Tara-Air-Flug 197

Tara-Air-Flug 197

D’ Màschììna, wo àbschtìrtzt ìsch — doo ìm Àwrìl 2022

Unfall-Zusammenfassung
Uufallart wìrd untersüacht
Ort Thasang-2, Dischtrikt Mustang, Nepal
Datum 29. Mai 2022
Todesopfer 22
Lüt, wo überläbt hän 0
Luftfahrzüüg
Luftfahrzüügtyp de Havilland Canada DHC-6 Twin Otter
Betriiber Tara Air
Kännzeiche 9N-AET
Abflughafe Flughààfa Pokhara
Zilflughafe Flughààfa Jomsom
Passagier 19
Besatzig 3
Dialäkt: Mìlhüüserdiitsch

Dr Tara-Air-Flug 197 ìsch a plànmaassiger Ìnlàndsflug vu dr nepaleesischa Fluggsällschàft Tara Air vu Pokhara uff Jomsom àm 29. Mai 2022 gsìì. D’ Twin Otter ìsch àwwer ìn dr Neecha vu Sanosware ìn dr Barg Manapathi-n-àbgschtìrtzt. Àlla 22 Persoona àn Bord sìnn ums Laawa kumma.

Hìntergrund

[ändere | Quälltäxt bearbeite]

Schuu-n-àm 24. Hornung 2016 ìsch uff dr saalwa Flugverbìndung a ahnliger Unfàll gsìì (lüag Tara-Air-Flug 193), wu 23 Litt gschtoorwa sìnn. Ànna 2019 ìsch d’ Tara Air vu dr Zittschrìft Forbes unter da schlachtschta Fluggsällschàfta ìn dr Walt glischtet worra.[1]

Flugverlàuif

[ändere | Quälltäxt bearbeite]

D’ Màschììna-n-ìsch geega 09:55 Ühr NPT (04:10 UTC) üss dr Làndbàhn 04 vum Flughààfa Pokhara-n-àbgflooga. Dr Flug uff Jomsom hàt 18 Mìnüüta solla düüra; doo sìnn sehr schlachta Watterbedìngunga gsìì.[2] Äbb zwälf Mìnüüta noh-n-em Àbflug ìsch àm 04:17 Ühr NPT (04:22 UTC) dr Funkkontàkt zem Flugzigg àbgebrocha.

d’ Màschììna

[ändere | Quälltäxt bearbeite]

S’ Flugzigg ìsch a de Havilland Canada DHC-6 Twin Otter mìt dr Färtigungsnummer 619 gsìì, wo-n-àm 21. Àwrìl 1979 ìhra äärschta Flug ghàà. Àb 1999 ìsch sa mìt’m Luftfàhrziggkännzaicha 9N-AET vu dr Fluggsällschàft Tara Air, era Filiàla vu da Yeti Airlines, bnutzt worra.

Fluggascht un Besàtzung

[ändere | Quälltäxt bearbeite]

Ìnsgsàmt sìnn 19 Fluggascht un dräi Besàtzungsmitglììder àn Bord gsìì — dr Kàpitään Prabhakar Ghimire, dr 25-jaahriga Kopilot Utsav Pokharel un d’ Flugbeglaitera Krismi Thapa.[3][4] Dr Kàpitään hàt a 25 Joohra lànga Flugärfàhrung ghàà un hàt s’ Flugzigg Twin Otter güat kännt.[4] Unter da Fluggascht sìnn zwai Diitscha un viar Ìnder gsìì. D’ baida diitscha Fluggascht sìnn a Ehapààr üss Fernwald ìn Hessa gsìì.[5][6] D’ viar ìndischa Fluggascht sìnn a Fàmìlia-n-üss Mumbai gsìì.[7]

Nàzionàlitäät Fluggascht Besàtzung Gsàmt
Nepal Nepal 13 3 16
DeutschlandDeutschland Diitschlànd 02 0 02
IndienIndien Ìndià 04 0 04
Gsàmt 19 3 22

Süacha

[ändere | Quälltäxt bearbeite]

Uff Befahl vum nepaleesischa Ìnnaminìschterium ìsch àm 29. Mai 2022 a Häbschtrüüwer üss Jomsom àbgflooga, fìrs vermìssta Flugszigg süacha. Waga da schlachta Watterbedìngunga hàt’r àwwer müassa-n-umkehra.[8][9] A ànder Häbschtrüüwer üss Mustang ìsch eewafàlls wagem Watter umkehrt.[8] D’ Fluggsällschàft Kailash Air hàt àui àn dr Süach mìtgmàcht, àwwer hàt d’ verunglìckta Màschììna nìt gfunda.[10] Ìn Zammaschàffa mìt Nepal Telecom hàt maa-n-ìm Flugkàpitään sii trààgbààrer Telefon känna orta. A Wortfiahrer vu da Yeti Airlines hàt ärkläärt, àss dr Telefon sìch z’lätscht ìn dr Neecha vum Dorf Lete ìm Dischtrikt Mustang bfunda hàt.[11] Züadam hàt a Notfunkbàka s’ verschwundena Flugzigg ìn dr Neecha vu Khaibang geortet.[10]

