Sherry Rehman

Dialäkt: Mìlhüüserdiitsch
D’ Sherry Rehman ànna 2018.

D’ Shehrbano Rehman, àui d’ Sherry Rehman bnännt (Urdu شیری رحمان‎; * 21. Dezamber 1960 z’ Karachi), ìsch a pàkischtànischa Politikera vu dr Pàkischtànischa Volkspàrtäi, un àui a Diplomàtin. Sa ìsch vu 2002 bis 2011 Àbgordneta gsìì ìn dr Nàzionàlversàmmlung, un ìsch fìr a kurza Zitt Informàzions- un Rundfunkminìschtera gsìì ìm Yousaf Raza Gilani sinera Regiarung vu 2008 bis 2009. Vu 2011 bis 2013 ìsch sa d’ Botschàftera gsìì vum Pàkischtàn ìn da Verainigta Schtààta. Dr’züa ìsch sa ànna 2015 pàkischtànischa Senàtora worra.

ìhra Jugend un berüaflicha Kàrriar

[ändere | Quälltäxt bearbeite]

D’ Sherbano Rehman ìsch ànna 1960 z’ Karachi uf d’ Walt kumma.[1][2] Ìhra Vàtter ìsch Jurischt gsìì un ìhra Müatter ìsch Vìzavorsìtenda gsìì vu dr Schtààtsbànk vum Pàkischtàn.[3]

D’ Rehman ìsch ìn d’ Karachi Grammar School ìn d’ Schüala gànga. Dernoh hàt sa ànna 1985 a B.A.-Hochschüalàbschluss vu dr Politikwìssaschàft ìm àmerikànischa Smith College bschtànda.[4] Sa hàt nohhar ìm Anglànd gschtudiart un hàt a M.A.-Àbschluss vu dr Kunschtgschìcht bikumma àn dr Ünivärsitet vum Sussex.

Wahrend äbb 20 Johra ìsch d’ Rehman Journàlischta gsìì. Sa hàt àm Daily Star ààgfànga, un isch schpeeter àm Herald gsìì, era pàkischtànischa Zittung uff Anglisch. Ìm Alter vu 26 Johra ìsch sa Uffsàtzlaitera vum Herald worra, bis 1998.[2][5][6] Vu 1988 bis 1998 ìsch sa Mìtglìed gsìì vum Pàkischtànischa Rot vu da Zittungsverlager. Nohdam àss sa s’ Herald fàraloh hàt, hàt sa àm Uffsàtz vum Büach The Kashmiri Shawl: From Jamawar to Paisley mìtgmàcht.[5] Ànna 1999 hàt sa àui a Farnsahsandung moderiart.[3]

Züadam ìsch d’ Rehman Vorsìtzenda gsìì vu dr Rotkritz-Gsällschàft vum Pàkischtàn.[3][7]

ìn Politik

[ändere | Quälltäxt bearbeite]

Vu 2002 bis 2011 ìsch d’ Rehman Mìtglìed gsìì vu dr Nàzionàlversàmmlung vum Pàkischtàn.[3][5] Àn dr Pàrlàmantswàhl vu 2002 hàt ma sìe gwählt fìr ainer vu da 60 Sìtza, wo üsschliassligerwiis fìr d’ Fràuija gsìì sìn. D’ Rehman ìsch namliga aina vu da ärschta Fràuija ìm Pàrlamant gsìì, wo nìt dr Schläijer trajt hàt. Sa hàt Gsätsäntwìrfa iigfiahrt gega-n-Ehramorda, s’ Gewàlt ìn dr Eha, so wia fìr d’ Prassarachta, d’ Fràuijarachta un d’ „positiva Diskriminiarung“.[2] Obwohl Mìtglìed vu dr Nàzionàlversàmmlung, ìsch sa Zäntràla Informàzionssekretärin vun ìhrer Pàrtäi blìewa, wia àui Presidanta vu dr Politischa Plànung vu dr Pàrtäi, un Mìtglìed vun ìn dr Pàrtäi ìhrer Üssschuss fìr d’ Üsswärtiga Ààglagahaita.[2] Àn dr Wàhl vu 2008 ìsch d’ Rehman gwählt worra fìr a Fràuija-Sìtz vu dr Provìnz Sindh.[2][5]

