Rossantilopen

Dialäkt: Bärndütsch

Rossantilope
Männliechi Rappeantilope (H. niger)
Systematik
Underordnig: Widerchöier (Ruminantia) ohne Rang: Stirnwaffeträger (Pecora) Familie: Hornträger (Bovidae) Underfamilie: Antilopinae Tribus: Rossböck (Hippotragini) Gattig: Rossantilope
Wüsseschaftlige Name
Hippotragus
Sundevall, 1846

Rössliantilope

Der Blaubock isch hüt bereits usgstorbe.

D Rossantilope oder d Rossböck^[1] (Hippotragus) sy e Gattig us der Underfamilie vo de Antilope us der Familie vo de Hornträger. Si chöme nur z Afrika vor u es git drü Arte vone, woby eini dervo usgstorben isch.

Merkmal

D Gattig Hippotragus zeichne sech dürdas us, dass beidi Gschlächter längi, chrummi Hörner hei. D Hörner sy voll usbilder meischtens 51 bis 102 cm läng. I Usnahmefäll chöi sy ou bis zu 152 cm läng wärde. D Tier chöi es Gwicht vo 150 bis zu 300 kg erreiche. Si chöi e Chopf-Rumpf-Längi vo 1,88-2,67 m u e Schwanzlängi vo 37 bis 76 cm erreiche. D Schulterhöchi lit zwischem 1 bis 1,6 m, wobi d Männli öppr anderhalbmal länger u schwerer isch als ds Wybli. Generell isch d Farb bim Blaubock blöilech-grau, bi der Rössliantilope blass rötlech-bruun u bi der Rappeantilobe isch sy chegelebruun bis schwarz. D Ungersyte isch wyss. Di starchi ähnlechkeit zum Ross chunnt dür di starch usprägti u meischtens ufrächt stehendi Rüggemähne zstang.^[2]

Verbreitig u Läbesruum

D Rossantilope chunnt i vilne Läbesrüüm vor woby d Rössliantikope eher im offene Grasland u d Rappeantilope eher i der bewaldete Landschaft underwägs isch.^[3] D Verbreitig erstreckt sech über ds zäntrale u öschtleche Afrika bis nach Südafrika. Der Blaubock het i der Kapregion vo Afrikanische Kontinänt gläbt, är isch aber um ds Jahr 1800 usgstorbe.^[4]

Systematik

D Gattung Hippotragus umfasst drei Arte:^[5]

• D Rössliantilope (Hippotragus equinus (Geoffroy Saint-Hilaire, 1803))
• † Der Blaubock (Hippotragus leucophaeus (Pallas, 1766))
• D Rappeantilope (Hippotragus niger (Harris, 1838); teilwys gälte di Oschtafrikanischi Rappeantilope (H. n. roosevelti) u di Grossi-Rappeantilope (H. n. variani) als eigeti Art)

Literatur

• D. E. Wilson, D. M. Reeder: Mammal Species of the World. Johns Hopkins University Press, Baltimore 2005, ISBN 0-8018-8221-4.

Weblink

Quelle

1. Murray Wrobel: Elsevier's dictionary of mammals: in Latin, English, German, French and Italian. Elsevier Science & Technology, 2006, ISBN 0-444-51877-0, S. 220
2. Ronald M. Nowak: Walker's mammals of the world, Band 2. Johns Hopkins University Press, 1999, ISBN 0-8018-5789-9, S. 1174–1175 Online.
3. Ronald M. Nowak: Walker's mammals of the world, Band 2. Johns Hopkins University Press, 1999, ISBN 0-8018-5789-9, S. 1174–1175 Online.
4. Hippotragus leucophaeus in der Roten Liste gefährdeter Arten der IUCN 2006. Eingestellt von: Antelope Specialist Group, 1996. Abgerufen am 6. Mai 2006.
5. Ronald M. Nowak: Walker's mammals of the world, Band 2. Johns Hopkins University Press, 1999, ISBN 0-8018-5789-9, S. 1174–1175 Online.

Dä Artikel basiert uff ere fräie Übersetzig vu dere Version vum Artikel „Rossantilopen“ vu de dütsche Wikipedia. E Liste vu de Autore un Versione isch do z finde.