Malu Dreyer

dc Malu Dreyer, 2023

D Marie-Luise „Malu“ Dreyer (* 6. Februar 1961 z Neistadt an dr Wyystroß) isch e dytschi Bolitikeri (SPD). Vu Jänner 2013 bis Juli 2024 isch si Minischterbresidänti vu Rhyland-Pfalz gsii un dodermit di erscht Frau, wu des Land regiert het. Dervor het si syt em Mai 2001 si as Minischteri fir Sozials, Arbet, Gsundhait un Demografi dr rhyland-pfälzische Landesregierig aaghert.

Lääbe un Uusbildig

[ändere | Quälltäxt bearbeite]

D Dreyer isch as zwaits vu drei Chinder vun eme Schuellaiter un ere Chindergärtneri uf d Wält chuu.[1] Noch eme Uuslandsschueljohr im kalifornische Claremont 1977[2] un em Abitur anne 1980 am Käthe-Kollwitz-Gymnasium Neistadt het d Dreyer aagfange Anglischtik un Katholischi Theologi an dr Universitet Mainz z studiere. Im Johr dernoo het si gwächslet uf Rächtswisseschaft. Si het anne 1987 di Erscht Juristisch Staatsbriefig un drei Johr speter di Zwoot Juristisch Staatsbriefig mit eme Bredikatsexamen absolviert.[1]

Ab 1989 het d Dreyer an dr Mainzer Universitet as Wisseschaftligi Assischtänti vum Brofässer Hans-Joachim Pflug gschafft. Anne 1991 isch si zur Richteri uf Prob as Staatsaawälti z Bad Kreuznach ernännt wore.[2]

Bolitischi Laufbahn

[ändere | Quälltäxt bearbeite]
D Malu Dreyer as Hauptredneri bin ere Chindegebig zum Erschte Mai (2010)

D Dreyer isch Mitgliid vu dr SPD. Vu 1995 bis 1997 isch si hauptamtligi Burgermaischteri vu dr Stadt Bad Kreuznach gsii. Ab 1997 isch si Dezernänti fir Sozials, Juged un Wohne vu dr Stadt Mainz gsii.

Am 15. März 2002 het dr Minischterbresidänt Kurt Beck si as Noofolgeri vum Florian Gerster in syy Kabinett gruefe. D Dreyer isch syterhär rhyland-pfälzischi Minischteri fir Sozials, Arbet, Familie un Gsundhait. Unter Druck isch d Sozialminischteri anne 2004 grote, wun d Opposition im Landdag ere im Zug vu dr sognännte „Rodalben-Affäre“ (im Novämber 2003 isch e Erzieheri vu zwai 16- un eme 17-jehrige Haiminsasse verstoche wore) schwäri Versuumnis bi dr Blanig un Umsetzig vum Brojäkt „Heimunterbringung statt Untersuchungshaft“ vorgworfe un ihre Ruckdritt gforderet het.[3]

Syt em 15. Jänner 2005 isch si Vorsitzendi vu dr SPD Trier. Bi dr fir d SPD erfolgryche Landdagswahl am 26. Merz 2006 isch d Dreyer fir dr bishärig Landdagsbresidänt Christoph Grimm as SPD-Kandidati fir dr Wahlkrais Trier aadrätte un het sich do geg dr CDU-Landesvorsitzende Christoph Böhr duregsetzt, wu im Aaschluss an d Wahl as Konsequänz us dr Niderlag vu syre Bartei sämtligi Barteiämter niderglait het. Bi dr Landdagswahl 2011 het si mit 40,6 Brozänt vu dr Erschtstimme s Diräktmandat im Wahlkrais Trier gwunne.[4]

Am 28. Septämber 2012 het dr Kurt Beck aagchindet, ass er aafangs 2013 as Minischterbresidänt vu Rhyland-Pfalz zruckdritt un ass d Dreyer zue syre Noofolgeri soll gwehlt wäre.[5][6][7] Am 16. Jänner 2013 isch d Malu Dreyer mit 60 vu 100 giltige Stimme zue dr Minischterbresidänti vu Rhyland-Pfalz gwehlt wore[8].

Bi dr Landdagswahl am 13. Merz 2016 isch si zum erschte Mol as SPD-Spitzekandidati aadrätte. D SPD het d Wahl mit eme Ergebnis vu 36,2 Brozänt vu dr Stimme gwunne. Wel di Griene aber stark verlore hän, het di rot-grien Koalition kai Meehait me ghaa im Landdag. D Dreyer het dernoi mit dr FDP un dr Griene ne rot-geel-grieni Koalition (Ample-Koalition) bildet. Am 18. Mai 2016 isch si mit allne 52 Stimme vu dr Koalition as Minischterbresidänti widergwehlt wore.[9]

Bi dr Landdagswahl am 14. Merz 2021 isch d Dreyer wider Spitzekandidati gsii, d SPD het d Wahl mit eme Ergebnis vu 35,7 Brozänt vu dr Stimme gwunne un het di rot-geel-grieni Koalition wytergfiert. Am 18. Mai 2021 isch d Dreyer mit allne 55 Stimme vu dr Koalition as Minischterbresidänti widergwehlt wore.[10]

Am 19. Juni 2024 het d Dreyer verchindet, ass si zum 10. Juli ire Amt an dr Sozialminischter Alexander Schweitzer abgit.