Ìm März 2008 hàt d’ Pàkischtànischa Volkspàrtäi d’ Pàrlamantswàhl gwunna. Àlso hàt ma d’ Rehman àls Informàzions- un Rundfunksminìschtera ernannt.[8] Ìm Àwril 2008 ìsch sa züadam Gsundhaitsminìschtera worra, so wia Minìschtera fìr d’ Fràuija-n-Äntwìcklung un Kültürminìschtera ìm Mai 2008. Àls Kültürminìschtera ìsch sa bis ìm Àuigscht 2008 blìewa. Ìm Novamber 2008 ìsch sa üs ìhrem Àmt àls Gsundhaitsminìschtera un Minìschtera fìr d’ Fràuija-n-Äntwìcklung z’rucktratta.[9] Àm 14. März 2009 ìsch sa dr’züa üss ìhrem Àmt àls Informàzions- un Rundfunkminìschtera z’rucktratta, fìr z’ protäschtiara gega d’ Beschrankunga, wo ma ìn da Media gsätzlig vorgschrìewa hàt.[4][10][11]

Noh-n-em „Memogate“ hàt dr Botschàfter ìn da Verainigta Schtààta Husain Haqqani müassa z’rucktratta. Ìhm hàt d’ Sherry Rehman nohgfolgt, àb em 23. Novamber 2011.[5][7][10][12][13] Ma hàt gsajt, àss ma d’ Rehman fìr d’ Botschàft üssgwählt hàt, wial sa güata Bezihung ghàà hàt mìt dr Àrmee, wo wahrend dara Krisa mìt dr Regiarung ìm Konflikt gsìì ìsch. D’rfìr hàt d’ Rehman ìhra Schtälla àls Àbgordneta müassa fàraloh. Ìhra Àmt àls Botschàftera hàt sa müassa fàraloh, àls ìhra Pàrtäi d’ Màcht verlora hàt, im Mai 2013.[14]

Ìm März 2015 hàt ma d’ Rehman àls Senàtora gwählt, fìr a Àmtszitt vu 10 Johra, ìn’ma Sitz vum Sindh.[14][15] Àm 22. März 2018 hàt ma sìe àls Laitera vu dr Opposizion ìm Senàt gwählt; àn dara Schtälla ìsch sa d’ ärschta Fràui gsìì.[1] Dàs Àmt hàt sa àwer àm 26. Àuigscht 2018 verloora, àls dr Pàkischtànischa Moslämliga (N) d’ hàuiptliga Opposizionspàrtäi worra ìsch.[16] Ìhr hàt dr Raja Zafar ul Haq nohgfolgt. Ìm März 2021 ìsch sa nochamol ìns Senàt gwählt worra, fìr a Àmtszitt vu 6 Johra.[17]

ìhra Schtällungsnàhma

[ändere | Quälltäxt bearbeite]

Zamma mìt ainiga àndra Mìtglìeder vun ìhrer Pàrtäi hàt d’ Rehman d’ Asia Bibi unterschtìtzt, wo ma ànna 2010 waga Gottesläschterung zum Tod verurtailt hàt. Àn dr Nàzionàlversàmmlung hàt d’ Rehman a Àbandrung vu dr Blàsphemiegsätz vorgschtällt. Sa hàt àslo vorgschlààga, àss ma d’ Todesschtroof fìr Gottesläschterung abschàfft, un àss ma sa ärsätzt mìt’ma Gfàngaschàft bis 10 Johra. Da Vorschlààg hàt ìhra Pàrtäi nìt unterschtìtzt. Wagadam han mehrera islàmischta Bewegunga ìn dr Rehman Morddrohunga gsanda. Zitterhar labt d’ Rehman unt’r Polizaischutz.[3]

Üsserdam ìsch d’ Rehman d’ Grìndera un d’ Vorsìtzenda gsìì vum Institut Jinnah,[6][5][18] wo mehrera Schtällunga vu dr pàkischtànischa Àrmee unterschtìtzt.

