Tony Rominger
| |
| Personedate | |
|---|---|
| Geburtsdatum | 27. Merz 1961 |
| Nation |  Schwiz
|
| Disziplin | Stross |
| Fahrertyp | All-rounder |
| Internationali Team | |
| 1986 1987 1988-1990 1991 1992-1993 1994 1995-1996 1997 |
Cilo Aufina Brianzoli Chateau d'Ax Toshiba CLAS Mapei-CLAS Mapei Cofidis |
| Wichtigsti Erfolg | |
|
| |
| Infobox zletzt aktualisiert: 18. 9. 2010 | |
Dr Tony Rominger (* 27. Merz 1961 z Vejle, Dänemark) isch en ehemolige Schwiizer Velorennfahrer.
Karriere
[ändere | Quälltäxt bearbeite]Dr Tony Rominger isch vo Bruef Buechhalter gsi, und isch im Alter vo 25 relativ spoot Radprofi worde. Noch e baar guete Platzierige am Afang vo sinere Karriere het er 1989 si erste Eidags-Klassiker, d Lombardei-Rundfahrt, gwunne.
In de Johr druf het er sich zum ene Allrounder entwigglet und het 1992 zum erste Mol d Vuelta a España gwunne, won er derbii bis 1994 as erste Radprofi überhaupt dreimol noch enander triumphiert het. 1995 het er au der Giro d’Italia gwunne.
Bi der Tour de France het der Rominger aber immer wider gegen e Miguel Induráin verlore, het aber immerhi 1993 der Spanier in däm siiner Spezialdisziplin, em Zitfahre, chönne schloo und het sich usserdäm s Bärgliibli gholt.
1994 het der Rominger sim Rival Induráin der Stundewältrekord abgnoh und het Distanz, won er in einere Stund uf eme Spezialvelo gfahren isch uf über 55 Kilometer vergrösseret.
Bruef und Familie
[ändere | Quälltäxt bearbeite]Noch em Ändi vo siner Karriere 1997 het der Rominger zitwiis as Velosport-Kommentator für e TV-Sänder Eurosport gschafft. Bis 2004 het er bi der internationale Sportleragentur IMG gschafft. Er isch bis hüte Manager vom ene Hufe Velorennfahrer, unter anderem vom Matthias Kessler, Patrik Sinkewitz, Andreas Klöden und Alexander Winokurow. Dreine vo dene, em Kessler, em Sinkewitz und em Winokurow, het me 2007 Doping nochgwiise.
2004 het der Rominger under anderem d Tour de Suisse organisiert.
Der Rominger het zwei Chinder us ere früehnere Hürot und isch sit 18. Mai 2009 mit der Schwiizer Sängere und Moderatorin Francine Jordi verhürotet.
Sit 2008 isch der Rominger Markepartner vom spanische Undernähme Bikecontrol M. Mauri. Die Firma vom ehemolige Radprofi Melchor Mauri isch uf Indoor Cycling spezialisiert.
- Vuelta a España (1992, 1993, 1994)
- Giro d’Italia (1995)
- Vuelta al Pais Vasco (1992, 1993, 1994)
- Tour de Romandie (1991, 1995)
- Paris-Nizza (1991, 1994)
- Bärgliibli bi der Tour de France (1993)
Dr Rominger bi der Tour de France
[ändere | Quälltäxt bearbeite]- 1988 68. Platz
- 1990 57. Platz
- 1991 nid mitgmacht
- 1992 nid mitgmacht
- 1993 2. Platz
- 1994 usgschiide
- 1995 8. Platz
- 1996 10. Platz
- 1997 usgschiide
Uszeichnige
[ändere | Quälltäxt bearbeite]- Vélo d’Or 1994