D Rotte-Forelle, im Weltsche au truite du Doubs (Salmo rhodanensis), isch en europäischi Forelenart, wo wie de Name sait im Iizugspiet vom Rotte endemisch isch.
D Rotte-Forelle gliicht am Bachförnli, het aber kai rooti Tupfe. Uf de Siite het si vier braiti dunkli Querstraiffe.
D Rotte-Forelle isch im Iizugspiet vom Rotte endemisch, chunnt aber im Gempfersee und Wallis nöd vor, wege de Stromschnelle underhalb vo Gempf, wo för Fisch e natürlichi Bariere bildet. I de Schwiiz chunnt si im Doubs im Jura vor. Si mag suberi chalti suurstoffriichi Flüüssgwässer mit ere määssige Ströömig.
D Rotte-Forelle fresst Wirbelloosi, Amphibie und jagt anderi Fisch. Si laicht Endi Dezember binere Wassertemperatur vo 4 Grad öber eme chiisige Grund.