Riegel am Kaiserstuhl


Wappe Ditschlandkart
Wappe vo de Gmai Riegel am Kaiserstüehl
Riegel am Kaiserstuhl
Deutschlandkarte, Position vo de Gmai Riegel am Kaiserstüehl hervorghobe
Koordinate: 48° 9′ N, 7° 45′ O
Basisdate
Dialekt: Alemannisch
Hauptvariante: Nideralemannisch
Regionalvariante: Oberrhialemannisch
Lokalvariante: nördl. Kaiserstüehlerisch
Bundesland: Bade-Wirttebärg
Regierungsbezirk: Friburg
Landkrais: Emmedinge
Heh: 195 m i. NHN
Flech: 18,3 km²
Iiwohner:

4102 (31. Dez. 2022)[1]

Bevelkerungsdicht: 224 Iiwohner je km²
Boschtlaitzahl: 79359
Vorwahl: 07642
Kfz-Kennzaiche: EM
Gmeischlissel: 08 3 16 037
Adress vun dr
Gmaiverwaltung: 		Hauptstraße 31
79359 Riegel am Kaiserstüehl
Webpräsenz: gemeinde-riegel.de
Burgermaischter: Daniel Kietz
Lag vu dr Gmei im Landkreis Emmedinge
KarteFrankreichOrtenaukreisLandkreis Breisgau-HochschwarzwaldLandkreis Breisgau-HochschwarzwaldFreiburg im BreisgauSchwarzwald-Baar-KreisBahlingen am KaiserstuhlBiederbachBiederbachBiederbachDenzlingenElzachEmmendingenEndingen am KaiserstuhlForchheim (Kaiserstuhl)Freiamt (Schwarzwald)Gutach im BreisgauHerbolzheimKenzingenMalterdingenMalterdingenReute (Breisgau)Rheinhausen (Breisgau)Riegel am KaiserstuhlSasbach am KaiserstuhlSexauSimonswaldTeningenVörstettenWaldkirchWeisweilWinden im ElztalWyhl am Kaiserstuhl
Karte

Riegel am Kaiserstüehl (Gsw-kaiserstiählerisch-Riegel.ogg [ʁiə̯g̊l̩](info)) isch e Gmei im Landkreis Emmedinge in Bade-Württeberg (Dütschland).

Alemannisch

[ändere | Quälltäxt bearbeite]

Dr urspringlig ertlig alemannisch Dialäkt vu Riegel ghärt zuem Oberrhiinalemannische, wu zuem Nideralemannische zellt. In Riegel wird de Dialäkt no weidli gnutzt. Text zuem Riegeler Dialäkt findet si in Heilig (1900).

Geographischi Lag

[ändere | Quälltäxt bearbeite]

Riegel lit am Nordoschtrand vum Kaiserstuehl. Wenigi hundert Meter nordweschtlich vu Riegel minde d Glotter un an de glich Schdell d'Dreiseme samt de Alde Dreiseme zämme mid de Älz in de Leopoldskanal. Direkt südlich vu dr Ortschaft lit dr St. Michaelsberg.

Gschicht

[ändere | Quälltäxt bearbeite]

S'Gebiet vu dr hiddige Gmein Riegel het e ebbe 7000-jährigi Sidligsgschicht, wo bis in d'Jungsteizitt zruggoht. Aü keltischi un vor allem remischi Besiedlung sinn archäologisch noochgwiese, so e Mithrastempel. Vum 1. bis 3. Johrhundert nooch Christus isch die römisch Sidlig Rigola s'Verwaltigszentrum fer de hiddig Brisgaü gsi.

Riegel wird no anne 762 aü urkundlig erwähnt. Ab 969 ghärts im Kloschter Einsidle im hiddige schwizer Kanton Schwyz. Über de Johann Malterer kunnd dr Ort 1368 an d'Habsburger, bi däne er no vierehalb Johrhundert bliewe isch. Desdrum isch Riegel au in dr Reformationszitt katholisch bliewe. Uffgrund vum Riichsdeputationshauptschluss ghärt Riegel sidder 1806 zue Bade, sit 1952 no zue Bade-Württeberg.

