Starbucks Corporation | |
---|---|
![]() | |
Unternähmensform | Corporation |
ISIN | US8552441094 |
Gründig | 30. März 1971 (Seattle) |
Sitz | Seattle, USA |
Leitig |
|
Mitarbeiter | 191.000 (2014)[2] |
Umsatz | 16,45 Mrd. USD (2014)[3] |
Branche | Quickservice-Systemgastronomii |
Uffdritt im Netz | www.starbucks.com |
D Starbucks Corp. isch en Einzelhandelsunternähme, wo uf Kafiprodukt spezialisiert isch. Es het si Houptgschäftssitz z Seattle in de USA und het Filiale uf de ganze Wält. S Unternääme chouft Kafibohne en Gros ii, röstet sä sälber und verdribt dr Kafi über Kafihüüser, wo antwäder im Konzärn ghööre oder von em lizenziert worde si.
Im Apriu 1971 hei d Studiefründ Gerald Baldwin, Gordon Bowker und Zev Siegl us San Francisco im aute Hafe vo Seattle, am Pike Place 1912 s Kafi-, Tee- und Gwürzgschaft „Starbucks Coffee, Tea and Spice“ ufdaa. Dä Name hei si gwäut in Erinnerig an dr Stüürmaa Starbuck us em Herman Melville sim Roman Moby Dick.[4] Bis 1981 si no drü Filiale z Seattle ufdaa worde.
1982 het de Howard Schultz bi Starbucks d Leitig vom Einzelhandel und vo de Vermarktig übernoo. Er het aber nach e baar Jaar s Unternähme verlaa und schliesslich 1987 mit Hiuf vo Inwestoore d Firma Starbucks für 3,8 Mio. US$ kouft. Zwöi Jaar spääter het Starbucks 55 mau soviu Filiale ghaa. Vo 1996 aa het er ou usserhaub vo de USA uf de ganze Wäut Filiale ufdaa.
![]() |
Dä Artikel basiert uff ere fräie Übersetzig vum Artikel „Starbucks“ vu de dütsche Wikipedia. E Liste vu de Autore un Versione isch do z finde. |