Menachem Begin
Dr Menachem Begin (hebräisch מנחם בגין; * 16. August 1913 z Brest-Litowsk im Russische Kaiserriich; † 9. Merz 1992 z Tel Aviv) isch Ministerbresidänt und Usseminister vo Israel gsi.
Lääbe
[ändere | Quälltäxt bearbeite]Er isch vor de dütsche Bsatzer us Pole gflüchdet und über d Sowjetunion uf Palestina choo. Dört isch er dr Füerer vo dr Irgun-Undergrundorganisazion worde und as Terrorist vo de britische Behörde gsuecht worde. Noch dr Gründig vom Staat Israel isch er in d Politik iigstiige und Füerer vo dr rewisionistische Herut-Bardei gsi. Er isch lang nume in dr Opposizioon gsässe, bis dass dr Brömiee Levi Eschkol vor em Säggsdaagchrieg 1967 iin in d Regierig grüeft het. Wil er gege territoriali Kompromiss mit de Araber gsi isch, het er d Regierig 1970 verloo. 1973 het er mit gmässigtere Bardeie dr Likud-Block gründet, wo 1977 noch em Jom-Kippur-Chrieg d Waale gwunne het und er isch Ministerbresidänt worde. 1979 het er mit em egüptische Bresidänt, Muhammad Anwar as-Sadat e Friidensverdraag abgschlosse und für e Friidensbrozäss dr Nobelbriis für Friide überchoo. Under iim isch 1982 dr Erst Libanonchrieg usbroche. 1983 isch er wäge däm Chrieg as Ministerbresidänt zruggdräte und het nochhär bis zum Dood ganz zruggzooge gläbt.[1]
Liddratuur
[ändere | Quälltäxt bearbeite]- Avi Shilon: Menachem Begin, A Life. Us dem Hebräische übersetzt vo dr Danielle Zilberberg und em Yoram Sharett. Yale University Press, New Haven/London 2012, ISBN 978-0-300-16235-6.
- Anja Steinmetz: Schmidt-Begin-Konflikt. In: Torben Fischer, Matthias N. Lorenz (Hrsg.): Lexikon der „Vergangenheitsbewältigung“ in Deutschland. Debatten- und Diskursgeschichte des Nationalsozialismus nach 1945. Transcript, Bielefeld 2007, ISBN 978-3-89942-773-8, S. 224 f.
Weblingg
[ändere | Quälltäxt bearbeite]
Commons: Menachem Begin – Sammlig vo Multimediadateie- Informatione vu dr Nobelstiftig zue dr Pryysverleihig 1978 an Menachem Begin (änglisch)
- Begins auf den Seiten der Jewish Agency for Israel
- Website vom Menachem Begin Heritage Center