Muralto | |
---|---|
Basisdate | |
Staat: | Schwiiz |
Kanton: | Tessin (TI) |
Bezirk: | Locarno |
Kreis: | Locarno |
BFS-Nr.: | 5120 |
Poschtleitzahl: | 6600 |
Koordinate: | 705143 / 113710 |
Höchi: | 207 m ü. M. |
Flächi: | 0.6 km² |
Iiwohner: | 2579 (31. Dezämber 2022)[1] |
Website: | www.muralto.ch |
Muralto | |
Charte | |
Muralto (lombardisch Müralt) isch e Gmai im Schwyzer Kanton Tessin. Si ghert zum Chrais (circolo) Locarno im Bezirk Locarno.
Muralto lyt am Langesee am Oschtrand vum Maggia-Delta un isch Dail vu dr Agglomeration Locarno. Zue dr Gmai ghere au no d Fraktione San Vittore un Burbaglio. Nochbergmaine sin näbe Locarno Minusio, Orselina un Gambarogno.
Muralto isch zum erschte Mol gnännt wore anne 1235 as Muralto.
Muralto isch langi Zyt wichtiger gsy weder Locarno. I de Römerzyt isch deet en grooße Vicus gläge, mit Wonviertel, Gschäftsviertel, Nekropoole und Truppelaager. E Chile gits syt em 5. oder 6. Jarhundert, und di hüttig Stifts-Chile vo 1190/1200 isch bis 1816 au d Pfarchile vo Locarno gsy. Im früene 19. Jarhundert häts aber sy Bidüütig a di nööchgläge Stadt verloore, wo die 1825/26 en nöie Hafe poue ghaa hät. Mit der Ysebaan, wo z Muralto 1874 aachoo isch, isch d Bidüütig wider gstige: De Tourismus hät afa blüe, und s Grand Hôtel Locarno vo 1874/76 lyt uf Muralter Bode. Hüt isch es mit sym Meerzwäck-Kongrässzäntrum wider es Oort vo regionaaler Bidüütig.
Vo 1803 bis 1881 hät Muralto zue Orselina ghöört ghaa, hät sich dän aber nach eme Stryt sälbständig gmachet.
Dr Gmaisbresidänt (Sindaco) vu Muralto isch dr Stefano Gilardi.
Quälle: Bundesamt für Statistik 2005[2]
Johr | 1888 | 1900 | 1910 | 1920 | 1930 | 1941 |
Yywohner | 1019 | 1502 | 1950 | 1857 | 2196 | 2312 |
Johr | 1950 | 1960 | 1970 | 1980 | 1990 | 2000 |
Yywohner | 2673 | 2924 | 3090 | 2814 | 2600 | 2676 |
Dr Dialäkt vu Muralto ghert zum Tesines, ere Mundartgruppe vum Weschtlombardisch.