Natürliche Zahl

Die natürlige Zahle bruucht mä für s Zele: ei Öpfel, zwei Öpfel, drei Öpfel usw.

Die natürlige Zahle si d Zahle, wo mä bim Zele bruucht: 1, 2, 3, 4, 5, 6, 7, 8, 9, 10 usw. Mänggisch zelt mä au s Null zu de natürlige Zahle. Sit dass d Mängelehr im 19. Johrhundert entwigglet worden isch, gseht mä die natürlige Zahle as mathematischi Mängi. Si bilde mit dr Addition und dr Multiplikation zsämme e mathematischi Struktur, wo as kommutative Halbring bezeichnet wird.

Bezeichnigskonventione

D Mängi vo de natürlige Zahle wird mit em Formelzeiche ${\displaystyle \mathbb {N} }$ abkürzt.

Si umfasst äntwäder die positive ganze Zahle

${\displaystyle \mathbb {N} =\{1;2;3;\ldots \}}$

oder die nidnegative ganze Zahle

${\displaystyle \mathbb {N} =\{0;1;2;3;\ldots \}}$

Beidi Konventione wärde bruucht.