Politik

[ändere | Quälltäxt bearbeite]

Wahle

[ändere | Quälltäxt bearbeite]

Ergebnis vo dr Landdagswahle sit 2006:[2]

Johr CDU SPD FDP Grieni Linki1 AfD Suschtigi
2016 22,4 % 14,5 % 6,3 % 33 % 2,3 % 15,9 % 5,6 %
2011 31,7 % 26,5 % 3,9 % 29,4 % 2,4 % 6 %
2006 39,1 % 30,9 % 11,7 % 11,8 % 3 % 3,5 %

1 2006: WASG, sit 2011: Die Linke

Gmeipartnerschafte

[ändere | Quälltäxt bearbeite]

Sit 1995 bschtoht e Städtpartnerschaft mit dr Gmei Champhol in dr Umgäbung vu Chartres im Département Eure-et-Loir in Frankrich.

Wirtschaft un Infrastruktur

[ändere | Quälltäxt bearbeite]

Verkehr

[ändere | Quälltäxt bearbeite]

Riegel isch über d'Bundesautobahn A 5 (Alsfeld - Wil am Rhi) ans überregional Strossenetz abunde. D'Rhidalbahn (Manne - Basel) vu dr Dütsche Bahn un d'Kaiserstüehlbahn (Gottene - Endinge - Brisach) vu dr Südweschtdütsche Verkehrs AG (SWEG) sorge fir dr Bahnanschluss.

Vu dr Kaiserstüehlbahn ab em Haltepunkt Riegel Ort fiärt e knapp 2 km langs Aschlussgleis zuem Bahnhof Riegel DB an dr Rhindalbahn.

Üsserdem verbinde Buslinie vu dr SWEG Riegel mit Ändinge und Emmedinge

Riegeler Brojerei

[ändere | Quälltäxt bearbeite]
Beerkäschte vu Fürschteberg un Riegeler z'Donaeschinge vereint

Die anne 1834 grindet Riegeler Brojerei ghärt sit 2000 zu de Fürstlich Fürstenbergischen Brojerei Donaeschinge. Dr Brojereistandort un d'Marke sin z'erscht erhalde bliibe. Im Oktober 2004 isch no d Fürschtebergbrojerei vu der Brau Holding International AG (Heineken, Schörghuber) iwernumme worre.

D'Riegeler Brojerei isch kurz denooch komplett stillglegt worre. Iwerkapazitäte in dr Beerbranche wägge sit Johre rucklaifigem Beerverbrüch in Ditschland hän säller Schritt nooch dr Ibernahm nit überraschend si lo - ender schu, ass d'Schonfrischt so lang gsi isch. „Riegeler Beer“ isch jetz bloss noch e Marke im Portfolio vu dr Brau Holding un wird z'Donaeschinge brojt. D'Brojerei selber isch zue Wohnunge („Lofts“) umboit worre.

Bildig

[ändere | Quälltäxt bearbeite]

Riegel het mit dr Michaelschuel e Grund- un Hauptschuel.

Schrifde

[ändere | Quälltäxt bearbeite]

Heilig, Otto (1900): Texte in alemannischer Mundart. Betr. Kürzell, Herbolzheim, Weisweil, Riegel, Bahlingen, Sasbach. Z. f. hochdeutsche Mundarten. I : 93—98.

Fueßnote

[ändere | Quälltäxt bearbeite]
  1. ↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
  2. ↑ Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)
[ändere | Quälltäxt bearbeite]
 Commons: Riegel – Sammlig vo Multimediadateie



Dä Artikel basiert uff ere fräie Übersetzig vum Artikel „Riegel_am_Kaiserstuhl“ vu de dütsche Wikipedia. E Liste vu de Autore un Versione isch do z finde.