Spaghetti

Spaghetti
Spaghetti alle vongole
Spaghettiässer, e Genrefoti us Neapel, vor 1886

Spaghetti oder Spagetti [ʃpaˈɡɛti], italiänischi Standardussprach [spa'get-ti] sind us Hertweizegriess härgestellti Teigware bzw. Nudle mit eme runde Quärschnitt, zwei Millimeter Durchmässer (gchocht) und öppe 25 cm Lengi. Us Italie sind d Spaghetti i dütschsprachigi Ruum cho.

D Bezeichnig Spaghetti isch us em Italiänische übernuu worde (lat. spacus „Bindfade“ → ital. spago „Schnuer“ → Diminutiv spaghetto → Plural spaghetti „Schnüerli“). Bsunders dicki Spaghetti wäred Spaghettoni, besonders dünni wäred Spaghettini. No dünner als Spaghettini sind d Capellini.

Z Dütschland wärded Spaghetti mit Eier teilwys au als Eierteigware aabotte. Ähnlich gformt, aber meist chürzer als Spaghetti, sind Eiernudle (italienisch Pasta all’uovo), wo s au als Bandnudle git. Fadenudle sind chürzer und dünner und wärded meistens in ere Suppe gässe. Im hütige China hets scho im 2. Jahrtuusig v. Chr. en Art Fadenudle gä. Die sind allerdings us Hirsemähl härgstellt worde.

Bekannti Spaghetti-Gricht

[ändere | Quälltäxt bearbeite]
  • Spaghetti aglio e olio – mit Chnobli und Olivenöl
  • Spaghetti alla carbonara – mit Späck, Ei und Chääs
  • Spaghetti alla napoletana – mit Tomatesoose
  • Spaghetti alla puttanesca – mit scharf-würziger Tomatesoose und Sardälle, Peperoni, Olive und Kapere
  • Spaghetti alla gricia – mit bratnem Späck (Lardo) und Pecorino-Chääs
  • Spaghetti alle vongole – mit Venusmuschle
  • Spaghetti bolognese – mit Tomatesoose und Ghackets oder mit Ragù alla bolognese
  • Spaghetti all’amatriciana – mit Guanciale, Tomate, Pecorino-Chääs, Peperoncini (Chilischote) und Olivenöl
  • Spaghetti cacio e pepe - mit Pfäffer und Pecorino-Chääs
[ändere | Quälltäxt bearbeite]
 Commons: Spaghetti – Sammlig vo Multimediadateie
Dä Artikel basiert uff ere fräie Übersetzig vum Artikel „Spaghetti“ vu de dütsche Wikipedia. E Liste vu de Autore un Versione isch do z finde.