Samnaungruppe

Samnaungruppe
Ibersichtscharte vu dr Samnaungruppe Ibersichtscharte vu dr Samnaungruppe
Höchst Gipfel	Muttler (3'294 m ü. M.)
Lage	Tirol, Eschtrych / Kanton Graubünde, Schwyz
Deil vo	Zäntralalpe innerhalb vu dr Oschtalpe
Iideilig noch	AVE: 27 SOIUSA: 15.VI.B
Koordinate, (CH)	47° 0′ N, 10° 24′ O (825412 / 209079)46.99444444444410.4027777777783294Koordinate: 47° 0′ N, 10° 24′ O; CH1903: 825412 / 209079

ff

f1

D Samnaungruppe isch e Gebirgsgruppe in dr zäntrale Oschtalpe. Aadail hän Eschtrych mit dem Bundesland Tirol un d Schwyz mit em Kanton Graubünde.

In dr Samnaungruppe het s verschideni großi Wintersportbiet, du Dail vu dr Gruppe fir dr Bärgturismus im Summer entwärte. Ainewäg het s in dr Gruppe allno greßeri urspringligi un ainsami Bärgbiet. In dr Gruppe het s e baar Dreidöuserder. E greßeri Verglätscherig wie in dr Nochbergruppe Silvretta het s nit.

Name

Dr Name vu dr Gruppe chunnt vum Schwyzer Ort Samnaun, wu im Dal vum Schergenbach, em ainzige bewohnte Dal innerhalb vu dr Gruppe, lyt.

Umgränzig un Nochbergruppe

Im Norde bildet s Paznaun, s Dal vu dr Trisanna, un di unter Sanna d Gränze bis Landeck. Im Oschte un Sidoschte bildet dr Inn d Gränze. D Gränze im nerdlige Sytechamm vu dr Zäntralalpe (Rätikon–Silvretta–Samnaun) wird am Fimberpass bi dr Haidelbärger Hitte gsää, aim vu dr wenige guete Ibergäng vu däre Chette. D Oschtgränze isch s groß Chny vum Inn, wu do dur dr Zäntralalpechamm dtoßt, un ab dert d Nordgränze vu dr Gruppe bildet.

No AVE isch d Samnaungruppe (Nr. 27) umgränzt dur d Linie:

• im Nordweschte s Paznauntal (d Trisanna) vu Ischgl bis Wiesberg zur Verwallgruppe (28)
• im Norde d Sanna bis Landeck zue dr Lechtaler Alpe (3b) vu dr Nerdlige Oschtalpe (Nordalpe)
• im Oschten un Sidoschte dr Inn bis zum Finstermünzpass (orografisch: Yymindig vum Stillebach) zue dr Ötztaler Alpe (30)
• im Side dr Inn alsfurt bis zue dr Yymindig vu dr Brancla zur Sesvennagruppe (29)
• im Weschte Val Sinestra (Brancla) – Val Chöglias (Aua Chöglias) – Fimberpass – Fimbertal (Fimbabach) – Ischgl zur Silvretta (27)

Dr Fimberpass mit 2.608 m verbindet d Samnaungruppe mit dr Silvrettagruppe, dr diefscht Punkt isch d Sannamindig bi Landeck uf 775 m. Des gibt 2.519 m Gsamt-Profildifferänz un 686 m Gsamtschartehechi vu dr Gruppe. Si ragt also arg iber s dief yygschnitte Inntal ufe un isch gege d Silvretta wenig abgsetzt. D Gruppe bildet also nume dr Oschtuuslaifer vu dr friejer Verwallalpe gnännte Großgruppe, wi as Sytegruppe vum Flüela no Oschte strycht, un am Arlberg in di Nerdlige Chalchalpe ibergeht.

Gliderig un Untergruppe

Dr Alpenvereinsführer Samnaungruppe dailt s Gebirg in drei Untergruppe uf. D Untergruppe hän kai aigeni Näme. Si wäre nume dur iri Gränze definiert.

• Nordchamm, zwische Landeck un Flathjoch: In däm Dail vu dr Samnaungruppe sin d Dreidöuserder Hexenkopf un Furgler.
• Zwische Flathjoch un Zeblasjoch: Des isch dr mittler Dail vu dr Samnaungruppe mit dr Dreidöuserder Vesulspitze un Bürkelkopf.
• Siddail, sidli un eschtli vum Zeblasjoch: In däm Dail, wu fascht ganz z Graubünde lyt dr Muttler, dr hegscht Bärg vu dr Samnaungruppe, un e baar anderi Dreidöuserder. Där Dail wird dur s Samnaun im Norde abgränzt.

Gipfel

Insgsamt git s in dr Samnaungruppe ca. 140 Gipfel mit Näme un ere Hechekote. Do sin alli Dreidöuserder ufgfiert:

Rang	Bild	Gipfel	Hechi	Lage	Dominanz	Schartehechi
1		Muttler	3294	Graubünde	11,5 km → Fluchthorn	701 m ↓ Pass dals Gips
2		Stammerspitze	3254	Graubünde	2,6 km → Muttler	408 m ↓ Maisasjoch
3		Piz Mundin	3146	Graubünde	4,6 km → Muttler	342 m ↓ Fuorcletta
4		Clucher dal Mundin	3120	Graubünde	0,4 km → Piz Mundin	60 m ↓ Scharte zum Piz Mundin
5		Piz Rots, Vesilspitze	3097	Graubünde/Tirol	3 km → Stammerspitze	280 m ↓ Fuorcla Chamins
6		Vesulspitze	3089	Tirol	8,9 km → Piz Rots	550 m ↓ Zeblasjoch
7		Piz Malmurainza	3038	Graubünde	1,8 km → Muttler	229 m ↓ Fuorcla d'Alp
8		Hexenkopf	3035	Tirol	9,4 km → Vesulspitze	371 m ↓ Östliche Fließer Scharte
9		Piz Vadret, Sulnerspitz	3034	Graubünde	0,7 km → Piz Rots	40 m ↓ Scharte zum Piz Rots
10		Bürkelkopf	3030	Graubünde/Tirol	1,3 km → Vesulspitze	226 m ↓ Vesulscharte
11		Piz Nair	3018	Graubünde	0,8 km → Muttler	47 m ↓ Scharte zum Muttler
12		Furgler	3004	Tirol	3,9 km → Hexenkopf	319 m ↓ Masnerjoch