Àm 6. Novamber 2018 hàt d’ Rehman mìt àndra Pàrtäimìtglìeder d’ Regiarung kritisiart, wial ar züa wittharzig war ìsch gega-n-ìwer dr islàmischta Pàrtäi Tehreek-e-Labbaik Pakistan, wo gega d’ Fräischpruch vu dr Asia Bibi protäschtiart hàt. D’ Rehman hàt gsajt, àss d’ Owrigkait vum Schtààt nìa sovill ìn Froog gschtällt worra ìsch às wahrend dara Krisa.[19]

d’ Ehrunga, wo sa bikumma hàt

[ändere | Quälltäxt bearbeite]

Ànna 2002 ìsch d’ Rehman d’ ärschta Pàkischtànera gsìì, wo s’ Britischa Owerhüss fìr unabhàngiga Journàlischmus üsszaichnet hàt mìt’ma Muslim World Award.[20]

Ìm Janner 2009 hàt dr Internàzionàla Repüblikànischa Ìnschtitut ìn’ma Berìcht d’ Rehman ärwähnt àls a „Häldin vu dr Demokràti“ ìm Pàkischtàn.[21] Ìm gliicha Monet hàt sìe dr emiràtischa Zittschrìft „Ahlan“ ärwähnt àls aina vu da „100 Iiflussriichschta Fràuija vum Àsià“.[2]

Ànna 2009, hàt d’ Association of Television Journalists d’ Rehman mìt’m 'Freedom Award' Pakistan üsszaichnet.[22][23] Ànna 2012 hàt d’Rehman d’ Medàlia vum Smith College bikumma fìr ìhra „üsserordentliga Ärfolg un gedankwertig Dianscht“ zum Pàkischtàn.[24]

Ànna 2013 hàt sìe dr Presidant Asif Ali Zardari mìt’m „Nishan-e-Imtiaz“ üsszaichnet, dr hechschta bìrgerliga Ehrung vum Pàkischtàn.[25][26][27]

[ändere | Quälltäxt bearbeite]
 Commons: Sherry Rehman – Sammlig vo Multimediadateie

