Montes Alpes

Detailkarte vu dr Topographi vum Mare Imbrium. D'Montes Alpes sin mit "D" chennzeichnet.

Dialäkt: Markgräflerisch (Ebringe)

D' Montes Alpes sin e Gebirgszug in dr nördliche Hälfti vu dr Mondvordersite un uf die europäische Alpe daift.

Dr Gebirgszug bildet die nordöstlich Gränze vum Mare Imbrium. Säll Mondmeer, in wellem sich fascht keini uffällige Formatione befinde, bildet d'Weschtsite vu dr Mondalpe. Degege lit uf dr Oschtsite e stärcher strukturierts Hochland mit ere dütlich hellere Albedo. D'Gebirgschette fangt circa ei Kraterdurmesser nordweschtlich vum Cassini-Krater bim Promontorium Agassiz a, erstreckt sich no iber 50 km nooch Nordweschte un setzt sich schliessli - streckewiis underbroche - bis zum Krater Plato furt. In sällem Abschnitt befindet sich au s'Rinnesystem Rima Plato.

S'nordweschtlich Drittel vum Gebirge wird dur s'Vallis Alpes vum reschtliche Gebirge trennt. Es handelet sich do um e witte, bis zue 20 km breite Grabe, wo sich us ere schmale Schlucht ussi iber circa 180 km bis hi zum Mare Frigoris erstreckt. D'Dalmiddi durziegt e schmali Schlucht.

Bi öppe eim Driddel Längi vum Gebirgszug vu Südoschte her befindet sich dr Mons Blanc. Dr lunar Mont Blanc erreicht e Höchi vu 3,6 km iber em Niveau vum Mare Imbrium. Im Allgmeine erreiche d'Gipfel in dr Alpe numme Höchene vu 1,8 bis 2,4 km. Uf halbem Wäg zwische Mons Blanc un em Promontorium Agassiz befindet sich s'Promontorium Deville. Südwestlich vum Promontorium Agassiz lit dr isoliert, 2,3 km hoch Mons Piton.