Reduit

S Reduit z Mainz-Kastel vom Rhii us gsee
Dialäkt: Züridütsch (See)

S Réduit isch en verschtärchte Verteidigungsbau, wo zum Rückzug für d Besatzig dient hät, falls dr Find dr vorglagereti Verteidigungswall überwunde hät. S Réduit (s Chernwerch) lit im Innere vom ene Verteidigungswall. Vermehrt zum Iisatz sinds bi de detachierte Werch vo dr Neupreussische/Neudüütsche Befeschtigungsmanier vom 19. Jahrhundert choo. Sie ghörted zu de schtärchschte Feschtigsaalage und hätted sölle e hartnäckigi Verteidigung möglig mache. D Zitadelle zum Bischpil isch s Reduit beziehigswiis s Rückszugswerch innerhalb von ere Feschtig.

S Réduit i de Schwizer Alpe (Réduit National)

[ändere | Quälltäxt bearbeite]

Zu Einzelheite lueg bim Artikel Schwizer Reduit.

S Reduit vo dr Schwiz, die durezogeni Linie zeigt s eigentliche Rückzugsgebiet

Während em 2. Weltchrieg isch s Réduit zum Begriff vom Widerschtand vo dr Schwiz gege s Dritte Riich worde, uf dr einte Site vo ihrem geischtige Widerschtand, uf dr andere vom ene konkrete militärische Widerschtand vo dr Schwizer Armee i dr Alpefeschtig.

Bunker vo de Limmatstellig im Wasserschloss

Vo dr Grenze durs Mittelland hett im Chriegsfall nur no en Verzögerigskampf sölle gfüehrt werde. S dichtbevölkerete Mittelland und demit alli wirtschaftliche Zentre vom Land wär notfalls priisgeeh worde.

D Zentralruumschtellig hät im wesentliche de Alperuum ohni de grösseri Teil vo Graubünde und witgehend au ohni s Tessin umfasst, wobii di nördlichi Grenze im Berner Oberland dur de Hohgant, Heiligeschwendi und de Thunersee, und de Underlauf vo dr Chander und d Stockhornchetti bildet worde isch.

Zu de wichtigschte Feschtige vom Réduit händ d Feschtigswerch Sargans und St-Maurice und dr Sankt Gotthard als Zentrum vom Réduit ghört.

witeri Reduits

[ändere | Quälltäxt bearbeite]

Uf dr hessische Rhysite (Mainz-Kastel (zu Wisbade)) direkt nebe dr Theodor-Heuss-Brugg staat e Gebäud, wo Reduit gnännt wird. Es beherbergt hüt zahlriichi Vereinsheim und Jugendpflege-Iirichtige. Dr Innehof wird im Summer für Open-Air-Kinos, -Konzert und anderi Veraaschtaltige gnutzt. Usserdem isch au s Kaschteler Heimatkundemuseum, s Museum Castelanum, i dr Reduit underbracht.

Literatur

[ändere | Quälltäxt bearbeite]
  • Dr zweiti Weltchrieg Band 1 ISBN 3-7166-0048-2
  • Walter A. Gieringer (Hrsg.): Erinnerige a d Feschtigsbrigade 13. Bündner Buechvertrieb, Chur 2003
  • Bundesarchiv Bern
[ändere | Quälltäxt bearbeite]
Dä Artikel basiert uff ere fräie Übersetzig vum Artikel „Reduit“ vu de dütsche Wikipedia. E Liste vu de Autore un Versione isch do z finde.