Valangin

Valangin
	Wappe vo Valangin
Basisdate
Staat:	Schwiiz
Kanton:	Nöieburg (NE)
Region:	Val-de-Ruz
Bezirk:	(Dr Kanton Nöieburg kännt sit 2018 kä Bezirk me.)
BFS-Nr.:	6485
Poschtleitzahl:	2042
Koordinate:	559576 / 207429Koordinate: 47° 1′ 0″ N, 6° 54′ 25″ O; CH1903: 559576 / 207429
Höchi:	651 m ü. M.
Flächi:	3.77 km²
Iiwohner:	Expression-Fähler: Nit erwartete Operator: <Ungültiger Metadaten-Schlüssel 6485 (31. Dezämber 2022)
Website:	valangin.ch
	Valangin Valangin
Charte
	Charte vo Valangin

Valangin (frankoprovenzalisch [volɛˈdʒɛ̃], uf dytsch früener: Valendis) isch e bolitischi Gmai vom Kanton Nöueburg.

Geografi

Valangin lyt im Nöieburger Jura am nerdlige Yygang vu dr Seyon-Schlucht. Zue Valangin ghere au no d Wyler La Borcarderie (674 m ü. M.) un Bussy (746 m ü. M.). Dr Bann umfasst 40 Prozänt landwirtschaftligi Flechi, 51 Prozänt Wald, 8 Prozänt Sidligsflechi un öppe 1 Prozänt sunschtigi Flechi. D Nochbergmaine vu Valangin sin Neuenburg, Peseux un Val-de-Ruz.

Gschicht

Valangin isch zum erschte Mol gnännt wore anne 1241 as de Valengiz.

D Herrschaft vo Valangin het im Middelalter mit der Burg uf em Felse z Valangin ir Zäntrum gha. Si isch anne 1215 a d Graafe vo Aarbärg cho. 1296 isch es wäge dere Herrschaft zum ene Chrieg cho. Sid 1592 het s Piet vo Valangin ganz zu Nöieburg ghört.

Syt 1648 isch Nöueburg Firschtetum un ab 1707 dur Personalunion mit em Chenigrych Preuße verbunde gsii. Anne 1806 isch s Biet an Frankrych unter em Napoleon I. abdrätte wore. Im Zug vum Wiener Kongress isch s anne 1815 an d Schwyz chuu, doderby sin d Chenig vu Preuße aber bis zum Nöueburgerhandel 1857 au Firschte vu Nöueburg blibe.

Bis Endi 2017, wo d Bezirk im Kanton Nöieburg ufghobe wore sin, het d Gmai Valangin zum Bezirk Val-de-Ruz ghert.

Bevelkerig

Quälle: Bundesamt für Statistik 2005^[2]

Bevelkerigsentwicklig
Johr	1850	1860	1870	1880	1888	1900	1910	1920	1930
Yywohner	418	535	487	435	455	476	502	480	461
Johr	1941	1950	1960	1970	1980	1990	2000	2010	2015
Yywohner	389	427	409	409	406	416	400	412	496

Quella: Bundesamt för Statistik^[3]

Dr Uusländeraadail isch 2010 bi 7,1 Prozänt gläge.

Religion

68,4 Prozänt vo dr Yywooner sin evangelisch-reformiert, 11,2 Prozänt sin römisch-katholisch (Stand 2000).

Bolitik

Bi dr Nationalrootswahle 2011 het s des Ergebnis gee: BDP 0,7 Prozänt, CVP 3,1 Prozänt, FDP 26,3 Prozänt, Grüeni 6,5 Prozänt, PdA 1,0 Prozänt, SP 12,5 Prozänt, SVP 44,2 Prozänt.

Dr Gmaindsbresidänt isch dr Etienne de Tribolet (Stand 2018).

Wirtschaft

Valangin isch traidzionell es Puuredorf gsi. Hüt hets Gwärb im Dorf, und vil Lüüt woone dört und schaffe als Pändler z Nöieburg unde.

Sproch un Dialäkt

Bi dr Volkszellig 2000 hän vu dr 400 Yywohner 93,8 Prozänt Franzesisch as Hauptsproch aagee, 4,2 Prozänt Dytsch, 0,4 Prozänt Italienisch un 1,6 Prozänt anderi Sproche.

Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn.^[4]^[5]