OpenURL

OpenURL isch e Schtandard, wo unter anderem drzue dient, typischi Verlinkigsprobläm vo URL z'verhindere. Drbi nutzt'r, ähnlich wie URN, für jeds Dokument e abschtrakte Name, wo durch e Mechanismus zue nem URL ufglöst wird.

Motivation

Bim herkömmliche Umgang mit URL ergän sich e baar Nochteil:

• d' Suechi noch relevante Informatione zue me bschtimmte Themegebiet erwist sich mit herkömmliche Suechmaschine als schwirig
• wärde URLs umbenennt, so het me keinerlei Informatione drüber, unter welere URL säll Dokument jetz z' finde isch
• herkömmlichi Suechmaschine sueche nit innerhalb vo lizenzierte Dokument, will me drfür bschtimmti Zuegriffsrächt brucht. Wenn me abr eigentlich e so ne Zuegriffsrächt het, cha ma di Informatione innerhalb vo dr lizenzierte Dokument nit finde, will me e Suechmaschine drfir verwende muess.

Uflösigsmechanismus

Bi nere Afrog über openURL wärde für's Suechergebnis nit nur de Suechtegscht, wo igee wore isch, sonder au Informatione übr de Benutzer an de Uflösigsserver gschickt. Sälle cha di Zuegriffsrächt übrpruefe un de Zuegriff dementschprächend verwalte. Bsitzt dr Benutzer di entschprechendi Rächt, so sendet dr Server e URL mit em därzitige Schtandort zruck.

Weblink

• Syntax vo openURL (änglisch)