| Dialäkt: Mìlhüüserisch |
Dr Roger Pirenne (* 9. Àuigscht 1934 z’ Clermont-sur-Berwinne, Prowìnz Lüttlich) ìsch a belgischer reemisch-kàthoolischer Oordagaischtliger vu dr Kongregàzioon vum Unbefleckta Harz vu Mària. Ar ìsch vu 1994 bis 1998 Bischoof vu Batouri-n-ìm Kamerun gsìì, un vu 1999 bis 2009 Arzbischoof vu Bertoua-n-ìm gliicha Lànd.
Dr Roger Pirenne ìsch ànna 1934 z’ Clermont-sur-Berwinne, ìm Oschta vu Belgia, d’ Walt kumma. Ar ìsch ìn siinera Haimetschtàdt ìn d’ Primàrschüala gànga, un hàt schpeeter griachischa un làtiinischa Lìteràtüür gschtudiart àn dr Sekundààrschüal Collège Royal Marie-Thérèse vu Herve.[1]
Dr Roger Pirenne ìsch Mìtglìed vu dr Kongregàzioon vum Unbfläckta Harza vu Mària worra un hàt àm 3. Àuigscht 1958 d’ Priaschterwäih ämpfànga.
Àm 3. Hornung 1994 ìsch dr Pirenne vum Pàpscht Johànnis Pooli II. àls Bischoof vu Batouri ärnännt worra. Dr Pirenne hàt àm 22. Mai 1994 d’ Bischoofwäih vum Àpostoolischer Nuntz ìm Kamerun, Gabun un Äkwàtoriàlguineà Santos Abril y Castelló ämpfànga. Doo drbii sìn d’ Mìtkonsekràtoora dr Paul Mbiybe Verdzekov, Arzbischoof vu Bamenda, un dr Jean Zoa, Arzbischoof vu Yaoundé, gsìì. Àls Bischoof vu Bafoussam hàt dr Pirenne d’ Missionnàrgmainschàft vu Kana kànoonisch gnamigt.[2]
Àm 3. Jüüni 1999 ìsch dr Pirenne vum Johànnis Pooli II. àls Arzbischoof vu Bertoua ärnännt worra. Àn dara Schtälla hàt dr Pirenne s’ Kàthoolischa-n-Ìnschtitüt vu Bertoua grìnda.[3] Àm 3. Dezamber 2009 hàt dr Benedikt XVI. sii àltersbdìngter Rucktrìtt ààgnumma. Noh siim Rucktrìtt ìsch dr Pirenne ìn siina Gmainschàft z’ruckgànga.[4]