Valstrona

Luzzogno
Kampel
(Campello Monti)

Valstrona oder uf düütsch Stronatal isch e Gmeind vo der iteliänische Provinz Verbano-Cusio-Ossola im Piemont.

S Gmeindpiet het e Flechi vo 49 Kwadratkilometer. D Gmeind isch im 20. Joorhundert mol vil grösser gsi; 1927 sind die meischte vo de Dörfer im ganze Tal zämegleit worde, und 1929 isch au no Campello Monti derzuecho. Anne 1955 sind aber vil vo de Dörfer wider usträtte und eigeti Gmeinde worde. Hüt het d Gmeind nume no d Ortschafte Strona und Campello Monti.

I der Gmeind sind die Frakzione: Strona, Luzzogno, Fornero, Piana di Fornero, Inuggio, Sambughetto, Rosarolo, Otra, Preia, Forno, Piana di Forno und Campello Monti.

D Nochbergmeinde sind: Anzola d’Ossola, Calasca-Castiglione, Cravagliana, Loreglia, Massiola, Urnafaasch, Pieve Vergonte, Quarna Sopra, Quarna Sotto, Rimella, Sabbia und Varallo Sesia.

Im Middelalter isch vo de Walser s Bärgdorf Kampel im Tal obe gründet worde; das isch s hüttige Campello Monti. Der Paul Zinsli het dört no es bar alti düütsche Fluernäme uufgnoo.[1]

[ändere | Quälltäxt bearbeite]
 Commons: Valstrona – Sammlig vo Multimediadateie

Fuessnoote

[ändere | Quälltäxt bearbeite]
  1. ↑ Paul Zinsli: Walser Volkstum in der Schweiz, in Vorarlberg, Liechtenstein und Piemont. Erbe, Dasein, Wesen. Huber, Frauenfeld 1968. Und au vom Zinsli: Südwalser Namenbuch. Die deutschen Orts- und Flurnamen der ennetbirgischen Walsersiedlungen in Bosco-Gurin und im Piemont. Stämpfli, Bern 1984.