Theologie

D Theologii isch eini vo de alte Wüsseschafte, wo scho im Mittelalter a de Universitäte glehrt worde-n-isch. S Wort chunnt vom griichische θεολογία (theología), un setzt sich us de beide Wörter θεός (theós »Gott«) un λόγος (lógos »Wort«) zämme.

Chrischtlichi Theologii

[ändere | Quälltäxt bearbeite]

Di chrischtlich Theologii setzt sich mit Hilf vo historische Zügnis, vor allem de Bible, un em kritische Dänke mit de Frag nach Gott usenand. Als Wüsseschaft a de Universität isch si konfessionell prägt. So gits Universitäte mit ere evangelische Fakultät un settigi met ere katholische Fakultät. Mengisch hei Universitäte au mehreri theologischi Fakultäte.

Studium

[ändere | Quälltäxt bearbeite]

S theologisch Studium isch normalerwiis in verschideni Diszipline unterteilt:

  1. Di exegetische Diszipline
    • Alts Teschtament: S Alte Teschtament un d Gschicht vom alte Israel duet me mit historische un philologische Methode untersueche. Au d Archäologii spilt bi de Gschicht vo Israel e immer grösseri Rolle.
    • Nois Teschtament: D Uslegig (Exegese) vom Noie Teschtament, wo mit historische un philologische Methode schaffet, isch s Thema vo dere Disziplin.
  2. Chilegschicht
  3. Systematischi Theologii
    • Dogmatik: D Frag nach de Gschicht, de Gschtalt un em Inhalt vom chrischtliche Glaube, wi er zum Bischpil in de Bekenntnis vom Glaube un in de Lehrentscheidige (katholischi Chile) zum Usdruck chunnt, wird behandlet un dargstellt.
    • Ethik: D Frag nach de Gschtalt un d Begründig vo de chrischtliche Ethik isch s Thema vo dere Disziplin.
  4. Praktischi Theologii: D Praxis un d Verkündigung vom Glaube wird reflektiert. Doderzu bruucht ma au Methode us empirische Sozialwissenschafte un us de Psychologii.

Jüüdischi Theologii

[ändere | Quälltäxt bearbeite]

Im Juudedum git s käini allgemäinverbindlige Dogme und doorum au kä Theologii im äigentlige Sinn vo dr «Leer vo Gott». D Hochschuel für Jüüdischi Studie z Häidelbärg wird vom Zentraalroot vo de Juude in Dütschland dräit. Si widmet sich dr Wüsseschaft vom Juudedum. An meerere Uniwersidääte git s Studiegäng für Judaistik, wo unabhängig vo dr Religioonszueghöörigkäit chönne bsuecht wärde.