Saint-Étienne-lès-Remiremont

Saint-Étienne-lès-Remiremont
Wappe vun Saint-Étienne-lès-Remiremont
Saint-Étienne-lès-Remiremont (Frankreich)
Saint-Étienne-lès-Remiremont (Frankreich)
Saint-Étienne-lès-Remiremont
Saint-Étienne-lès-Remiremont
Region Grand Est
Département Vosges
Arrondissement Épinal
Kommünàlverbànd Porte des Vosges Méridionales
Koordinàte 48° 1′ N, 6° 36′ OKoordinate: 48° 1′ N, 6° 36′ O
Heche 370–819 m
Flech 33,81 km2
Iiwohner 3.827 (1. Jänner 2020)
Bevelkerungsdicht 113 Iiw./km2
Code Postal 88200
INSEE-Code 88415
Website ville-st-etienne-remiremont.fr

d’ Lààg vu dr G’mainda Saint-Étienne-lès-Remiremont ìm Département Vosges
Dialäkt: Mìlhüüserdiitsch

Saint-Étienne-lès-Remiremont LL-Q150 (fra)-LoquaxFR-Saint-Étienne-lès-Remiremont.wav [sɛ̃t‿etjɛn le ʁəmiʁmɔ̃](info) ìsch a frànzeescha G’mainda mìt 3827 Iiwoohner (Schtànd 1. Januar 2020) ìm Vogeesa-Departement ìm Süüda vu dr Regioon Grand Est. Sa g’heert zem Arrondissement Épinal un zem G’maindaverbànd Porte des Vosges Méridionales. D’ Iiwoohner nännt m’r Stéphanois LL-Q150 (fra)-WikiLucas00-stéphanois.wav [stefanwa](info) (fìr d’ Manner) un Stéphanoises LL-Q150 (fra)-Mathieu Kappler-Stéphanoises.wav [stefanwaz](info) (fìr d’ Fràuija) uff Frànzeesch.[1]

wu ’s lììgt

[ändere | Quälltäxt bearbeite]
Karte
s’ Gmaindagebiat vu Saint-Étienne-lès-Remiremont

D’ Klaischtàdt Saint-Étienne-lès-Remiremont granzt unmìttelbààr àn d’ Schtàdt Remiremont — d’ owwera Mosel bìldet d’rbii d’ Trännungsliinia. Dr Fluss Moselotte, wo vu da Vogeesa kummt, mìndet ìm Süüdoschta vum Karnort ìn d’ Mosel.[2]

S’ G’maindagebiat ìsch wo 33,8 km² grooss. ’S ärschträckt sìch vu dr Moselotte-Mìndung un folgt d’ rachta Moseluufer uff’ra Länga vun äbba zehn Kilomeeter vun Norda uff Süüda. Zem G’maindagebiat g’heera-n-àui b’wàlda-n-Üsslaifer vu da Vogeesa eeschtlig vu dr Mosel, womm’r uff Frànzeesch Forêt de Fossard nännt, so wia-n-a dìnner „Durchgàng“ süüdlig vum Karnort, wo 100 bis 500 Meeter brait ìsch, un wo bis zem Rhii-Rhône-Wàsserschaid làuift. D’ G’mainda hàt ìhr heechschter Punkt mìt 819 Meeter ìwwer’m meer ìm Nordoschta vum Gebiat. ’S gìtt àui wittera Ärheewunga, wia dr Roche du Thin (757 Meeter hooch) un dr Üsssìchtspunkt Saint-Mont (667 Meeter hooch). Ìm G’mauindagebiat vu Saint-Étienne fliassa d’ Bargbachla Ruisseau de la Suche, Ruisseau de Seux un Ruisseau de la Croissette, wo ìn d’ Mosel mìnda.[2]

Umgaa wìrd Saint-Étienne-lès-Remiremont vu da Noochberg’mainda Éloyes ìm Norda, Tendon ìm Nordoschta, Cleurie un Saint-Amé ìm Oschta, Dommartin-lès-Remiremont ìm Süüdwäschta un Süüda, Girmont-Val-d’Ajol un Le Val-d’Ajol ìm Süüdwäschta so wia Remiremont un Saint-Nabord ìm Wäschta.[2]

wia d’ Beveelkerung äntwìckelt hàt

[ändere | Quälltäxt bearbeite]
Joohr 1962 1968 1975 1982 1990 1999 2006 2013 2022
Iiwoohner 3369 3741 3936 4497 4085 4057 3919 3848 3814
Kwalla: LdH/EHESS/Cassini

