Val d’Hérens

S Eringertaal, wo uf französisch Val d’Hérens heisst, isch es Sitetaal linggs vom Roonetaal im Kanton Wallis. S Taal ghört zum Bezirk Ering, wo aber grösser isch als s Taal sälber; dr Bezirk hed au no s Hérémencetaal oder Dixencetaal im Weschte vom Eringertaal.

• 
  dr Gletscher under em Mont Collon
• 
  s Dorf Les Haudères un dr Bärg Dent Blanche
• 
  d Ärdpiramiide bi Euseigne

Durs Taal flüsst d Borgne, en Bärgbach, wo öpe 30 Kilometer lang isch. Si chunt vo de Schneebärge im Süde a dr Landesgränze zu Itaalie und goot bis i d Gäget vo dr Stadt Sitte, wo si i d Roone mündet. Si het zwöi Quellbäch, d Borgne vo Ferpècle, wo under dr Dent Blanche (4357 m) und dr Dent d’Hérens (4171 m) afoot, und d Borgne vo Arolla. Bim Dorf Les Haudères laufe si zäme und bilde jetz di grossi Borgne.

Im undere Taalabschnidd lige d Gmeinde Evolène, Saint-Martin und Vex und d Dörfer Mase, Vernamiège und Nax, wo zäme sid 2011 d Gmeind Mont-Noble bilde.

Im südleche Sitetaal isch dr Dixence-Stausee mid der höchschte Staummuur vo dr Wält. Dr Bärgbach, wo i See lauft, isch d Dixence.

Weblink

• Website vom Taal