Val-de-Charmey
| Val-de-Charmey | |
|---|---|
 | |
| Basisdate | |
| Staat: | Schwiiz |
| Kanton: | Friburg (FR) |
| Bezirk: | Greyerz |
| BFS-Nr.: | 2163 |
| Poschtleitzahl: | 1637 Charmey 1654 Cerniat |
| Koordinate: | 579019 / 163108 |
| Höchi: | 887 m ü. M. |
| Flächi: | 112.15 km² |
| Iiwohner: | 2620 (31. Dezämber 2022)[1] |
| Website: | http://www.val-de-charmey.ch |
 Charmey | |
| Charte | |
 | |
Val-de-Charmey isch de Name vùnere politische Gmeind, wo dur d Fusion vo Scherni (Cerniat) ùn Galmis (Charmey) ùff de 1. Januar 2014 entstande isch. Si lait im Greyerzbezirk im Kanton Frybùrg in de Schwyz.
Geographii
[ändere | Quälltäxt bearbeite]Die neui Gmeind het e Flächi vo 112,22 km², was 23 % vùm Bezirk ùn 7 % vùm Kanton Fryburg ussmacht. Val-de-Charmey isch demit mit Abstand (no vor Haut-Intyamon mit 60,45 km²) di gröschti Gmeind vùm Kanton. Vo de Yywohnerzaal isch si mit 2186 aa dritter Stell im Greyerzbezirk nooch Boll ùn Broc. Nachpuurgmiine va Val-de-Charmey si Bas-Intyamon, Botterens, Broc, Châtel-sur-Montsalvens, Corbières, Crésuz, Grandvillard, Gruyères, Hauteville, Jaun, La Roche, Plaffeien ù Plasselb im Kanton Fryybùrg, Saanen im Kanton Bärn ù Château-d’Œx ù Rougemont im Kanton Waadt.
Gschicht
[ändere | Quälltäxt bearbeite]Ursprüngli hen die „quatre-C“, die vier vo de fümf Gmeinde im Jaunbachtal, wo mit C aafange, sölle gmeinsam fusioniere. Des sin Scherni (Cerniat), Galmis (Charmey), Châtel-sur-Montsalvens ùn Crésuz gsi. Di fümft Gmeind, Jaun, di einzig dütschsproochigi Gmeind im Greyerz, het aa de Sitzige vùm Fusionskomitee als Beobachter deilgno, aber nit welle bi de Fusion mitmache.[2] Galmis hät in derre neue Gmeind nit numme geographisch, sùndern au vo de Yywohnerzaal, mit rùnd 1850 Yywohner vo insgsamt rùnd 2700, klar dominiert. Bi de Abstimmig am 5. Mai 2010 isch s Projäkt z Scherni ùn Galmis aagno, z Châtel-sur-Montsalvens ùn Crésuz aber abgläänt worde. Eine vo de Hauptgründ isch wohl de Stüürsatz gsi, wo in de drüü Gmeinde ùff de rächte Syte vùm Javroztal diefer wie z Galmis gsi sin, ùn bi ere Fusion gstyyge wär. Di neui Gmeind wär flächemässig di gröscht Gmeind im Kanton ùn vo de Yywohnerzaal aa zweiter Stell im Bezirk nooch Boll gsi.
D Gmeindsfusion isch vo Scherni ùn Galmis wyterverfolgt ùn bi ere zweite Abstimmig im März 2013 aagno worde. So isch di neui Gmeind zum 1. Januar 2014 entstande. Für di erschti Legislatur sölle 6 Gmeindsrööt uss Galmis ùn 3 uss Scherni cho, bis in de zweite Legislatur di alte Gmeinde als Waalchreis verschwinde.
Wappe
[ändere | Quälltäxt bearbeite]Am 11. ùn 12. April 2012 isch s Wappe vo de plante Gmeind vorgstellt worde. Es zeigt obe links e silbrigs Fäld mit zwei rote, fümfzackige Stärn, wo di beide Dörfer symbolisiere. Obe rächts isch ùffeme rote Fäld e goldigs Zepter, wo d Kartause La Valsainte symbolisiert ùn au im Wappe vo Scherni z finde isch. Ùnte links isch e grieni Tanne ùffeme schwarze Hügel ùn eme rote Grund, wo em Wappe vo Galmis ohni de silbrige Querstreife entspricht. Ùnte rächts schliessli sin ùffeme silbrige Grùnd drüü grieni Streife, wo s Wasser, d Natur ùn d Wiidergeburt symbolisiere. S Silber im Wappe stoot usserdäm für d Herrschaft Korbers, wo beidi friener dezueghört hen, ùn s Rot stoot für d Herrschaft Greyerz.[3]
Yywoner
[ändere | Quälltäxt bearbeite]Quela: Bundesamt für Statistik 2005[4]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Yywoner | 1350 | 1532 | 1697 | 1721 | 1868 | 1960 | 2019 | 2070 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Yywoner | 1936 | 1954 | 1917 | 1666 | 1524 | 1502 | 1768 | 1906 |
De Uusländeraateel isch 2010 bi 12,2 % gläge.[5]
Religion
[ändere | Quälltäxt bearbeite]85 % va de Yywoner si im Jaar 2000 römisch-katholisch gsii, 5,4 % evangelisch-reformiert.[5]
Spraach und Tialäkt
[ändere | Quälltäxt bearbeite]Bi de Vouchszelig 2000 hii va de 1906 Yywoner 88,1 % Franzöösisch aus Hùùptspraach aaggää, 7,7 % Tüütsch ù 4,2 % anderi Spraache.[5]
De aut frankoprovenzalisch Patois hii im Jaar 2000 na iigene Aagabe na 171 va de 1906 Yywohner ggredt.
Weblink
[ändere | Quälltäxt bearbeite]
Commons: Val-de-Charmey – Sammlig vo Multimediadateie- D Websyte vo de politische Gmeind
- Pierre-Philippe Bugnard: Charmey. In: Historisches Lexikon vo dr Schwiiz.
- Georges Andrey: Cerniat (FR). In: Historisches Lexikon vo dr Schwiiz.
- La clé de la fusion est à Châtel Artikel uss La Gruyère vùm 4 Mai 2010 (e Analyse vo de Situazion im Vorfäld vo de Abstimmig)
Fuessnoote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Reflets de Cerniat: Bulletin Paroissial et Communal de Cerniat. n2 2010
- ↑ Communiquer pour mieux fusionner. Artikel uss La Liberté vùm 13. April 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- ↑ 5,0 5,1 5,2 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