E Dail vu däne Gipfel hän au no Näbegipfel iber 3000 m: Im lange Chamm vum Piz Mundin un im Weschtgrat vu dr Stammerspitze het s verschideni anderi Gipfel mit bis zue 30 m Schartehechi. Schließli git s no ne 3029 m hoche Nordoschtgipfel vum Bürkelkopf, wu also nume ai Meter niderer isch wie dr Hauptgipfel, mit ca. 35 m Schartehechi.

Schutzbiet

No Artikel 5 vum Bundesgsetz iber dr Natur- un Haimetschutz fiert d Schwyz e Bundesinventar vu dr Landschafte un Naturdänkmeler vu nationaler Bedytig. In dr Samnaungruppe git s zurzyt aini vu sonige Landschafte:

• Nr. 1909, Name: Piz Arina, Johr vu dr Ufnahm in s Inventar: 1983, Greßi: 4936 ha

Turismus

Hitte

Im Tiroler Dail vu dr Samnaungruppe git s drei Hitte vum Alpeverain.

• Ascher Hitte: Hechi: 2.256 m, gwirtschaftet im Summer vu Aafangs Juli bis Mitti Septämber un im Winter uf Aafrog, 40 Matratzelager, Winterruum mit 10 Lager un AV-Schloss, Dalort: See im Paznauntal, Mer brucht vu dr Medrig-Alm (Lift) 2 Stunde.
• Hexenseehitte: Hechi: 2.588 m, gwirtschaftet im Summer vu Juli bis ca. 10. Septämber (Voraamäldig im Kölner Huus!) un im Winter bis an dr Oschtere nume am Dag, 28 Matratzelager, Winterruum mit 2 Lager, nit versperrt, Dalort: Serfaus, Mer brucht vu Serfaus 5 Stunde.
• Kölner Huus: Hechi: 1.965 m, gwirtschaftet im Summer vu Mitti Juni bis Mitti Septämber un im Winter vu Mitti Dezämber bis an dr Oschtere (schriftligi Voranmäldig!), 48 Bette un 18 Matratzelager, Dalort: Serfaus, Mer brucht vu Serfaus 1,5 Stunde

Im Schwyzer Dail het s ai Hitte:

• Heidelberger Hitte: Hechi: 2.264 m, gwirtschaftet

Färn-/Wytwanderwäg

Dr Zäntralalpewäg 02, ain vu dr 10 eschtrychische Wytwanderwäg, fiert au dur d Samnaungruppe. Där Wäg verlauft dur Dail vu dr Zäntralalpe mit zwee Alternativwäg.

Di lychter Alternativtrasse (Dailstrecki 18.1) chunnt zue dr Samnaungruppe bi Prutz am Inn. Vu dert uus goht s iber Serfaus, St. Zeno, s Furglerjoch un s Medrigjoch uf See, Kappl un Ischgl im Paznauntal.

Di hochalpin Alternativ (Dailstrecki 18.2) chunnt zue dr Samnaungruppe bi Pfunds im Inntal Vu dert uus fiert dr Wäg iber Lafairs un Tschupbach uf St. Zeno un vu dert uus wyter wie bi dr Dailstrecki 18.1.

Schybiet

In dr Samnaungruppe git die Schybiet:

• Silvretta Arena:^[1] Dalort sin Ischgl im Paznauntal un Samnaun Ravaisch, groß Schybiet mit drei fascht parallele Zuebringerbahne
• Medrigjoch-See: Dalort isch See im Paznauntal, chlai Familieschybiet
• Serfaus–Fiss–Ladis: Dalort sin Fiss un Serfaus in Balkonlag iber em Oberinntal, groß Schybiet mit Sailbahne iber e baar Däler, in dr Saison 2004/05 isch d Pezidbahn ufgmacht wore, e 8er-Kabinebahn as Zuebringer ins Masner-Schybiet iber s Arrezjoch. Si het e Rankschlaipflift ersetzt.

Weblink

Fueßnote

1. Dr Name Silvretta Arena vum Schwybiet stimmt nit, s lyt ganz in dr Samnaungruppe, aber am Ort wird d Abgränzig am Fimberpass weniger äng gsää.

Gebirgsgruppe vu dr Zentrale Oschtalpe no AVE Ankogelgruppe | Glocknergruppe | Goldberggruppe | Granatspitzgruppe | Gurktaler Alpe | Kitzbüheler Alpe | Kreuzeckgruppe | Lavanttaler Alpe | Ötztaler Alpe | Radstädter Tauern | Randgebirg eschtli vu dr Mur | Rätikon | Rieserfernergruppe | Rottenmanner un Wölzer Tauern | Samnaungruppe | Sarntaler Alpe | Schladminger Tauern | Schobergruppe | Seckauer Tauern | Sesvennagruppe | Silvretta | Stubaier Alpe | Tuxer Alpe | Venedigergruppe | Verwall | Villgratner Bärg | Zillertaler Alpe

Dä Artikel basiert uff ere fräie Übersetzig vu dere Version vum Artikel „Samnaungruppe“ vu de dütsche Wikipedia. E Liste vu de Autore un Versione isch do z finde.