Verpackung

Dialäkt: Schwäbisch

Vrpackonga em Oizlhandl senn a Rfendong mo se mid dr Aifihrong vo de Selbschdbedienongsläda ausbroidad hod. Manche vo dene Bsondrhoida kommad wiedr en Brauch. Em Lädle isch draussa Kolonialwaara gschdanda. Drenna hod s älles gä, wamr wella hod – weil mr blos hod wella derfa was gäba hod.

Lischt vo Verpackonga

A

• Anka, s Buddrschmalz hods so wia da Buddr, los gäba.^{[1][A 1]}

B

• Bier hod ma en dr Wirschafd hola kenna. Drbei isch vom Hahna en a Flasch zabfd worra.
• Brod hod s auf em Land blos auf Bschdellong ghed, weil mr selbr bacha hod.
• Dr^{[A 2]} Buddr isch mid ara Holzschaufl auf a Bergamedbabier gwog worra.^{[A 3]}

D

• Doigwara hend de moischde Leid selbr gmachd, drom hod se s kaum gäba.

F

• Fisch: Dr Fischvrkauf war em Fischlada ond hod se auf a baar Sorda beschrenkd.

H

• D Hefe isch mid ara Messr auf a Bergamedbabier gwog worra.^[2]

K

Bachschdoikäs

Käs

• Dr Bachschdoikäs (a Limburger Magrmilchkäs) isch 100-grammweis vo ama Block^{[A 4]} aagschnidda worra^[3]

Kaffee

• Fir Kaffee hod s extra Gschäfd gea. Gmahla hend n d Leid drhoim.
• Malzkaffee war iblich, weil r billigr war.

M

• D Milch isch emma Milchlada aus groasse Milchkanna mid ama Schepfr virdl- odr halbliddrweis en a Milchkann gschepfd worra. Vrkaufsferdernd hods Bildla gä, mo ma en Alba hod kleba kenna, mid Thema wia Afrika.

O

• Oier send oinzln vrkaufd worra, ond jeds isch durchleuchded worra, ob s au guad isch. Ond weil d Henna em normala Leba ned emmr legad, hod mr Oier en Wassrglas eiglegd.^[1]

S

• Sauekraud isch aus em Fass vrkaufd worra, so wia d Gurka.^[1]

W

• D Waag isch koi Vrpackong, abr isch fir s vrkaufa ohne Vrpackonga elemendar gwää – se isch aus em Ländle komma, wia dr Nama BizerBa^{[A 5]} au said.

Guck au

• Schwäbische Kuche

Lidradur

• Walter Theiler: Als langsam schon schnell war: 111 Dinge, die unser Leben schneller machen. ISBN 3-7407-4358-1. Fehler in Vorlage:Literatur – *** Schreibweise falsch: 'isbn' ist 'ISBN'

Weblink

Aamergonga

1. Anka isch en Buddr mo ma s Wassr nauskochd hod drmid r längr halda duad.
2. Em Schwäbischa isch es DER, ned DIE.
3. Nachdem Vrpackonga eigfiehrt worra swnn, hod s no lang koi Dadum drauf geba, blos vrschlissld mid MILCHPROBE.
4. Deswega dr Nama Bachschdoi.
5. Bizer, Balingen. Uf dr Alb hods Ord gä, mo jedr zwoide Bizer ghoissa hod.

Mo s her isch

1. Konservierung wie vor 100 Jahren.
2. Warum wiegt ein Würfel Hefe eigentlich genau 42 Gramm?. Archiviert vom Original am 2. Juli 2017. Abgrüeft am 16. März 2018.
3. ÖMA Allgäuer Backsteinkäse, Bioland. Archiviert vom Original am 27. Dezember 2019. Abgrüeft am 27. Dezember 2019.