Obermumpf

Obermumpf
Wappe vo Obermumpf
Wappe vo Obermumpf
Basisdate
Staat: Schwiiz
Kanton: Aargau (AG)
Bezirk: Rhiifäldew
BFS-Nr.: 4256i1f3f4
Poschtleitzahl: 4324
Koordinate: 637568 / 264698Koordinate: 47° 31′ 55″ N, 7° 56′ 15″ O; CH1903: 637568 / 264698
Höchi: 377 m ü. M.
Flächi: 5.06 km²
Iiwohner: 1076 (31. Dezämber 2022)[1]
Website: www.obermumpf.ch
Charte
Charte vo Obermumpf
Charte vo Obermumpf
ww

Obermumpf (ˈoː.bəɾ.mʊmpf)[2] isch en Iiwohnergmeind im Bezirk Rhiifälde vom Schwiizer Kanton Aargau. Si ligt im Weste vo dr Region Frickdaal, zwei Kilometer südlig vo dr Gränze zu Dütschland.

Geographii

[ändere | Quälltäxt bearbeite]

Obermumpf lit in dr Middi vom Fischingertal, eme Sitedaal vom Hochrhii, wo vo Südoste uf Nordweste verlauft. Dr flach Daalbode isch kuum meh as 100 Meter breit und wird underhalb vom Dorf e dief iigschnitteni Schlucht. D Hügelzüg näbedraa si unde nooch sehr stotzig und oobe nooch het s flachi, deilwiis sehr usdehnti Hochebene, wo uf ene intensiv Landwirtschaft bedriibe wird. Drbii handlet es sich um d Mumpferflueh (511 müM) im Norde, e Eikerbärg (509 müM) im Oste, e Hellikerbärg (541 müM) im Süde und e Loobärg (581 müM) im Weste. Am exponierte Südhang vo dr Mumpferflueh het s Wiibärg.[3]

D Flechi vom Gemeindigebiet bedräit 506 Hektare, drvo si 192 Hektare bewaldet und 46 Hektare überbaut. Dr höggst Punkt lit uf 555 Meter uf dr Loobärg-Hochebeni, dr diefst uf 320 Meter in dr Schlucht vom Fischingerbach.

Nochbergmeinde si Mumpf im Nordweste, Stei im Norde, Münchwile im Nordoste, Schupfart im Oste, Hellike im Süde und Zuzge im Weste.

Bevölkerig

[ändere | Quälltäxt bearbeite]

D Bevölkerigsentwicklig:[4]

Johr 1800 1900 1930 1950 1960 1970 1980 1990 2000
Iiwohner 354 503 536 595 605 727 714 861 980

Am 31. Dezember 2022 hai 1076 Lüt z Obermumpf gwohnt, 10,7 % drvo Usländer. Bi dr Volkszellig 2000 si 56,2 % römisch-katholisch, 16,3 % reformiert, 14,1 % christkatholisch und 4,3 % muslimisch gsi; 1,4 % hai en anderi Religion aagee. 93,0 % hai Dütsch as ihri Hauptsprooch bezeichnet, 3,5 % Albanisch, 1,3 % Französisch.[5]

Politik und Rächt

[ändere | Quälltäxt bearbeite]

D Versammlig vo de Stimmberächtigte, d Gmeindiversammlig, het d Legislativgwalt. Die usfüehrendi Behörde isch dr fümfchöpfig Gmeindiroot. Si Amtszit isch vier Johr lang, und er wird im Majorzverfahre vom Volk gwehlt. Er füehrt und repräsentiert d Gmeind, vollzieht d Beschlüss vo dr Gemeindiversammlig und d Ufgoobe, won em dr Kanton und dr Bund zuedeile.

Für Rächtsstriitigkeite isch s Bezirksgricht Rhiifälde zueständig. Obermumpf ghört zum Friidensrichterkreis Wägstette.

Literatur

[ändere | Quälltäxt bearbeite]
  • Edith Hunziker, Peter Hoegger: Die Kunstdenkmäler des Kantons Aargau. Hrsg.: Gesellschaft für Schweizerische Kunstgeschichte. Band IX, Bezirk Rheinfelden. Bern 2011, ISBN 978-3-906131-94-8, S. 368–378.

Weblingg

[ändere | Quälltäxt bearbeite]
 Commons: Obermumpf – Sammlig vo Multimediadateie

Fuessnote

[ändere | Quälltäxt bearbeite]
  1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
  2. ↑ Beat Zehnder: Die Gemeindenamen des Kantons Aargau. In: Historische Gesellschaft des Kantons Aargau (Hrsg.): Argovia. Band 100. Verlag Sauerländer, Aarau 1991, ISBN 3-7941-3122-3, S. 326–327.
  3. ↑ Landescharte vo dr Schwiiz, Blatt 1068 und 1069, Swisstopo
  4. ↑ Bevölkerungsentwicklung der Gemeinden im Bezirk Rheinfelden Archivlink (Memento vom 5. Mai 2005 im Internet Archive), Statistischs Amt vom Kanton Aargau
  5. ↑ Gemeindeporträt Archivlink (Memento vom 15. Juli 2007 im Internet Archive), Statistischs Amt vom Kanton Aargau