Vöhringen (Iller)

Basisdata
Bundesland:	Bayern
Regierongsbezirk:	Schwoba
Landkroes:	Nei-Ulm
Heh:	499 m i. NHN
Fläch:	23,6 km²
Eiwohner:	13.933 (31. Dez. 2022)
Bevelkerongsdicht:	590 Eiwohner je km²
Boschtloetzahl:	89269
Vorwahlen:	07306, 07307 (Illerzell)
Kfz-Kennzoeche:	NU, ILL
Gmoedsschlissel:	09 7 75 162
Adress vo dr; Stadtverwaltong:	Hettstedter Platz 1; 89269 Vöhringen
Webpräsenz:	www.voehringen.de
Bürgermeister:	Karl Janson (barteilos)
Lag vo de Stadt Vöhringen em Landkroes Nei-Ulm
	Karte

Vehrenge (amtlich Vöhringen) ischt a Schtadt em Landkroes Nei-Ulm en Bayern.

Geografi

Vehrenge leit 18 Kilometer sidlich voo Ulm an dr Iller. Vo dr Gmarkong send 41,5 % Landwirtschaftsfleche, 24,9 % Wald, 28,7 % Sidlongsfleche ond 4,9 % sonschtige Fleche.

Gmoendsgliderong

Zua Vehrenge ghered d Stadtdoel Illerberg, Illerzell ond Thal ond dr Riedhof. Vehrenge grenzt an Senden, Weißenhorn, Bellenberg ond Illerrieden.

Gschicht

Bis zom 19. Jahrhondert

Vehrenge ischt zom erschte Mol gnennt worda em 12. Jh. als Veringen. Vermutlich isch es aber scho em 5./6. Jahrhondert vo de Allemanna besiedlat worra. Em 15. Jahrhondert hat es nao mehrfach sein Besitzer gweggslat und isch 1756 onderm Kurfirscht Max Joseph frier als d Nachbargmoeda zu Bayern komma.

Em Johr 1864 hat nao dr Fabrikbesitzer Phillipp Jakob Wieland a ertlichs Miahlguat samt Fabrikgelände kauft, was fir Vehrenge dr Afang vo dr Induschtrialisierong war. D Wieland-Werke als weldweid tätiga Firma send heit no brägend firs Ortsbild.

Eigmoidonga ond Schtadterhebong

Dr Ortsdoil Illerzell (omgangsschbrachlich Zell) hat ogfähr 1300 Eiwohner, leit ogfähr drei Kilometer nordweschdlich vo Vehrenge em Illerdal ond isch am 1. Juli 1972 eigmoidat worra. D Ortsdoil Illerberg (omgangsschbrachlich Berg) mit ogfähr 1700 Eiwohner ond Dal (amtlich Thal) mit ogfähr 600 Eiwohner liegat ogfähr eschdlich vo Vehrenge ond send am 1. Januar 1976 eigmoidat worra. Zamma mit deane Ortsdoil isch Vehringe nao am 25. Juni 1977 zur Schtadt erhoba worra.

Eiwohner

Johr	1840	1871	1900	1925	1939
Eiwohner	1443	1483	2398	3737	5102
Johr	1950	1961	1970	1987	2011
Eiwohner	8190	10312	12814	12168	12921

Dr Ausländeraadoel isch 2011 bei 8,6 % gleäge.

Religion

76,4 % vo dr Eiwohner send em Johr 1987 remisch-katholisch gweä, 13,8 % evangelisch.

Bolidig

Vehrenge ghert zua koenere Verwaltonsgmoeshaft. Dr Birgermoeschter vo Vehrenge ischt dr Karl Janson .

Wahla seit 1986

Johr	CSU	SPD	FW	Griane	FDP	Sonschtige
1986	58,1 %	28,7 %	-	6,5 %	2 %	4,7 %
1990	52,6 %	29,2 %	-	6,4 %	3,3 %	8,5 %
1994	53,6 %	29,3 %	-	7,3 %	2,3 %	7,5 %
1998	48 %	33,3 %	3,6 %	5,2 %	1,6 %	8,3 %
2003	61,4 %	22,5 %	3,8 %	6,2 %	2 %	4,1 %
2008	47,3 %	19 %	11,3 %	6,4 %	5,5 %	10,5 %
2013	48,6 %	22,9 %	7,7 %	7,1 %	2,4 %	11,3 %

Schtädtepardnerschafda

Hettstedt en Sachse-Ahalt, seit 1990
Vizille en dr Regio Auvergne-Rhônes-Alpes (Frankreich), seit 2002
Venaria Reale em Piemont (Italie), seit 2011

Kuldur ond Verei

Kuldurzendrom

S Kuldurzendrom Wolfgang-Eychmüller-Haus isch 1993 ereffnat worra. Es isch benannt nach am friera Vorschdandsvorsitzenda vo de Wieland-Werke, der au Ehrabirger vo Vehrenga isch. Em groaßa Saal hand 600 Leit Platz. S Kuldurzendrom wed oft vo de Vehringer Verei aber au vo auswärdige Kinschdler gnutzt.

Schbort

Dr greaschde Verei vo Vehrenge isch dr Schbortclub Vehrenge 1893 e. V. Dr SCV, wia er abkirzt hoißt, hat 19 Abdeilonga ond ogfähr 3000 Mitglieder. En de Schdadtdoil gibts au Schbortverei ond zwar da SV Illerzell ond da SSV Illerberg/Thal.

Bekannte Seh ond Dechdr vo Vehrenge

Charles August Fey (* 2. Februar 1862 als Augustinus Josephus Fey, † 10. Novembr 1944 en San Francisco), Erfendr vom Oiarmiga Bandidda
Elmar Stegmann (* 1935), frierer Dischtennis-Nationalschbieler
Josef Guter (* 1929), Sinologe ond Buachautor
Solanus Hermann (* 19. Mai 1909 en Dal als Rudolf Hermann, † 13. Dezembr 1950 en nordkoreanischer Lagerhaft, Benediktinermench en dr Abtei Tokwon

Dialekt

Dr Dialekt vo Vehrenge ghert zom Schwäbisch.

Weblink

Commons: Vehrenge – Sammlig vo Multimediadateie

www.voehringen.de
Vöhringen (Iller): Wappegschicht vum Haus der Bayerischen Geschichte (HdBG)
Vöhringen (Iller): Amtlichi Statistik (LStDV)

Fuaßnota

↑ Genesis Online-Datenbank des Bayerischen Landesamtes für Statistik Tabelle 12411-003r Fortschreibung des Bevölkerungsstandes: Gemeinden, Stichtag (Einwohnerzahlen auf Grundlage des Zensus 2011).

Dä Artikel basiert uff ere fräie Übersetzig vu dere Version vum Artikel „Vöhringen_(Iller)“ vu de dütsche Wikipedia. E Liste vu de Autore un Versione isch do z finde.

[Metadaten_Einwohnerzahl_DE-BY-1] Genesis Online-Datenbank des Bayerischen Landesamtes für Statistik Tabelle 12411-003r Fortschreibung des Bevölkerungsstandes: Gemeinden, Stichtag (Einwohnerzahlen auf Grundlage des Zensus 2011).

[1]