Rückenmark
Farblegende:
S Rüggemarch isch en Teil vom zentrale Nervesyschtem vo Wirbeltier und verlauft im Wirbelkanal. S Rüggemarch isch ebeso wies Hirni vo de Hirnhüüt umgäh.
Gliederig vom Rüggemarch
[ändere | Quälltäxt bearbeite]Entsprechend de Uustritsstelle vo sine Spinalnerve wird s Rüggemarch i foif Abschnitt unterteilt wo jewiils i mehreri Segment chönd unterteilt werde:
- Hals- oder Zervikalmarch (Pars cervicalis): 8 Segment (C1–C8)
- Brust- oder Thorakalmarch (Pars thoracica): 12 Segment(Th1–Th12)
- Lenden- oder Lumbalmarch (Pars lumbalis): 5 Segment (L1–L5)
- Kreuz- oder Sakralmarch (Pars sacralis): 5 Segment (S1–S5)
- Schwanz- oder Kokzygealmarch (Pars coccygis): 1 Segment (Co1)
D Azahl Segment bezieht sich i dere Uflischtig uf d Schpezies Mensch und richtet sich amel nach de Azahl Wirbel.
Funktion vom Rüggemarch
[ändere | Quälltäxt bearbeite]Im Ruggemarch verlaufet wichtigi Nervebahne sowohl vom Hirni abwärts in Körper als au umgekehrt vo de Peripherie zum Hirni.
S Rüggemarch isch also gwüssermasse d Verbindig vo eusem Hirni zum Körper und darum extrem wichtig für alli Bewegige und Vorgäng i eusem Körper.
Schädigunge vom Rüggemarch
[ändere | Quälltäxt bearbeite]Schädigunge vom Rüggemarch cha s gää dur
- Druck (Tumor, Bandschiibevorfall, Wobbler-Syndrom, Cauda-equina-Syndrom),
- Durtrännig (Spinalisation mit Querschnittslähmig),
- Entzündige (Myelitis, Multiple Sklerose),
- Durbluetigsstörige (Fibrokartilaginöse Embolie),
- degenerativi Prozäss (Degenerativi Myelopathie bi Hünd, Cauda-equina-Syndrom bi Hünd, Syringomyeli
- aageboreni Missbildige wie d Chiari-Malformation Typ II bzw. III
Literatur
[ändere | Quälltäxt bearbeite]- F.-V. Salomon, H. Geyer, U. Gille: Anatomie für die Tiermedizin. Enke-Verlag, Stuttgart 2004, ISBN 3-8304-1007-7
- Th. H. Schiebler (Hrsg.): Anatomie. Springer-Verlag, 9. Aufl., 2005, ISBN 3-540-21966-8
- W. Westheide, R. Rieger: Spezielle Zoologe; Teil 2: Wirbel- und Schädeltiere. Gustav Fischer Verlag, Stuttgart, Jena, 2004, ISBN 3-8274-0307-3