Sens Unik sin e HipHop-Gruppe us Renens bi Lausanne in dr Romandie, wo 1987 gründet worde isch und sich im 2010 ufglöst hät.[1]
Di bekanntischte Mitglider sin dr MC Carlos und d Sängerin Déborah, wo au als Solo-Künschtlerin aktiv isch. Si sin bekannt für ire vom East-Coast-Rap beyflussti Musig. Uf "Abracadabra" hän si sich an Pop aagnööchered, en Experimänt wo si aber mit irem neuschte Album, "Mea Culpa", wider ruckgängig gmacht hän. Sens Unik hän au e baar spanischsproochigi Songs veröffentligt; em MC Carlos sini Eltere stamme us Galizie in Spanie.