Skype

Skype
Logo
Basisdate
Entwickler Skype Technologies
Erschynigsjohr 2003[1]
Aktuelle Version 8.109.0.209[2]
(28. Novämber 2023)
Betriebssystem Microsoft Windows, macOS, Android, iOS, Symbian-Plattform, Windows Phone, Linux, Blackberry OS, webOS
Programmier­sproch Delphi, Objective-C, C++, Object Pascal
https://www.skype.com/


Skype [skaɪp] isch e cheschtelose Instant-Messaging-Dienscht, wu syter anne 2011 im Bsitz vu Microsoft isch. Unterstitzt wäre Videokumferänze, IP-Delifony, Instant-Messaging, Dateiiberdragig un Screen-Sharing. Dr Dienscht losst si nume mit em zuegherige Aawändigsbrogramm nutze, wu fir e Huffe Bedribssischtem aabote wird. D Dateniberdragig basiert uf eme proprietäre Netzwärchprotokoll.

Bschrybig

[ändere | Quälltäxt bearbeite]

Skype machts cheschtelos Delifoniere zwische Skype-Chunde via Internet megli. Internettelifonat mit Chunde vu andere Aabieter sin nit megli. Verbindige in s Feschtnetz un zue Mobildelifon choschte ebis („SkypeOut“). Zum Aaruef us em konvenzionälle Delifonnetz aaznee, mueß mer e Online-Ruefnummere („SkypeIn“) chaufe. Eso ne Nummere cha mer fir rund 25 Länder yyrichte, ohni ass mer dert mueß wohne. Fir e Dail Länder isch s us rächtlige Grind notwändig möglich, ass mer e Wohnsitz dert het; des drifft zurzyt zue fir Frankrych, Dytschland, d Schwyz, d Niderlande un Sidkorea. In dr aktuälle Version fir Microsoft Windows un Mac OS X sin Kumferänzschaltige mit bis zue 25 Dailnämer megli.

Skype Technologies isch im Juli 2003 z Luxemburg grindet wore vum schwedische Unternämer Niklas Zennström un em dänische Unternämer Janus Friis. D Software sälber isch vu dr Eschte Ahti Heinla, Priit Kasesalu un Jaan Tallinn entwicklet wore. Im Septämber 2005 het eBay Skype fir 3,1 Milliarden US-Dollar ufgchauft, im Mai 2011 isch s schließli an Microsoft verchauft wore fir 8,5 Milliarden US-Dollar.

Regione vu dr EU, wu befreit sin vu dr Meewärtstyyr, chene syt dr Yyfierig vu neie Nutzigsbedingige im Juni 2014 kaini cheschtebflichtige Dienscht me nutze, wel Skype d Erstattig vu dr Meewärtstyyr nit megli macht. Die Regelig bedrifft zum Byschpel d Schwyzer Enklave Büesinge un Campione d’Italia oder d Insle Helgoland[3]

Literatur

[ändere | Quälltäxt bearbeite]
  • Thor Alexander: Das Skypebuch. Internettelefonie: Alles über Skype. Rund um die Welt kostenlos telefonieren. 3., überarbeitete Auflage. Rhombos-Verlag, Berlin 2011, ISBN 978-3-941216-52-5.
  • Markus Daehne: Skype Me from Single User to Small Enterprise and Beyond. Syngress Media, U.S., 2005, 350 Syte, änglisch, ISBN 1-59749-032-6.
  • Julian Finn: Das Buch zu Skype: Alles über Skype – telefonieren, videotelefonieren, chatten und mehr. O’Reilly, Peking/Cambridge/Farnharm/Köln/Sewastopol/Tokio 2011, ISBN 978-3-86899-109-3.
  • Patrick Hollecker: Skype – die Anleitung in Bildern (einfach und kostenlos mit Familie und Freunden in Kontakt bleiben) – Telefonate, Videogespräche, Textnachrichten und mehr. Vierfarben-Verlag, Bonn 2012, ISBN 978-3-8421-0045-9.
[ändere | Quälltäxt bearbeite]
 Commons: Skype – Sammlig vo Multimediadateie

Fueßnote

[ändere | Quälltäxt bearbeite]
  1. ↑ Happy Birthday Skype: Even monkeys use it now. In: Emirates 24/7. 28. Augschte 2013 (abgerufen am 28. Augschte 2013).
  2. ↑ Android Version 8.109.0.209 Updated on Nov 28, 2023. 28. Novämber 2023 (abgerufen am 5. Dezämber 2023).
  3. ↑ Microsoft-Servicevertrag, 1. Augschte 2015, abgruefen am 3. Februar 2016
Dä Artikel basiert uff ere fräie Übersetzig vu dere Version vum Artikel „Skype“ vu de dütsche Wikipedia. E Liste vu de Autore un Versione isch do z finde.