Thamyris

De Thamyris (altgriech. Θάμυρις, Thamýris oder Θαμύρας, Thamýras) isch i de griechische Mythologii e thrakische Sänger und Kitharoid gsii.

De Thamyris, Soo vom Philammon, isch ann vo de erste groosse Sänger gsii. Er het sich under anderem in Hyakinthos verliebt und söll noch de Bibliotheke vom Apollodor so de ersti Maa gsi sii, wo en andere Maa gliebt heb:

„Kleio aber verliebte sich in Pieros, den Sohn des Magnes, … kam mit ihm zusammen und gebar von ihm den Knaben Hyakinthos, zu dem Thamyris, der Sohn des Philammon und der Nymphe Argiope, Liebe fasst, als erster damit beginnend Männer zu lieben.“ (Apollodor, Bibliotheke 1.16f.)

Er isch vo de Stadt Oichalia uf Messenie choo und het bi de Stadt Dorion di Dorischi Wiis erfunde und sini Musig vollendet. Er hett sich grüemt, e schönneri Stimm as d Muuse haa und het si zomene Wettsinge uufgforderet. Wen er gwüni, so wöl er sich mit ene veraine, verlüüri er, so taared si em ewegg nee was si möchtet. Er het verloore und d Muuse hend em s Augeliecht und d Singchunst eweggnoo. Noch de Niiderlaag het er am Fluss Balyra, wo i de Nööchi vo Dorion flüüsst, sini Kithara wegrüert.

Literatur

[ändere | Quälltäxt bearbeite]
  • Edward Tripp: Reclams Lexikon der antiken Mythologie. Stueggert, 1991. ISBN 3-15-010371-1
  • René Nünlist: Thamyris. In: Der Neue Pauly (DNP). Band 12/1, Metzler, Stuttgart 2002, ISBN 3-476-01482-7, Sp. 242.