Ainiga Iiwoohner vu Lete hann ìn dr Polizäi brìchtet, àss sa bii ìhrem Dorf a „ungweenliger Kràch“ gheert hann. D’ Polizäi hàt àlso därt a Häbschtrüüwer gsanda.[12] Ainiga Fluglotsa-n-àm Flughààfa Jomsom hann àlso brìchtet, àss sa a groosser Kràch àn dr Zitt vu dr Flugziggvermìssung gheert hann.[13] A pààr Iiwoohner vu Kowang hann gsajt, àss sa a brännend Flugzigg àm Füass vum Barg Manapathi bii-n-era Flussmìndung gsah ghàà hann. Àlso sìnn nepaleesischa Soldààta vor Ort kumma, fìr dr Wràck un d’ Opfer süacha.[12] Wagem Schneefàll ìsch d’ Süach ìn dr Nàcht vum 29. Mai uff dr 30. Mai 2022 nochamol unterbrocha worra.[14][15][16]

Àm Morga vum 30. Mai hann iihaimischa Büüra dr Flugziggwràck z’ Sanosware ìn dr Làndgmainda Thasang ìm Dischtrikt Mustang gfunda.[17][18][19] Dr Wràck hàt sìch àn’ra Heecha vun äbb 4.500 Määter ìwwer’m Meer bfunda.[20] Schpeeter àm Morga hàt d’ Tara Air brìchtet, àss maa 14 Laicha ìn’ma Braich vu 100 Määter um dr Unfàllort gfunda hàt.[21][22] Àm Noohmìttààg ìsch verkìndigt worra, àss maa 21 Laicha gfunda hàt.[23] Àm 31. Mai hàt maa-n-àlla 22 Laicha gfunda.[24] Àui dr Flugschriiwer ìsch gfunda worra.[25] Uff’ma Bìld vum Àbschturzort sìnn unbschaadigta Häck- un Flììgeltaila z’ sah.[21] Àn dr Bargungsiisàtz hann äbb 60 Litt mìtgmàcht — Soldààta, Polizìschta, Bargfiahrer un lokààla-n-Iiwoohner.[26]

noh-n-em Unfàll

[ändere | Quälltäxt bearbeite]

A pààr Taag noh-n-em Àbschturz hann d’ nepaleesischa Beheerda d’ Flììg mìt ungìnschtiga Wattervorharsààga verboota.[27]

Weblìnks

[ändere | Quälltäxt bearbeite]
 Commons: Flugzigg 9N-AET – Sammlig vo Multimediadateie

