Villers-Franqueux | ||
---|---|---|
Region | Grand Est | |
Département | Marne | |
Arrondissement | Reims | |
Kanton | Bourgogne-Fresne | |
Kommünàlverbànd | Grand Reims | |
Koordinàte | 49° 20′ N, 3° 57′ O | |
Heche | 83–188 m | |
Flech | 3,29 km2 | |
Iiwohner | 296 (1. Jänner 2020) | |
Bevelkerungsdicht | 90 Iiw./km2 | |
Code Postal | 51220 | |
INSEE-Code | 51633 | |
Website | villers-franqueux.fr |
Dialäkt: Mìlhüüserdiitsch |
Villers-Franqueux [vilɛʁ fʁɑ̃kø](info) ìsch a frànzeescha Gmainda mìt 296 Iiwoohner (Schtànd: 1. Januar 2020) ìm Département Marne ìn dr Regioon Grand Est. Sa gheert zem Kàntoon Bourgogne-Fresne ìm Arrondissement Reims un ìsch Mìtglììd ìm Gmaindaverbànd Communauté urbaine du Grand Reims.
Villers-Franqueux lììgt äbba zehn Kilomeeter nord-nordwäschtlig vu Reims ìm Norda vu dr histoorischa Prowìnz Champagne. S’ Zäntrum vu dr Gmainda lììgt uff’ra Heecha vun äbba 110 Meeter, ìm Süüdwäschta schtaigt s’ Gland schnall bis uff ìwwer 180 Meeter àà; ìm Nordoschta ìsch’s numma 90 Meeter hooch.[1]
Umgaa wìrd Villers-Franqueux vu da Nochbergmainda Hermonville ìm Wäschta un Norda, Loivre ìm Nordoschta un Oschta, Courcy ìm Süüdoschta, Thil ìm Süüdoschta un Süüda so wia Pouillon ìm Süüda.[1]
Ànna 1842 hàt a Brànd ìm Dorf 13 Hiiser un d’ Kìrìch zärschteert.[2]
Noh-n-em Äärschta Waltkriag ìsch s’ Dorf àm 1. Oktoower 1920 mìt’m Kriagskriiz 1914–18 üsszaichent worra.[3]
Àm 25. Mai 2022 ìsch dr frànzeescha Premiarminìschter Édouard Philippe z’ Villers-Franqueux un Auménancourt kumma ku ìwwer Wìrtschàfts- un Wiibàuipolitik dischkütiara — dàs ìsch ìm Rààhma vu dr Kàmpàània fìr d’ Pàrlàmantswàhl vu Jüüni 2022 gsìì.[4]
Joohr | 1962 | 1968 | 1975 | 1982 | 1990 | 1999 | 2006 | 2013 | 2020 |
Iiwoohner | 212 | 198 | 228 | 220 | 270 | 281 | 297 | 302 | 296 |
Kwalla: Cassini un INSEE |
D’ Départementsschtrooss D 944, d’ ehamooliga Nàzionààlschtrooss 44, vu Cambrai uff Vitry-le-François, fiahrt àn dr nordeeschtliga Gmaindagranz. D’ Departementsschtrooss D 30 verbìndet s’ Zäntrum mìt Hermonville ìm Wäschta un mìt Loivre ìm Oschta, d’ D 330 mìt Thil ìm Süüdoschta.[1]
A Büsliinia vu dr Trànsportgsällschàft Champagne Mobilités verbìndet d’ Gmainda mìt Cormicy un Reims.[6]