Kabinett

[ändere | Quälltäxt bearbeite]
  • Kabinett Beck III (Merz 2002 bis Mai 2006): Minischteri fir Arbet, Sozials, Familie un Gsundhait
  • Kabinett Beck IV (Novämber 2006 bis Mai 2011): Minischteri fir Arbet, Sozials, Gsundhait, Familie un Fraue
  • Kabinett Beck V (Mai 2011 bis Jänner 2013): Minischteri fir Sozials, Arbet, Gsundhait un Demografi
  • Kabinett Dreyer I (Jänner 2013 bis Mai 2016): Minischterbresidänti
  • Kabinett Dreyer II (Mai 2016 bis Mai 2021): Minischterbresidänti
  • Kabinett Dreyer III (Mai 2021 bis Juli 2024): Minischterbresidänti

Privats

[ändere | Quälltäxt bearbeite]

D Malu Dreyer isch syt em Juli 2004 mit em amtierende Trierer Oberburgermaischter un friejere Staatssekretär Klaus Jensen ghyrote.[11]

Syt Mitti vu dr 1990er Johr lydet d Dreyer an ere schlychende Form vu dr Chranket Multiple Sklerose.[12] Wäg dr Beschwärde doderdur isch d Dreyer di maischt Zyt uf e Rollstuel aagwise.[13]

D Katholiki Dreyer läbt mit ihrem Mann z Trier in eme Wohnbrojäkt fir behinderti un nitbehinderti Mänsche in dr Nechi vu dr Benediktinerabtei St. Matthias.

[ändere | Quälltäxt bearbeite]
 Commons: Malu Dreyer – Sammlig vo Multimediadateie

Fueßnote

[ändere | Quälltäxt bearbeite]
  1. ↑ 1,0 1,1 Malu Dreyer – Eine starke Frau wird Landesmutter. In: rhein-zeitung.de. Abgrüeft am 3. Oktober 2012.
  2. ↑ 2,0 2,1 Läbeslauf. Website vu dr Landesregierig, mit Aahang Lebenslauf Malu Dreyer (PDF) rlp.de
  3. ↑ Thomas Struk: CDU fordert Rücktritt der Sozialministerin. General-Anzeiger vum 2. Juni 2005, S. 5
  4. ↑ Landeswahlleiter Rheinland-Pfalz. Archiviert vom Original am 16. Januar 2014; abgruefen am 4. Januar 2013., abgruefen am 28. Merz 2011
  5. ↑ Beck zieht den letzten Trumpf, Stuttgarter Zeitung, abgruefen am 28. Septämber 2012
  6. ↑ Regierungschef Beck geht nach 18 Jahren Archivlink (Memento vom 2. Dezämber 2013 im Internet Archive), Berliner Morgenpost, abgruefen am 28. Septämber 2012
  7. ↑ Dreyer plant als Ministerpräsidentin über 2016 hinaus (Site cha nüme abgrüeft wärde; Suche im Webarchiv)[1] [2] Vorlage:Toter Link/www.swr.de swr.de, abgruefen am 1. Oktober 2012
  8. ↑ Malu Dreyer neue Regierungschefin in Rheinland-Pfalz, Die Welt, abgruefen am 16.01.2013
  9. ↑ Ministerpräsidentin vom Mainzer Landtag wiedergewählt. Ampel-Bündnis einstimmig für Malu Dreyer Archivlink (Memento vom 25. Septämber 2016 im Internet Archive), SWR, 18. Mai 2016
  10. ↑ Malu Dreyer zur Ministerpräsidentin wiedergewählt. faz.net, abgruefen am 18. Mai 2021.
  11. ↑ Beck erster Gratulant (Deutsch) In: volksfreund.de. Abgrüeft am 3. Oktober 2012.
  12. ↑ Malu Dreyer: Kandidatin der Herzen (Deutsch) In: faz.net. Abgrüeft am 3. Oktober 2012.
  13. ↑ Malu Dreyer trotzt ihrer Krankheit, rp-online.de
Dä Artikel basiert uff ere fräie Übersetzig vu dere Version vum Artikel „Malu_Dreyer“ vu de dütsche Wikipedia. E Liste vu de Autore un Versione isch do z finde.