Stadion Brügglifeld

Stadion Brügglifeld
Date
Ort Flagge von SwitzerlandSwitzerland Aarau, Schweiz
Verein FC Aarau
Kapazität 8'000 Plätz
Oberflechi Naturrasen

S Stadion Brögglifäld esch s Stadion vom Fuessballveräin FC Aarau und stoht uf Bode vo de Gmäind Sohr.

Gschecht

[ändere | Quälltäxt bearbeite]

I de erschte 22 Johr nach de Veräinsgröndig vom 26. Mäi 1902 het de FC Aarau all sini Häimspeel im Aarauer Schache uusträit. Es het weder Goal no Hääg oder Garderobe gäh ond hend för jedes Speel weder uuf- ond abbout mösse wärde. Wo d Ortsbörgergmäind vo Aarau grüens Liecht för e neue Fuessballplatz im Brögglifäld gäh het, hend es paar Metgleder ond Frönd vom FC Aarau en Gnosseschaft för d Erstellig ond Finanzierig vo de Aalag gröndet. Am 12. Oktober 1924 esch s neue Stadion Brögglifeld met emene Fröndschaftsspeel gäge de amtierendi Schwiizer Mäister FC Züri fiirlech iigwäiht worde.

Achzg Johr spöter esch de erfolgriichschtii Aargauer Fuessballverein i sim häimelige Stadion am Waldrand trotzt em Erschiinigsbeld vom Stadion emmer no träu blebe. Scho am 22. Septämber 1929 esch d Holztribüne vom Brögglifäld komplett abbrönt, ennerhalb vo zwöi Mönet het me se aber weder chöne näu uufboue. Im Johr 1982 esch nach eme Johr Bouziit d Haupttribüne iigwäiht worde. I de 90er-Johr esch denne en zuesätzlichi Tribüne bouet worde ond d Stehrampe het scho voräne en Totalrevision becho. Im Johr 2003 esch de Secherhäitshaag entlang vo de Stehrampe vo de FCA-Fans gratis abmontiert worde. Gliichziitig hets en abtrente Gäschtesektor gäh.

Im Hehbleck uf s Johr 2008 esch en näui Heimstätte vör de FC Aarau planet worde. D MittellandArena, S Härzstöck vom MittellandPark, söt emol 12'500 Plätz ha. Am 25. Septämber 2005 het d Bevölkerig vo de Stadt Aarau d Plän för es näus Stadion ond s näue Iichaufszentrum abglehnt. D FC Aarau AG ond d Stadt Aarau hend nächär anere näue Lösig gschaffet. Im Februar 2008 send denne d Plän för die näu MettellandArena dor d Abstemmige dorecho ond de Bou vom näue Stadion bewelligt worde.

Infrastruktur

[ändere | Quälltäxt bearbeite]
  • Gmäindzughörigkäit: s Stadion stoht uf sohrer Bodä, wo aber de Ortsbürgergmäind Aarau ghört
  • Fassigsvermögä: insgesamt: 9'249 Plätz
    • devo 1'541 Sitzplätz (deckt)
    • devo 7'658 Stehplätz (uudeckt)
  • Belag: Naturrase
  • Bsetzer: Platzgnosseschaft Brögglifäld
[ändere | Quälltäxt bearbeite]

d Siite Brögglifäld uf de Homepage vom FC Aarau