Rimasco
Rimask, iteliänisch: Rimasco, uf Piemontesisch Rimasch, isch e Ortsteil vo der Gmeind Alto Sermenza i der iteliänische Provinz Vercelli i der Region Piemont. Es isch es alts Walserdorf i den Alpe, aber me redt dört scho lang s piemontesisch Valsesianisch.
Bis anne 2017 isch Rimask en eigeti Gmeind gsi. Denn het s Dorf mit der Nochbergemeind Rima San Giuseppe, wo d Walsersidlig Arimmu derzue ghört, zäme die nöji Gmeind Alto Sermenza pildet.
S Piet vo Rimask lyt im obere Valsesia, das isch uf walserdüütsch s Tseschtrutaal. Rimask lyt underhalb vo Arimmu und San Giuseppe, dört wo d Flüss Sermenza und Egna uf enand träffe. I Bann vo der ehemolige Gmeind sind im Egnatal obe es baar Wyler und a de stotzige Bärghäng vil höch glägni Alpmatte. Wyter obe im Egnatal isch s Walserdorf Chalchoufe, wo no hüt en eigeni Gmeind isch. Der Talabschnitt vo Rimask isch e Deil vom Areal vom Naturpark Parco naturale Alta Valsesia. Im Tal isch grad unden am Dorf e Stausee, der Lago di Rimasco, wos Wasser druus zum Chraftwärch bi Fervento abelauft.
Der Schutzpatron vo Rimask isch der Sankt Jakob.
Z Rimask isch es Walser-Sproochbüro.[1]
Literatur
[ändere | Quälltäxt bearbeite]- Sergio Gilardino: I Walser e la loro lingua dal grande nord alle Alpi. Dizionario della lingua walser di Alagna Valsesia. Magenta, Centro Studi Zeisciu, 2008.
Weblink
[ändere | Quälltäxt bearbeite]Fuessnoote
[ändere | Quälltäxt bearbeite]