Ainzelnohwiisa

[ändere | Quälltäxt bearbeite]
  1. ↑ 1,0 1,1 Nadir Guramani: Sherry Rehman becomes the first female Leader of the Opposition in Senate. In: Dawn. 22. März 2018, abgruefen am 27. Mai 2021.
  2. ↑ 2,0 2,1 2,2 2,3 2,4 2,5 Sherry Rehman – profile. In: DAWN.com. 23. November 2011, archiviert vom Original am 23. August 2017; abgruefen am 17. Juni 2017 (änglisch).
  3. ↑ 3,0 3,1 3,2 3,3 3,4 Profile: Pakistan's new US envoy Sherry Rehman. In: BBC News. BBC, 23. November 2011, archiviert vom Original am 23. August 2017; abgruefen am 27. Mai 2020 (änglisch).
  4. ↑ 4,0 4,1 Pamela Constable: Pakistan's new envoy brings liberal charm but faces slim chance for diplomatic thaw. In: The Washington Post. 7. Februar 2012, archiviert vom Original am 23. August 2017; abgruefen am 18. Juni 2017 (änglisch).
  5. ↑ 5,0 5,1 5,2 5,3 5,4 5,5 Profile: Sherry Rehman, from journalist to ambassador. In: Express Tribune. 23. November 2011, archiviert vom Original am 23. August 2017; abgruefen am 17. Juni 2017 (änglisch).
  6. ↑ 6,0 6,1 Switching gears: Sherry Rehman found her calling for change. In: The Express Tribune. 12. Oktober 2013, archiviert vom Original am 23. August 2017; abgruefen am 18. Juni 2017 (änglisch).
  7. ↑ 7,0 7,1 Sherry Rehman appointed Pak Ambassador to US – GEO.tv. 23. November 2011, archiviert vom Original am 16. April 2012; abgruefen am 25. Juni 2017 (änglisch).
  8. ↑ 24-member federal cabinet takes oath. In: thenews.com.pk. Archiviert vom Original am 12. Februar 2018; abgruefen am 12. Februar 2018 (änglisch).
  9. ↑ Yousaf Raza Gillani cabinet. Cabinet Division, archiviert vom Original am 5. Mai 2017; abgruefen am 12. Februar 2018 (änglisch).
  10. ↑ 10,0 10,1 Pakistan appoints liberal lawmaker as new U.S. envoy. In: The Washington Post. 23. November 2011, archiviert vom Original am 17. April 2017; abgruefen am 18. Juni 2017 (änglisch).
  11. ↑ Federal cabinet: The twists and turns. Archiviert vom Original am 9. August 2017; abgruefen am 19. Juli 2017 (änglisch).
  12. ↑ Sherry Rehman appointed Pakistan's Ambassador to the US. In: The Express Tribune. Archiviert vom Original am 11. Juli 2012; abgruefen am 9. Juli 2012 (änglisch).
  13. ↑ Salman Masood, Matthew Rosenberg: Sherry Rehman Chosen as Pakistani Ambassador to U.S. In: The New York Times. 23. November 2011, archiviert vom Original am 21. Februar 2017; abgruefen am 20. Februar 2017 (änglisch).
  14. ↑ 14,0 14,1 PPP's Sherry Rehman elected Senator unopposed. In: Dawn. 8. Juni 2015, archiviert vom Original am 17. Juni 2017; abgruefen am 27. Mai 2021 (änglisch).
  15. ↑ Sherry Rehman elected senator unopposed. In: thenews.com.pk. Abgruefen am 12. Februar 2018 (änglisch).
  16. ↑ Nadir Guramani: PML-N's Raja Zafarul Haq replaces Sherry Rehman as leader of the opposition in Senate. In: Dawn. 26. August 2018, abgruefen am 26. August 2018 (änglisch).
  17. ↑ Results 2021. In: ecp.gov.pk. Abgruefen am 4. März 2021 (änglisch).
  18. ↑ Extraordinary Pakistanis: Sherry Rehman. In: The Express Tribune. 21. Mai 2015, archiviert vom Original am 23. August 2017; abgruefen am 18. August 2017 (änglisch).
  19. ↑ In Senate, opposition parties criticise government for not being forceful enough in dealing with TLP. In: Dawn. 6. November 2018, abgruefen am 27. Mai 2021 (änglisch).
  20. ↑ PM Gilani appoints Sherry Rehman ambassador to US. In: Business Recorder. Archiviert vom Original am 23. August 2017; abgruefen am 20. Juni 2017 (änglisch).
  21. ↑ Sherry Rehman honoured as 'Democracy's Hero'. (Nicht mehr online verfügbar.) 17. Januar 2010, archiviert vom Original am 17. Januar 2010; abgruefen am 18. Juni 2017 (änglisch).
  22. ↑ KARACHI: Conciliatory politics need of the hour: Sherry. In: Dawn. 23. März 2009, archiviert vom Original am 23. August 2017; abgruefen am 20. Juni 2017 (änglisch).
  23. ↑ Sherry to get award for 'extraordinary accomplishments'. In: The Nation. Archiviert vom Original am 9. Juli 2014; abgruefen am 20. Juni 2017 (änglisch).
  24. ↑ Sherry Rehman to get prestigious Smith College Medal. 28. Juli 2014, archiviert vom Original am 28. Juli 2014; abgruefen am 18. Juni 2017 (änglisch).
  25. ↑ Sherry Rehman recognised among world's top Women of Impact. In: Pakistan Today. Abgruefen am 19. Januar 2019 (änglisch).
  26. ↑ PN Member Ambassador Rehman Received Highest Pakistani Civil Award. Parliamentarians Network for Conflict Prevention, abgruefen am 19. Januar 2019 (änglisch).
  27. ↑ Ambassador Sherry Rehman recognized among world's top Women of Impact. Botschàft vum Pàkischtàn ìn da Verainigta Schtààta z’ Washington, D.C., abgruefen am 19. Januar 2019 (änglisch).
Dä Artikel basiert uff ere fräie Übersetzig vu dere Version vum Artikel „Sherry_Rehman“ vu de franzeesche Wikipedia. E Liste vu de Autore un Versione isch do z finde.
Dä Artikel basiert uff ere fräie Übersetzig vu dere Version vum Artikel „Sherry_Rehman“ vu de änglische Wikipedia. E Liste vu de Autore un Versione isch do z finde.