quälltäxt bearbeite]
  1. ↑ Mums of One Direction stars reveal how the boys have grown into music sensations uf dailyrecord.co.uk vum 16. April 2012
  2. ↑ Liam Payne shows he has the X Factor uf expressandstar.com vum 6. Septämber 2010
  3. ↑ Nicole Scherzinger: “I did Simon Cowell a favour with One Direction” uf digitalspy.co.uk vum 26. Juli 2011
  4. ↑ Liam Payne Announces Solo Deal With Capitol Records UK uf billboard.com vum 21. Juli 2016
  5. ↑ Das Baby ist da! auf gala.de vom 26. März 2017
  6. ↑ Ian Youngs, Bernd Debusmann Jr: Former One direction singer Liam Payne dies in hotel balcony fall uf bbc.com vum 16. Oktober 2024.