Michael Arne

Dr Michael Arne (* 1740 oder 1741, gstorbe 14. Januar 1786) isch en änglische Komponist, Dschembalospiiler, Organist, Sänger und Schauspiiler gsi. Er isch dr Soon vom Komponist Thomas Arne gsi und vo dr Sopranistin Cecilia Young us dr Musikerfamilie vo de Youngs, wo im 17. und 18. Joorhundert berüemt gsi isch. Wie si Vater het au dr Michael Arne vor allem Muusig für d Büüni gschriibe und Kunstlieder. Er het meereri Lieder für d Londoner Lustgäärde komponiert, s bekanntiste von ene isch Lass with the Delicate Air (1762) gsi. Dr Arne het nüün Opere komponiert und isch Mitarbäiter an mindestens fufzää andere gsi. Si erfolgriichsti Opere, Cymon (1767), isch no zu sine Läbzite und bis ins früeje 19. Joorhundert immer wider äinisch ufgfüert worde.

A Zäichnig vom Royal Opera House, Covent Garden, wo dr Michael Arne vo 1777 bis zu sim Dood gschafft het. S Theater isch 1808 aabebrennt und die mäiste Komposizioone vom Arne us sällere Zit und e groosse Däil vom Wärk vo sim Vater si im Brand verloore gange.

Wärk

[ändere | Quälltäxt bearbeite]

Usser de nüün Oper won er eläi gschriibe het und de fufzää, won er mitgschafft het an ene, het er au Muusig für Zwüschespiil im Theater komponiert und siibe Sammlige vo Lieder veröffentligt. Er het au e baar Stück für s Dschembalo und d Orgle gschriibe, won e Däil von ene 1761 uusechoo isch. Wi dr Vater het er im galante Stiil gschriibe, wo denn populäär gsi isch und het sich do und dört vo dr änglische Volksmuusig und dr italiänische Opere lo beeiflusse.

Büünewärk

[ändere | Quälltäxt bearbeite]
  • Florizel and Perdita, or The Winter's Tale (21. Januar 1756, Drury Lane, London)
  • The Humorous Lieutenant (10. Dezämber 1756, Covent Garden, London)
  • Harlequin Sorceror (1757, Covent Garden, London)
  • Harlequin's Invasion (31. Dezämber 1759, Drury Lane, London)
  • The Heiress or the Antigallican (21. Mai 1759, Drury Lane, London)
  • Edgar and Emmeline (31. Januar 1761 Drury Lane, London)
  • A Midsummer Night's Dream (23. Novämber 1763, Drury Lane, London)
  • Hymen (23. Januar 1764, Drury Lane, London)
  • Almena (2. Novämber 1764, Drury Lane, London)
  • Cymon (2. Januar 1767, Drury Lane, London)
  • Linco's Travels (6. April 1767, Drury Lane, London)
  • Tom Jones (14. Januar 1769, Covent Garden, London)
  • The Maid of the Vale (15. Februar 1775, Smock Alley Theatre, Dublin)
  • Emperor of the Moon (22. Merz 1777, Patagonian, London)
  • The Fairy Tale (18. Juli 1777, Haymarket, London)
  • The Fathers, or the Good-natured Man (30. Novämber 1778, Covent Garden, London)
  • Love in a Village (13. Februar 1779, Covent Garden, London)
  • All alive at Jersey (22. Mai 1779, Sadler's Wells, London)
  • The Conscious Lovers (27. Septämber 1779, Covent Garden, London)
  • The Belle's Stratagem (22. Februar 1780, Covent Garden, London)
  • The Artifice (14. April 1780, Drury Lane, London)
  • The Choice of Harlequin, or the Indian Chief (26. Dezämber 1781 Covent Garden, London)
  • Vertumnus and Pomona (21. Februar 1782, Covent Garden, London)
  • The Positive Man (16. Merz 1782, Covent Garden, London)
  • The Maid of the Mill (25. Septämber 1782, Covent Garden, London)
  • The Capricious Lady (17. Januar 1783, Covent Garden, London)
  • Tristram Shandy (26. April 1783, Covent Garden, London)

Liedersammlige

[ändere | Quälltäxt bearbeite]

Dr Arne het in sinere Karriere fast 200 Lieder gschriibe, die mäiste für d Lustgäärde z London. E Hufe vo dene Lieder si in Anthologie uusechoo, aber öbbe fufzig si nie veröffentligt worde.

  • The Floweret (London, 1750)
  • The Violet (London, 1756)
  • A Favourite Collection of English Songs (London, 1757)
  • New Songs and Ballads (London, 1765)
  • New Songs sung by Miss Wright at Vauxhall (London, c1765)
  • A Collection of Favourite Songs sung by Mrs. Arne (London, 1773)
  • Ranelagh Songs (London, 1780)

Sustigs

[ändere | Quälltäxt bearbeite]
  • Lessons for the Harpsichord, (London, 1761)
Dä Artikel basiert uff ere fräie Übersetzig vum Artikel „Michael_Arne“ vu de änglische Wikipedia. E Liste vu de Autore un Versione isch do z finde.