Nationalversammlung (Frankreich)
| Logo | Barlemäntsgebei |
|---|---|
|
|
| Basisdate | |
| Sitz: | Palais Bourbon, Pàriis |
| Legislaturperiod: | 5 Joohra |
| Erschti Sitzig: | 9. Dezamber 1958 |
| Abgordneti: | 577 |
| Aktuelle Legislaturperiode | |
| Letschti Wahl: | 12. und 19. Jüüni 2022 |
| Vorsitz: | Versàmmlungspresidantin: Yaël Braun-Pivet (REN) |
| Sitzverdailig: | Noh Fràkzioona
Regierung: (250) 0 ENS 250
Opposition: (327) 0 NUPES 151
0 RN 89
0 LR 62
0 Sonstige 25
|
| Websyte | |
| www.assemblee-nationale.fr | |
| Dialäkt: Mìlhüüserdiitsch |
D’ Nàzionààlversàmmlung (uff Frànzeesch Assemblée nationale 
[asɑ̃ble nasjɔnal](info)) ìsch s’ Unterhüüs (frànzeesch chambre basse) vum frànzeescha Pàrlàmant. S’ Owerhüüs ìsch dr Senàt; zamma bìlda sa a Zwaikàmmersyschteem.
D’ Nàzionààlversàmmlung bschteht üss 577 Àbgoordneta (uff Frànzeesch députés [depyte](info)), wo jewills ìn ainem Wàhlkrais gwählt wara — ìn jeedem Département gìtt’s mìndeschtens ain Wàhlkrais. Fìr d’ Mehrhait hàà müass àlso a Pàrtäi bzw. a Pàrtäijabìndniss 289 Àbgoordneta hàà. Dr Versàmmlungspresidànt — hìtt d’ Yaël Braun-Pivet — düat d’ Debàtta-n-ìm Plenààrsààl laita. Dr Presidànt ìsch normàlerwiis Mìtglììd vu dr greeschta Pàrtäi ìn dr Versàmmlung; d’ Vìzapresidanta schtàmma-n-üss da andra Pàrtäija, wo ìn dr Versàmmlung vertratta sìnn.
D’ Àmtszitt vu da Àbgoordneta ìsch 5 Joohra làng, àwwer dr frànzeescha Schtààtspresidant därft d’ Nàzionààlversàmmlung uffleesa, fìr àss näija Wàhla schtàttfìnda — ar därft dàs numma ainmol pro Joohr màcha. Dia Màssnàhm ìsch sitter 2000 saltaner worra, wial dur a Volksàbschtìmmung dr Àmtszitt vum Schtààtspresidant üss sììwa Joohra-n-uff fìmf Joohra verkìrzt worra-n-ìsch. Vu dr Pàrlàmantswàhl vu 2002 àà bis àn dr Wàhl vu 2022 hàt dr Presidànt jeedsmol a Mehrhait ìn dr Nàzionààlversàmmlung ghàà; a Uffleesung vu dr Versàmmlung wurd àlso z’unnutz sìì. Waga dr Gwàltsänttailung därft dr Schtààtspresidant nìt àn da Debàtta-n-ìm Pàrlàmant mìtmàcha. Ar därft jedoch a Reeda vor àm Kongrass vum Pàrlàmant ìm Schloss vu Versailles hàlta, odd’r kààt a Briaf schriiwa, wo d’ Presidanta vu jeeda Kàmmer vor àn da Àbgoordneta un Senàtoora laasa, ohna Debàtta.
Sitter dr äärschta Legislàtüürperiooda vu dr Nàzionààlversàmmlung wahrend dr frànzeescha Revoluzioon düan d’ Lìnkspàrtäijer uff dr lìnka Sitta vum Plenààrsààl sìtza, wämm’r ’na vum Sìtz vum Versàmmlungspresidant har sììht, un d’ rachta Pàrtäijer uff dr rachta Sitta. Dr offiziälla Sìtz vu dr Nàzionààlversàmmlung ìsch dr Palais Bourbon àm lìnka-n-Ufer vu dr Seine ìm 7. Arrondissement vu Pàriis. D’ Nàzionààlversàmmlung bnutzt àui àndra nochberliga Gebäijer, wia dr Immeuble Chaban-Delmas uff dr Rue de l’Université z’ Pàriis. Wia d’ maischta wìchtiga Ìnschtitüzioona z’ Pàriis wìrd d’ Nàzionààlversàmmlung vu Repüblikànischa Gàrda bwàcht.
Weblìnks
[ändere | Quälltäxt bearbeite]
Commons: Nàzionààlversàmmlung (Frànkrììch) – Sammlig vo Multimediadateie- s’ Wàhlsyschteem vu dr Wàhl zu dr Nàzionààlversàmmlung In: wahlrecht.de (uff Hoochdiitsch)
- Informàzioona ìwwer d’ Nàzionààlversàmmlung uff dr Websitta vu dr Nàzionààlversàmmlung (uff Hoochdiitsch)
- d’ Websitta vu dr Nàzionààlversàmmlung (uff Frànzeesch, Anglisch un Hoochdiitsch)
|
Dä Artikel basiert uff ere fräie Übersetzig vu dere Version vum Artikel „National_Assembly_(France)“ vu de änglische Wikipedia. E Liste vu de Autore un Versione isch do z finde. |