Simone Zgraggen

d Simone Zgraggen

D Simone Zgraggen (* 8. Augschte 1975 z Altdorf) isch e Schwyzer Gyygeri.

Lääbe

[ändere | Quälltäxt bearbeite]

D Simone Zgraggen het im Alter vu fimf Joor aafange Gyyge spiile. Si het vu 1991 bis 1994 am Konservatorium Lozärn bim Alexander van Wijnkoop (Abschluss: Lehrdiploom mit Uuszaichnig) studiert, vu 1994 bis 1995 an dr Musik-Akademi Baasel au bim van Wijnkoop (Abschluss: Konzärtryyfidiploom mit Uuszaichnig) un vu 1996 bis 2002 an dr Hoochschuel fir Musik Chaarlsrue bim Ulf Hoelscher (Abschliss: Konzärtexaame mit Uuszaichnig; Chinschtlerisch Ufböustuudium mit Uuszaichnig).

Vu 2001 bis 2004 het si ne Lehrufdraag fir Stryychermethoodik an dr Hoochschuel fir Musik Chaarlsrue ghaa. Vu 2001 bis 2012 het si Gyyge am Züri Konservatorium Klassik un Jazz untertiichtet. 2012 isch si as Brofässeri fir Violine an d Musikhoochschuel Fryyburg gruefe woore.

Syter anne 2010 isch si Konzärtmaischteri vu dr Basel Sinfonietta und syter anne 2022 vu dr Zuger Sinfonietta.

Inschtrumänt

[ändere | Quälltäxt bearbeite]

D Simone Zgraggen spiiilt d Stradivari-Gyyge „Golden Bell“ vu anne 1668.

Si bruucht Beege vu Louis Henri Gillet, Alfred Lamy, Claude Thomassin un e Barockbooge vum Carsten G. Löschmann.

Bryys

[ändere | Quälltäxt bearbeite]

D Simone Zgraggen het die Bryys gwunne:

  • Chunscht- un Kultuurstiftig Heinrich Danioth: Hauptfeerderigsbryys (2006)
  • Hoochschuelwettbewäärb vu dr Musikhoochschuele in dr Bundesrepublik Dytschland: 1. Bryys (2002)
  • Carl-Flesch-Akademy Baade-Baade: Brahms-Bryys un Lions-Bryys (2001)
  • Meadowmount School of Music: Shar Award (1999)

Diskografy

[ändere | Quälltäxt bearbeite]

D Simone Zgraggen het die Ufnahme yygspiilt:

  • Claves Records (Claves 50-2503)
Othmar Schoeck: The 3 Violin Sonatas (Mit em Ulrich Koella)
  • Genuin classics (GEN 86521) Kritik
Luigi Boccherini: String Quintet in E Major, Op. 13 No. 5 (Mit em Schubert-Quintett)
Franz Schubert: String Quintet in C Major, D 956 - Op. post. 163 (Mit em Schubert-Quintett)
  • Bella Musica (BM 31.2345)
Johannes Brahms: Konzert für Violine, Violoncello und Orchester a-Moll op. 102 (Mit em Grigori Alumyan un dr Baade-Baadener Filharmony unter em Werner Stiefel)
Johann Sebastian Bach: Partita Nr. 2 d-Moll für Violine solo BWV 1004
[ändere | Quälltäxt bearbeite]

D Simone Zgraggen uf dr Websyte vu dr Hoochschuel fir Musik Fryburg

Dä Artikel basiert uff ere fräie Übersetzig vu dere Version vum Artikel „Simone_Zgraggen“ vu de dütsche Wikipedia. E Liste vu de Autore un Versione isch do z finde.