D’ Schtàdtbeveelkerung ìsch bis ìn d’ 1980er Joohra ìmmer g’wàcksa, àwwer zitterhaar hàt dr Nììdergàng vu dr Täkschtiilìndüschtrii a negàtiiwa-n-Iifluss uff d’ Beveelkerungszààhla. Ànna 1982 hàt d’ G’mainda bis zu hìtt mìt 4497 ìhra heechschta Iiwoohnerzààhl g’hàà.[2]

Pàrtnerschàft mìt’ra àndra Schtàdt

[ändere | Quälltäxt bearbeite]

Zitter Dezamber 1986 gìtt’s a Schtàdtpàrtnerschàft zwìscha Saint-Étienne-lès-Remiremont un Vila das Aves ìm Norda vum Portügàl.[3][4]

wìchtiga Litt üss dr Schtàdt

[ändere | Quälltäxt bearbeite]
  • dr Adrien Bailly (1875–1955) ìsch z’ Nexlard, era Ortschàft z’ Saint-Étienne-lès-Remiremont, uff d’ Walt kumma. Ar ìsch Laiter vu da B’rüafsschüala z’ Thaon-les-Vosges un Mìlhüüsa gsìì. Ar ìsch àui Unkel vum Àuitoor Henri Thomas gsìì.[5]
  • dr Schüallehrer, G’warkschàftler un Àuitoor Paul George, womm’r àui „Georges Airelle“ nännt (1882–1947), ìsch z’ Saint-Étienne-lès-Remiremont uff d’ Walt kumma.[6]
  • dr Politiker Charles Guyon, wo ànna 188 Gen’rààl-Kàntoonsroot vu Remiremont gsìì ìsch, ìsch z’ Saint-Étienne-lès-Remiremont uff d’ Walt kumma.[7]
  • dr Àuitoor un Verlaager Francis Martin (* 1945) ìsch z’ Saint-Étienne-lès-Remiremont uff d’ Walt kumma.[8]

Lüag àui

[ändere | Quälltäxt bearbeite]

Lìteràtüür züa dr Schtàdt

[ändere | Quälltäxt bearbeite]
  • Paul Chevreux, Léon Louis: Saint-Étienne. In: Dictionnaire historique et statistique des communes, hameaux, écarts, fermes. Band 7. Épinal 1889 (französisch).
  • Charles Kraemer, Michel Rouillon: Guide historique et archéologique du Saint-Mont et ses environs. Groupe de recherches archéologiques des Hautes Vosges (GRAHV), Épinal August 1990 (französisch).
  • Bernard Puton: Promenades aux mégalithes des environs de Remiremont. (französisch).

Weblìnks

[ändere | Quälltäxt bearbeite]
 Commons: Saint-Étienne-lès-Remiremont – Sammlig vo Multimediadateie

Ainzelnoohwiisa

[ändere | Quälltäxt bearbeite]
  1. ↑ Saint-Étienne-lès-Remiremont. In: habitants.fr. Archiviert vom Original am 29. April 2023; abgruefen am 16. Januar 2025 (französisch).
  2. ↑ 2,0 2,1 2,2 2,3 Dia Informàzioona sìnn üss’m Àrtìkel Saint-Étienne-lès-Remiremont ìn dr hoochdiitscha Wikipedia ìwwernumma worra.
  3. ↑ Histoire. G’maindaverwàltung Saint-Étienne-lès-Remiremont, archiviert vom Original am 11. Dezember 2024; abgruefen am 16. Januar 2025 (französisch).
  4. ↑ De Saint-Etienne à Vila Das Avès. In: Vosges Matin. 26. Mai 2012, abgruefen am 16. Januar 2025 (französisch).
  5. ↑ Adrien Bailly. In: Biographie vosgienne. Abgruefen am 16. Januar 2025 (französisch).
  6. ↑ Paul George. In: Biographie vosigenne. Abgruefen am 16. Januar 2025 (französisch).
  7. ↑ Charles Guyon. In: Biographie vosgienne. Abgruefen am 16. Januar 2025 (französisch).
  8. ↑ Francis Martin. In: Biographie vosigenne. Abgruefen am 16. Januar 2025 (französisch).