Ainzelnoohwiisa

[ändere | Quälltäxt bearbeite]
  1. ↑ James Asquith: The 2019 List Of The Most Dangerous Airlines In The World. In: Forbes. 6. Oktober 2019, archiviert vom Original am 7. September 2022; abgruefen am 13. September 2022 (änglisch).
  2. ↑ Twin Otter in Nepal im Himalaya abgestürzt. In: aeroTELEGRAPH. 29. Mai 2022, archiviert vom Original am 31. Mai 2022; abgruefen am 13. September 2022 (Schwiizer Hochtüütsch).
  3. ↑ Rettungskräfte finden 20 Leichen bei Flugzeugwrack in Nepal. In: Der Tagesspiegel Online. 30. Mai 2022, archiviert vom Original am 31. Mai 2022; abgruefen am 13. September 2022.
  4. ↑ 4,0 4,1 Ghimire was a 25-year-old experienced pilot. In: Surksha Khabar. 30. Mai 2022, archiviert vom Original am 13. September 2022; abgruefen am 13. September 2022 (änglisch).
  5. ↑ Flugzeug-Absturz: Ehepaar aus Fernwald unter Absturz-Opfern in Nepal. In: Hessenschau. 31. Mai 2022, archiviert vom Original am 1. Juni 2022; abgruefen am 13. September 2022.
  6. ↑ Florian Dörr: Flugzeugabsturz in Nepal: Zwei Opfer aus dem Kreis Gießen. In: Gießener Allgemeine. 30. Mai 2022, archiviert vom Original am 10. Juni 2022; abgruefen am 13. September 2022.
  7. ↑ Four Of Mumbai Family Among 22 People Onboard Plane That Crashed In Nepal. NDTV, 29. Mai 2022, archiviert vom Original am 31. Mai 2022; abgruefen am 13. September 2022 (änglisch).
  8. ↑ 8,0 8,1 ANI: Nepal Army finds wreckage of crashed aircraft in Mustang District. In: Lokmat Times. 30. Mai 2022, archiviert vom Original am 13. September 2022; abgruefen am 13. September 2022 (änglisch).
  9. ↑ Tara Air plane with 22 people on board missing in Nepal. In: Channel News Asia. 29. Mai 2022, archiviert vom Original am 31. Mai 2022; abgruefen am 13. September 2022 (änglisch).
  10. ↑ 10,0 10,1 Bad weather hampers search for missing Tara Air plane. In: The Kathmandu Post. 29. Mai 2022, archiviert vom Original am 31. Mai 2022; abgruefen am 13. September 2022 (änglisch).
  11. ↑ HT News Desk: Last phone location of pilot of missing Nepal plane traced in Mustang's Lete area: Report. In: Hindustan Times. 29. Mai 2022, archiviert vom Original am 31. Mai 2022; abgruefen am 13. September 2022 (änglisch).
  12. ↑ 12,0 12,1 HT News Desk: Missing Nepal plane with 22 onboard found in Mustang, search teams head to site: Report. In: Hindustan Times. 29. Mai 2022, archiviert vom Original am 31. Mai 2022; abgruefen am 13. September 2022 (änglisch).
  13. ↑ Arun Nair: Nepal Plane With 22 On Board, Including 4 Indians, Crashes Near River. NDTV, 29. Mai 2022, archiviert vom Original am 31. Mai 2022; abgruefen am 13. September 2022 (änglisch).
  14. ↑ Search and rescue op for missing Nepal plane called off for day due to snowfall: Official. In: Hindustan Times. 29. Mai 2022, archiviert vom Original am 31. Mai 2022; abgruefen am 13. September 2022 (änglisch).
  15. ↑ Bad weather forces Nepal Army to halt search for missing Tara Air plane. In: The Kathmandu Post. 29. Mai 2022, archiviert vom Original am 1. Juni 2022; abgruefen am 13. September 2022 (änglisch).
  16. ↑ Sangam Prasain: Search for missing Tara Air plane to resume today after bad weather, poor light affects operations. In: The Kathmandu Post. 30. Mai 2022, archiviert vom Original am 31. Mai 2022; abgruefen am 13. September 2022 (änglisch).
  17. ↑ Missing plane found crashed at Sanosware, Thasang-2 in Mustang. In: NepalNews. 30. Mai 2022, archiviert vom Original am 30. Mai 2022; abgruefen am 13. September 2022 (änglisch).
  18. ↑ Tara Air plane crashed at Sanosware, Thasang-2 in Mustang. In: The Himalayan Times. 30. Mai 2022, archiviert vom Original am 13. September 2022; abgruefen am 13. September 2022 (änglisch).
  19. ↑ Arun Nair: Wreckage Of Nepal Plane That Crashed With 22 On Board Found. NDTV, 30. Mai 2022, abgruefen am 13. September 2022 (änglisch).
  20. ↑ John Huston: Nepal Confirms Fatal Crash of Tara Air DCH-6-300. Archiviert vom Original am 1. Juni 2022; abgruefen am 13. September 2022 (änglisch).
  21. ↑ 21,0 21,1 Sangam Prasain: Missing Tara Air plane found crashed, 14 bodies recovered. In: The Kathmandu Post. 30. Mai 2022, abgruefen am 13. September 2022 (änglisch).
  22. ↑ Nepal Tara Air plane crash: 14 bodies recovered; government suspects 'all 22, including four Indians, have died'. In: Firstpost. 30. Mai 2022, archiviert vom Original am 30. Mai 2022; abgruefen am 13. September 2022 (änglisch).
  23. ↑ Nepal plane crash: 21 bodies retrieved from site, says civil aviation authority. In: Hindustan Times. 30. Mai 2022, archiviert vom Original am 27. Juli 2022; abgruefen am 13. September 2022 (änglisch).
  24. ↑ Himalaya: Alle 22 Toten aus abgestürztem Flugzeug in Nepal geborgen. In: Zeit Online. 31. Mai 2022, abgruefen am 13. September 2022.
  25. ↑ Nepal plane crash: Officials recover black box from wreckage. In: BBC News. British Broadcasting Corporation, 31. Mai 2022, archiviert vom Original am 31. Mai 2022; abgruefen am 13. September 2022 (britischs Änglisch).
  26. ↑ Himalaya: Vermisstes Passagierflugzeug in Nepal gefunden. Deutsche Welle, 30. Mai 2022, archiviert vom Original am 4. Juni 2022; abgruefen am 13. September 2022: „An dem Bergungseinsatz waren etwa 60 Soldaten, Polizisten, Bergführer und Anwohner beteiligt. Die meisten mussten die Absturzstelle in den Bergen zu Fuß erklimmen.“
  27. ↑ AFP: Nach Flugzeugabsturz in Nepal Sicherheitsregeln für Luftverkehr verschärft. In: Nau. 2. Juni 2022, archiviert vom Original am 4. Juni 2022; abgruefen am 13. September 2022 (Schwiizer Hochtüütsch).

Koordinate: 28° 42′ 56″ N, 83° 39′ 37″ O

Dä Artikel basiert uff ere fräie Übersetzig vu dere Version vum Artikel „Tara-Air-Flug_197“ vu de hochdütsche Wikipedia. E Liste vu de Autore un Versione isch do z finde.
Dä Artikel basiert uff ere fräie Übersetzig vu dere Version vum Artikel „Tara_Air_Flight_197“ vu de änglische Wikipedia. E Liste vu de Autore un Versione isch do z finde.